فتيس الفيرنا 1600 الأتوماتيك

**Ahmed Anwer** · 19-07-2007 03:03 PM

يا جماعة ليا استفسار عاجل جدا أنا اشتريت فيرنا 1600 اتوماتيك و لسه حتي ما رخصتهاش المشكلة إن الفتيس ناعم جدا و ممكن حتي ينقل من بين النقلات من غير ما تدوس علي الزرار الخاص بذلك و اللون الأحمر بتاع النقل اللي في قاعدة الفتيس ممكن تلاقيه جاي في النص ما بين نقلتين لو ما ضبطتهوش و واحد قريبي عنده نفس العربيه و مغهاش المشكلة دي خالص بالعكس ناشف و محكوم و أنا خايف ده يكون عيب كبير رغم أنه مش عامل أي مشكلة في مشي العربية و حركتها يعني مجرد ما تحط النقلة العربية بتتحرك من غير أي صوت أو مشكلة فهل ده عيب بسيط و هيضبطوه في الصيانة مجرد تربيط مثلا يعني و لا مشكلة خطيرة و استني صيانة الألف و لا أروح أسأل عليه فورا أرجو الرد و الإفادة في أسرع وقت أرجوكم

**Hossam Mounir** · 19-07-2007 03:45 PM

من رأيي الشخصى ... أنك تحجز فى التوكيل ... وتبلغهم بالمشكلة ... بس بعد ما تتأكد أنها مش موجودة إلا فى عربيتك أنت بس ... وأعتقد أنك طالما لسة ما رخصتش ممكن أيضاً ترجع للمكان اللي أشتريت منه ... وتشوف ممكن يعملك ايه ... فى المشكلة دى ... وإن شاء الله يطلع موضوع بسيط ... بس ليه تخلي نفسك قاعد قلقان ...

أسف أنا مش قادر أفيدك فى المشكلة ... نفسها لآن الألنترا الفتيس الأوتوماتيك بتاعها لا يوجد به زرار ... ويتم النقل عن طريق توجيه الفتيس إلى مكان النقلة فقط ... لكن طبعاً هو ناشف جداً ولايمكن ان يعدل وضعة بدون الضغط عليه لتحريكة ...

تحياتي للجميع ...

م / حسام منير

**Ahmed Anwer** · 19-07-2007 04:14 PM

شكرا لسرعة ردك يا باشمهندس أنا متأكد إن العربيات التانية مش كده عشان شوفت عربية قريبي ، بس الغريب إن عربيتي صوت موتورها أنعم بكتير :D أنا من قلقي بفكر أرجع العربية للمعرض بس ده شبه مستحيل لأن العربية خلاص عملت 150 كيلو و أتمني أنها تكون من المشاكل السهلة اللي بيعالجها التوكيل أنا هأعمل زي مابتقول مجرد ماهأرخص العربية هاروحلهم عالطول

**bosha** · 22-07-2007 02:32 PM

انا اسمى شريف ساكن فى مدينة الحرفيين تحت بيتى ورشة صيانة على اعلى مستوى دخلت عربية فرنا موديل 2005 اوتوماتك الفتيس عطلان حاول تصليحة معرفش جاب واحد استيراد ماقبلش على العربية يارت تلحق العيب مع التوكيل .

**sokasoon** · 24-07-2007 06:24 AM

المشاركة الأصلية كتبت بواسطة bosha

انا اسمى شريف ساكن فى مدينة الحرفيين تحت بيتى ورشة صيانة على اعلى مستوى دخلت عربية فرنا موديل 2005 اوتوماتك الفتيس عطلان حاول تصليحة معرفش جاب واحد استيراد ماقبلش على العربية يارت تلحق العيب مع التوكيل .

معنى كده ان صيانة فتيس الفيرنا الاتوماتيك

معقدة او مالهوش صيانة اساسا باز يتغير ماينفعش يتصلح

**Ahmed Anwer** · 24-07-2007 08:22 PM

الموضوع أبسط من كده بكتير ، الفتيس زي الفل ،، هو أكيد أن هأقولهم في التوكيل علي أي حاجة بس الموضوع بسيط مدخلش يعني في فتيس بايز ،،حاجة كدة زي ما تكون عايز تعلي دواسة البنزين ،و بعدين هما أصلآ بتوع الحرفيين مبيعرفوش يصلحوا حاجة أساسا و واخدين سمعة علي الفاضي و غاليين جدا علي الفاضي ، أنا كان عندي واحد صاحبي عنده سيفيك أتوماتيك 2004 و كانت كل مشكلته إنه لما بيجيب R يدوب الفتيس بيأخر كام ثانية و العربية ترجع راح للباشا إخصائى الهوندا في الحرفيين خد منه 600 جنيه عشان بس يفك الفتيس و معرفش يصلح حاجة و صاحبي مقدرش يعمل حاجة و دفع الفلوس و علي فكرة عن تجربة محدش أصلآ بيعرف يصلح حتي الفتيس المانيوال إنشااالله بتاع 128

**roffa1** · 01-08-2007 01:30 AM

أنا معايا 1600 أوتوماتك عاملة 87000 و لما أستلمت العربية كان فيها نفس العيب ده ورحت التوكيل و عملولى مراجعه على أداء عصاية الفتيس و رجعت كل حاجه زى الفل و العربيه ماشيه كويس من ناحيه الفتيس الاوتوماتيك

**bassam nagy** · 01-08-2007 11:24 AM

اية الاخبار مش الحمد اللة الفتيس رجع زى الاول

**Ahmed Anwer** · 01-08-2007 09:17 PM

المشاركة الأصلية كتبت بواسطة roffa1

أنا معايا 1600 أوتوماتك عاملة 87000 و لما أستلمت العربية كان فيها نفس العيب ده ورحت التوكيل و عملولى مراجعه على أداء عصاية الفتيس و رجعت كل حاجه زى الفل و العربيه ماشيه كويس من ناحيه الفتيس الاوتوماتيك

ربنا يطمنك ، ألف شكر