الموضوع: تغيير موتور فيليشيا

مافيش حد بيغير موتور بسبب السخونة ... مشكلتك انك عايز ميكانيكى محترم و فاهم يدور لك على سبب السخونة و يحل لك المشكلة لانها ممكن تكون من
دورة التبريد مش نضيفة او فيها هوا
طلمبة المياه مش بتقلب كويس
المروحة مش مناسبة للعربية
الردياتير محتاج تنظيف او تغيير
و فيه ميكانيكية بتحط 2 جوان تحت وش السلندر
كلامى ده بالنسبة لك هايكون تصبيرة لغاية ما يتواجدوا الاساتذة الكبار و اكيد هايلاقولك حل

طيب هو موتور الجولف لو ركب ينفع يتثبت على الرخصة..مشكلتك إنك بتدور على محرك يكون من إنتاج شركة سكودا برضه..وده عشان القانون اللي بيقول إن لازم يكون المحرك من إنتاج نفس الشركة المصنعه للسيارة ..يعني ما ينفعش حاجه فولكس أو إبيزا مثلا

هوا طبعا محدش بيغير موتور علشان السخونيه لا نها ليها حلول ولكن لو حضرتك عايز تغير الموتور بموتور احسن في الاداء ويفرق معاك في التكييف فا في مواتير نفس المواتير الي بتنزل للبولو والابيزا عليها علامه اسكودا Škoda Felicia - Wikipedia, the free encyclopedia وده لينك بالمواتير الي نزلتها اسكودا في العربية دي بالصور وتفاصيل البريفورمانس والهورس باور وبالنسبة لموضوع تركيب موتور عربية تانيا مواتير الجولف والابيزا والبولو تركب عندنا بالنسبة لموضوع المرور ده معرفش ايه ظروفة بس في واحد في احد الجروبات الشقيقة علي الفيس بوك هوا معاه ابيزا و مركب فيها موتور بولو GTI 124 حصان لو ناو يت ممكن اسالهولك عامل ايه في حوار المرور ده

طبعا موضوع المواتير ده لان سكودا واودي وسيات كلهم دلوقتي بيندرجو تحت مجموعة فولكس فاجين ولو احتاجت اي تفاصيل بخصوص موضوع الموتور قولي لاني كنت بجمع معلومات بقالي فترة عن الموضوع ده

شكرا ليكم كلكم يا رجالة .. باين انها مش مشكلتي انا بس .. كلو بيفكر نفس فكرتي اني اغير الموتور كلة عشان نرتاح من مشكلة السخونة ........ ولكن العقبة هي مشكلة المرور الي ظهرت دي ....

عاوزين نشوف الناس الي جربت موضوع تغيير الموتور .. وهل موضوع المرور دة هيبقي مشكلة تواجهنا عند عمل الفحص والترخيص ... ؟؟

يا ahmed elhariry هل موجودة المواتير الي في اللينك دة في مصر ؟؟ يعني مثلا موتور 1,6 MPI engine

هل هنلاقي منة في مصر ؟؟ وفين بلظبط ؟؟ اصل انا مبتدا جداااااااااا شكرا لكل الرجالة

يا ريت يا ahmed elhariry تفيدنا بلمعلومات الي جمعتها .. حتي لو كانت في سطور صغيرة :)

بص هوا انا مشكلتي غيرك شوية انا الحمد لله معنديش مشكلة في السخونة خالص الحمد لله انا مشكلتي الاساسية في الكربراتير والاداء.بالنسبة للمعلومات الي عندي انا بس عندي مشكلة مش عارف ارفع الصور الي عندي هنا ازاي بس بالنسبة للمعلومات الي جمعتها باختصار ان في موتور كوده aee ده الموتور البديل لموتور الي نازل عندنا وده بينزل في اوروبا وشوفت منة في الحرفيين وده اسكودا طبعا لان بينزل اخوه بوبو وابيزا وده انا اتاكدت منه بعد اما سالت علية في الحرففين بنفسي وشوفته بنفسي وهوا بيركب في ابيزا هناك انا طبعا افضلك ال1.6 علشان التكييف وبعدين العربية تقيلة في 1.6 هيظبط الكلام ثانيا انا افضل انك طلامه بتغير موتور مختلف عن الي عندك يكون بحاجتة كاملة مسمار مسمار يتفك ويركب عندك يعني طبعا يفضل يكون من علي نص مش علي الارض
بالنسبة لموضوع الاسعار انا شهر 3 كنت بشد عربيتي سمكرة واحتاجت حاجات من الحرفيين فاستغليت الفرصة وسالت علي الموتور 1.6 كامل بحاجتة قالولي التجار ساعتها قالبا كاملة يعني ( اي حاجه هتحتاجها وانت بتركب بتاعتي ) طبعا ده كلام التجار المهم ده عبارة عن تغيير تنك البنزين والموتور و اضافة البور وسربانتينة التكييف بس يصراحة نسيت اسال شاملة العفشة الاماممية ولا لا
بالنسبة للسعار في واحد اسمة الفاروق ده في شارع المرسيديس قلي 6.500 بس هوا غالي في كل حاجتة علي فكرة
وفي واحد تاني سوري ده الي نفعني بصراحة قالي 4000 4.500 واعدت اساله قالي في وارايا واحد كهربائي اسمع سعيد لسا واخد واحد لعربية زي بتاعتك المهم رحت لعم سعيد اشوف الموضوع مبدائيا هوا كان زعلان اني باسال واسلوبة معجبنيش بس سالته قال انا باخد في عملية التسقيط دي كهرباء وميكانيكا 1200 قولتلو ولو كهربا بس قالي 800 وشوفته فعلا بيركب المتور ده ل ابيزا وفليشيا كومبي
وسالت واحد عامل جروب علي الفيس بوك بيجيب عربات انصاص استيراد هوا من بور سعيد كان بيتكلم في حدود 3500
وكل الاسعار دي كانت علي شهر 3 يعني قبل ما يطلعو قانون حظر استيراد الانصاص و تستورد مفككة
لاني سمعت ان الموضوع ده علي اسعار قطع الغبار الاستيراد
اما لاتجربة الي عجبتني وبفكر فيها هي ان في واحد في جروب للجولف معاه ابيزا 94 سقط فيها موتور بولو 124 حصان كامل بالعفشة بتاعتة بنظام الفرامل بكل حاجه عند ميكا نيكي اسمة سيد عبده في جسر السويس
وسبب مانا عرفت انهوا حكي الموضوع بتاعة خصوسا علشان الرراجل الميانيكي ده طلع راجل محترم معاه لان هوا عربيتة كان موتورها راح خالص لدرجة انه كان جايب العربية علي ونش و انا كلمتة تليفونيا علشان الموضوع حمسني الصراحة وقالي انه الميكانيكي جمبة واحد بتاع قطع غيار استيراد اشتراله من عنده الموتور وقالي ان الموضوع كلفة في حدود 7500 وشكرلي جدا في سيد عبده وقالي انه مشغالي كمان في مصنعيته بس انا مروحتش لسيد عبده لحد دلوقتي دي خلاصة التجربة كده يعني ولو عايز اي استفسار تاني ده رقمي وتحت امرك 01005854462

https://www.facebook.com/pages/%C5%A...872?fref=photo دي جروب تشيكي علي الفيس بوك للفليشيا فقط هتعجبك جدا