السلام عليكم
هو ينفع الواحد ياجدعان يكهرب العربية ... علشان الحرامية وعلشان الناس المريضة نفسيا الى بتجيب سكاكين ومسامير ويخدشو ويجرحو فى بوية العربية ... . .؟
السلام عليكم
هو ينفع الواحد ياجدعان يكهرب العربية ... علشان الحرامية وعلشان الناس المريضة نفسيا الى بتجيب سكاكين ومسامير ويخدشو ويجرحو فى بوية العربية ... . .؟
؟؟؟؟
ياريت كان ينفع كنت اول واحد عملتها
حتي لو ينفع انت اول واحد هاتنسي وتتكهرب
هوا ماينفعش حتى اللي بيكهرب العربيه زي الأمن المركزي عملينلها تقفيصه راكبه عليها بس انك تكهرب العربيه نفسها مش هينفع هتضرب أي حاجه الكترونيه ممكن تلمسها زي مثلا أي كنترول زي كده لو شفت في فيلم fast & furious لما بيطاردو العربيات بيدوها شوك كهربي عن طريق سلكين بيلمسوا العربيه أو بيتحدفوا عليها فبتبطل العربيه
ممكن بدل متكهربها تشحمها ومتخافش الادا الروسي كانت بتيجي من الفبريكة متشحمة كلها وقبل ماتستلمها تغتسل لكن لو اتسابت بتلم تراب ومحدش بيقربلها
ما هو اللي بيخربش العربية بسكين او مفك بيبقى ماسك من اليد البلاستيك و مش هايتكهرب :)
اشحم العربية ازاي ؟؟ همشى بيها وسخة ؟اقتباس:
المشاركة الأصلية كتبت بواسطة ahmedsrs
مافيش حل تاني ؟
فيه حل احسن
استودع العربية عند من لا تضيع ودائعه الله سبحانه وتعالى
بس
اهم حاجة يقينك بالله والله لو حطيت العربية فى وسط الشارع محدش هيقرب منها
حلول السرقة :
Gps tracker
انذار بمنع ادارة العربية الا بالريموت حتى لو حتشغلهل بالمفتاح بحوالى 200 جنية
ياريت تنفع بس الكنترول يونيت لو عربية حديثة هيبقى بالسلامة يا ريت الناس تبقى بنى ادمين و تحافظ على حاجة الناس كأنها حاجتها كان حال البلد غير كده خالص للاسف الناس لسه قدامها كتيييييييير على لما تبقى بنى ادميين
بلاش غلط كبير لأن ممكن انتا شخصيا تنسى فى لحظة وتكون هيه اللحظة لا قدر الله او اى فرد من الاسرة او العائلة ***
ممكن تغطيها و تزيت الغطا (عشان محدش يقعد عليها )
والله نفسى الناس تخاف على عربيات الناس انا بجد تعبت .... انا اتهريت سرقة علامات كل ما اشترى علامة الشبكة او الشنطة تتسرق قلت الحل اجيب غطى واغطى العربية .............. الغطا اتسررررررررق :crying2:
حسبنا الله ونعم الوكيل
هههه شكلك شايل نفسيا انا كمان كنت راكن العربيه في حته جيت لقيت واحد عامل 3 خطوط علي الكبوت طلبت معاه كده
لو عملت ايه
مفيش فايدة
الناس دي بتبقي مريضة فعلا
موقف في العيد من كذا سنة نازل انا و اخويا و والدي صلينا العيد و احنا راجعين شفنا حاجة غير متوقعة واحدة ماشية عادي و فجأة افتكرت تعد راحت نطت جامد علي كبوت العربية و قامت بعدها.
الموقف التاني في مارينا الاوبل في حتة في كابوتها طالعة من النص ركنا بالليل و طلعنا الصبح لقينا واحد مجرح الحتة دي و عملت خرم في البوية و باين بشكل ملحوظ.
الحل إنك تقول حسبي الله و نعم الوكيل
اوعى حد يعمل كده يا خوانا ويكهرب العربية ممكن تتسبب فى موت طفل ولا حاجة
تصدق فكرةاقتباس:
المشاركة الأصلية كتبت بواسطة mshmshm3
ياريت ينفع بدون ضرر لحد
مكنش حد غلب
ركب إنذار , وحضر Sniper جنب الشباك
افرض ينفع وحد سند عليها فى الشارع تكهربوا ده كلام ههههههههههههههههههه