تغيير موتور فيليشيا

**ahmed elhariry** · 01-08-2014 12:11 PM

لا شكر علي واجب ويارب المعلومات دي تفيدك وابقي عرفنا انتا وصلت لاايه برضو

**حسن محمود احمد** · 01-08-2014 12:26 PM

المشاركة الأصلية كتبت بواسطة meno flicia

السلام عليكم ورحمة الله وبركاتة ..
انا اشتريت فيليشيا من اسبوع وكام ييوم كدة .. وكنت عاوز اسأل الاخوة اصحاب الخبرة بهذة السيارة
انا عندي الموتور الحمد لله كويس وكل شي تمام .. ولكن السخونة شي ( .... ) طبعا انتم عارفين

انا عاوز اسأل اذا كان في موتور بدل موتور الاسكودا فيليشيا يتركب فيها .. بحيث مشكلة السخونة متبقاش في العربية ....
مثال انا مرة لاقيت في مشاركة في منتدانا العزيز ان موتور الجولف ينفع او حاجة زي كدة ... معلش انا مش خبير في موضوع العربيات دة والعربية دي اول عربية اركبها ..

فياريت لو في موتور لماركة تاني ينفع للفيليشيا ويكون نفس القواعد ياريت تقولولي .. شكرا لكم وانتظركم علي احر من الجمر .. وعلي فكرة انا مش هغير الموتور غير الي عندي يستهلك او يحصل فية مشكلة .. او ممكن ابيعة وانا اشتري الموتور التاني .. وفين الاقية و في حدود كام ان وجد ؟؟؟؟

السلام عليكم
انا نفسي افهم ازاي انت لسة شاري عربية من حوالي اسبوعين علي حسب كلام حضرتك وبتفكر تسقط لها موتورعلشان موضوع السخونة اللي اتهرا بحث في القسم
شوف انت حضرتك في الاول شيك علي دورة التبريد بالكامل وظبط التكيهات وبما انك لسة شاري العربية غير الزيت والفلاتر( هوا وبنزين وزيت)وان شاء الله الموضوع يتحل بتكلفة بسيطة لان موضوع تسقيط موتور ده بيتم اللجؤ اليه لما الموتور بيجيب اخره وتكلفته عاليه شوية

**meno flicia** · 02-08-2014 04:28 AM

تمام يا استاذ حسن محمود .. انا هسمع كلامك وهشوف الموضوع دة .. ولكن الحجات دي بتتعمل عند الكهربائي ولا المكانيكي ؟؟

دورة التبريد
تظبيط التكيهات
فلاتر هوا و بنزيم و زيت
وكم التكلفة التقريبية لكل الحجات دي ؟؟
؟؟؟؟؟؟؟؟

**حسن محمود احمد** · 02-08-2014 09:19 PM

المشاركة الأصلية كتبت بواسطة meno flicia

تمام يا استاذ حسن محمود .. انا هسمع كلامك وهشوف الموضوع دة .. ولكن الحجات دي بتتعمل عند الكهربائي ولا المكانيكي ؟؟

دورة التبريد
تظبيط التكيهات
فلاتر هوا و بنزيم و زيت
وكم التكلفة التقريبية لكل الحجات دي ؟؟
؟؟؟؟؟؟؟؟

دورة التبريد عند ورشة صيانة ريتديرات 10 او 15 جنيه الا لو في حاجة ح تتغير
تظبيط تاكيهات30 جنيه وتغيير فلتر بنزين 5جنيه وفلتر الهواء 20 اللي يقوم بالعمل ميكانيكي
زيت اي محل او بنزينة بها غيار للزيت السعر حسب النوع ويضاف 5جنيه غيار

**sakr_skoda** · 02-08-2014 10:08 PM

المشاركة الأصلية كتبت بواسطة حسن محمود احمد

دورة التبريد عند ورشة صيانة ريتديرات 10 او 15 جنيه الا لو في حاجة ح تتغير
تظبيط تاكيهات30 جنيه وتغيير فلتر بنزين 5جنيه وفلتر الهواء 20 اللي يقوم بالعمل ميكانيكي
زيت اي محل او بنزينة بها غيار للزيت السعر حسب النوع ويضاف 5جنيه غيار

الله ينور يابو على بس انا ليا ملاحظة بسيطة بخصوص ضبط التاكيهات :لابد ان تكون السيارة باردة ويستحسن ان تبيت فى الورشة ليتم التظبط فى الصباح قبل ادارة المحرك غير كدا يبقى عك وربنا يستر**

**أحمد جودة** · 07-08-2014 12:51 PM

نصيحة قبل ماتفكر فى تسقيط موتور عاوز اقولك خليك مع الموتور القديم للاخر لو محتاج اى حاجة بسيطة ماشي وكمان محتمل يكون الموتور نفسه كويس والمسكلة من الكاربيرتير او الاسبراتير او تظبط تاكيهات أو اى شيئ أخر .... احنا معاك واحدة واحدة زي ماقالك الاستاذ حسن عاد اى صنايعي يشيك على دورة التبريد وخد بالك بيعمل اية علشان ان شاء الله المرة اللى جاية الصيانة تعملها انتا بنفسك ودة كل هدفنا فى المنتدي أننا نساعد بعض ونكمل بعض ونعمل صيانة العربية بنفسنا

أما معلوماتي عن تسقيط الموتير فأعتقد البولو والجولف 1.6 يركب بتعديل على قواعد الموتور ولو لزم الامر لتقيط موتور هات 1.3 انجكشن بتاع الفليشيا اعتقد لحد موديل 2002 وركب الكاربيراتير عليه لو حالة الكاربيراتير كويسة وهتاخد أداء ممتاز من العربية وكلامي عن تجربة

ومتنساش تبعد من دماغك فكرة تركيب تكييف لاني بعتبرها فكرة فاشلة بكل المقاييس ودة {اى شخصي ليس إلا

أسف على الاطالة وأهلا وسهلا بيك فى كل الاوقات