محتار بجد فى موضوع الجامعه

**YahiaAshraf** · 31-07-2014 04:46 PM

بسم الله الرحمن

انا كنت عملت كذا موضوع قبل كده عن الدراسة فى اوكرانيا و روسيا و اتكلمت كتير

بعد دراسة متانيه جدا و بعد الاتصال ببعض الاقارب فى المانيا والسفاره المصرية هناك كان الرد كالاتى :-

مجموعى يدخلنى هندسه فى الجامعات الالمانية
ال 60 الف جنسه اللى كنت هدفعهم فى الاكادمية العربية للنقل البحرى فى السنه هيكفونى هناك دراسة و اكل وشرب و لبس و كل حاجة تخطرعلى بالكم

من حيث والدى فهو موافق جدا انى اسافر
ولكن يبقى السؤال اللى محيرنى هنا

انا دلوقتى قدمت على كلية النثل الدولى و اللوجيستيات (لوجيستك) مصاريفها فى السنه 60 الف جنيه مصرى هل اخلينى فيها ولا ادخل هندسه فى المانيا

هتقولولى لازم لغه

هقولك انى بعرف اتكلم المانى بس طبعا موصلتش للمستوى المطلوب بس فى المانيا فيه بعض الجامعات تعمل بالنظام الفصلى يعنى ممكن ابتدى الترم الاول من شهر ابريل القادم او اكتوبر القادم لو انا دخلت فى شهر ابريل هيبقى قدامى وقت كافى وزيادة انى اخد شهادة اللغة الالمانيه من معهد جوته

ارجوكم حد يرد عليا لان دماغى وقفت من التفكير

الخلاصة انى فى المانيا هبقى مهندس
فى مصر هبقى تبع المجال الادارى

**hilal** · 31-07-2014 05:46 PM

انا ايضا اوافق الاستاذ خالد انه يجب ان تسافر
لا مجال للمقارنة بين البديلين
كانك تقارن بين سيارة مرسيدس وبين بسكلتة
ان شاء الله نشوفك مهندس عظيم

**cosmo** · 31-07-2014 07:49 PM

انا رديت عليك قبل كده وقلتلك المانيا فى اول موضوع عملته
حاول تسرع شويه التاخير مش فى مصلحتك
فرصة سفرك دلوقتى اسهل بكتير بعد ما تتخرج
بكالريوس هندسة من اكبر دولة هندسية هتخليك تحط الشهادة فى عين التخين
اما بالنسبة للغة خدها فى المانيا اللغة ممارسة زى المواصلات السوبرماركت الحاجات دى هتنمى لغتك اسرع
استخير ربنا وطير

**Land_Cruiser** · 31-07-2014 08:02 PM

أكيد هندسه في المانيا افضل كتير بس موضوع اللغه ده مش موضوع بسيط لان لازم مستواك يعلي فيه بسرعه بحيث انك تقدر تفهم و تتكلم وتمتحن بالألماني مش تعرف الاساسيات اللي تمشيك في الحياه اليوميه و خلاص و كمان اتاكد من موضوع المصروفات لأني حاسس ان الرقم ده قليل شويه. لو مكانك هتوكل علي الله فيه و ربنا يوفقك لما فيه الخير

**hesham fawzy h** · 31-07-2014 08:22 PM

ليا كزا واحد اعرفة متخرج من اوجيستكس اكادمية بحرية الى فى الشيراتون بتقديرات ومحدش فيهم اشتغل

**Bassem Youssef** · 31-07-2014 10:11 PM

اقل من 10 الالاف من الدولارات في السنه تكفي مصاريف الكليه + مصاريفك الشخصيه ؟ و كمان في المانيا ؟

لازم لغتك تبقي perfect عشان تعرف تتعامل مع الناس بسهوله في المانيا + لازم تظبط لغتك قبل ما تسافر

**YahiaAshraf** · 31-07-2014 10:22 PM

بجد متشكر جدا ليكم يا جماعه

انا هطلع على معهد جوته يوم السبت باذن الله علشان اعمل اختبار تحديد مستوى وانا حاسس انى باذن الله هعدى المستوى الاول وادخل كورسات من اول المستوى التانى وعندى لغاية 15 - 1 2015 اكون اخدت شهادة اللغة الالمانية باذن الله

**YahiaAshraf** · 01-08-2014 01:48 AM

المشاركة الأصلية كتبت بواسطة mohab.nabil

60 الف جنيه تغطى مصاريف سنة دراسية !؟

طيب مبدأيا انت عندك تذاكر السفر و ديه حاجة بسيطة

60 الف يعنى 6 الاف يورو قول الجامعة هتاخد 500 يورو اللى هى ببلاش يعنى مصاريف ادارية و 500 تمن التذكرة على الاقل لو مش هترجع خالص فى اى اجازات

يعنى بقى ناقصلك 5 الاف يورو

10 شهور يعنى 500 يورو فى الشهر .. سكن و اكل و مواصلات بـ 500 يورو فى الشهر !؟ بصراحة انا مش مقتنع خالص ان الرقم ده يقدر يعيشك هناك لوحدك كده الا لو هتسكن مع حد قريبك او معارفك و مش هتدفع مصاريف سكن يبقى كده الكلام ممكن يبقى منطقى

عامة طبعا شهادة هندسة من المانيا احسن كتير من شهادة الاكاديمية البحرية بس لازم تحسبها كويس زى ما قلتلك قبل كده كويس جدا و متسمعش كلام اى حد فيه ناس ممكن تخليلك الدنيا وردى و تروح تلبس لأن لو الموضوع على 60 الف كنت هتلاقى ناس كتير جدا تروح تعيش هناك شوف اعداد اللى داخلين جامعات خاصة هنا

انا ليا قريبى فى المانيا لما قولتله 60 الف قالى يكفوا كل حاجة

المواصلات مش هدفع حاجة لان الجامعه بتدينى كارت استخدمه فى المواصلات يعنى كده مش هدفع مواصلات

السكن سالت لاقيت ان فيه اسعار للطلبة فى حدود 300 يورو شهريا