السلام عليكم يا كرام....
بصراحة انا كنت ناوي عالبيرسونا لكن اما شفت اللوجان الجديدة بصراحة لقيتها جميلة خاصة ان في منها اتوماتيك نزل..
عاوزين مقارنة محترمة بقي ومنظمة من حضراتكم عشان نشوف ايه الافضل..
السلام عليكم يا كرام....
بصراحة انا كنت ناوي عالبيرسونا لكن اما شفت اللوجان الجديدة بصراحة لقيتها جميلة خاصة ان في منها اتوماتيك نزل..
عاوزين مقارنة محترمة بقي ومنظمة من حضراتكم عشان نشوف ايه الافضل..
مفيش لوجان اوتوماتيك انت جبت الكلام ده منين ؟!
مصدر المعلومة ايه ؟
لحد دلوقتي معرفش إن اللوجان الجديدة نزل منها اوتوماتيك
عموما البيرسونا فئة و اللوجان فئة اقل منها(مش بتكلم علي الفئة السعرية)
انا شفت واحد في المنتدى هنا كاتب انها نزلت اوتوماتبك عامة ايه الافضل منهم
الكلام ده علي موديلات بروتون قبل 2009
دلوقتي التقفيل اتحسن بكتيير و مشاكل التقفيل حاجات عادية تتحل في اول صيانة
ضعف الخامات انا شوفتها في اللوجان القديمة مع واحد قريبي لو قاعد جوة و اتحركت تسمع اصوات تزييق و طقطقة و كان تقفيلها ضايع و النيو لوجان شوفتها في اوتوماك-فورميلا خاماتها عادية جدا و اقل من البروتون.
ضعف الخامات في البروتون انا شايفه عادي يعني زيه زي اي عربية في نفس الفئة(الولام ده علي عربيات اتصدمت منها زي الاكسنت و الالينترا و الكيا).
بالتوفيق.
اللوجان مهما كانت هتفضل اقل في الفئة من البيرسونا .. اقل في الثبات والتسارع والتكييف والراحة وقطع الغيار اغلى ... ايوة اغلى
:( .......
بص الموضوع ممكن يخلص بدرى بدرى .....لو عايز اوتوماتك يبقى بيرسونا و خلاص بدون تفاصيل مين احسن ....لان اصلا مافيش لوجان اوتو و مش قبل ابريل 2015
اما بقى لو عايز تفاصيل .....الكلام ده قلته قبل كده ملييون مرة ....اللوجان عربية كويسة جدا جدا لما كانت ب 73 (سعر السانديرو 2011 عربيتى) او حتى لما غليت شوية.....كانت كويسة لما كانو المنافسين الفيرنا او الساجا
لكن .......الى بيحصل فى النيو لوجان ده اسمه "ضحك على الدقون" انا اسف فى اللفظ .....للاسف التوكيل بيستعبط ...منزل نفس العربية (موتور و عفشة من الاخر الميكانيكا واحدة ) و لعب فى شكلها و حطلها نافيجاشن سيستم و جنط سبور و افتكر كده انه نط بالعربية من فئة الى فئة ....و الناس مقتنعة بكده :(
لا موتور العربية ولا تكيفها و لاعفشتها ولا اي حاجة غير النافيجاشن :) يسمحوا بكده
حاجة تانية ...موضوع التقفيل ده سمعته كتير قيل م اشترى البيرسونا .......كل الحكاية انى لما استلمت وير الشنطة كان بيعلق و اتعمل فى التوكيل فى صيانى اللف فى خمس دقائق ...ادى يا سيدى مشاكل التقفيل :)
عايز اقولك على حاجة احنا مكبرين الموضوع ......خوش على منتدى الكيا و شوف الناس الى بتشتكى من تزيق الطابلو و انه بيعمل اصوات فى النقر و المطبات .....نفس الكلام كان فى التيدا القديمة ...و انا عندى واحد صاحبى عنده تزييق برده فى طابلوه الكرولا 2014 :) ....بس لو حصل الكلام ده فى البروتون لا لا يمكن ازاى كده :)
صحيح فى صيانة الالف اطلب لبن العصفور من التوكبل و هيعمله...انا علامة بروتون الخلفية مكنتش عجبانى ,,,,طلبت يغيروها و اتغيرت عادى ومحدش فتح بقه .......