ما هي كرة القدم؟

**Ramy_Ali** · 19-10-2008 04:49 PM

ما هي كرة القدم؟
كرة القدم بمفهوم بسيط هي لعبة جماعية تعتمد على كرة.
يلعب اللعبة فريقان، يحاول كل فريق تسجيل أهداف والفائز هو من يسجل أكبر عدد منها.
والهدف الأسمى لهذه اللعبة عند اختراعها هو التمتع وإمتاع الغير،
فكان العمال والأطفال والرجال يلعبونها في أوقات فراغهم كأي لعبة أخرى للغاية التي أوردتها، لا غير.
فتأسست نواد وفرق ومنتخبات تلعب مباريات ودية تنتهي رغم فوز فريق وخسارة الآخر
بود وسعادة من الخاسرين كما الفائزين، فهدفهم الأساسي هو اللعب.
وتأسست بطولات عديدة ككأس العالم وكأس أوروبا وإفريقيا وآسيا وأمريكا اللاتينية،
ودوري الأبطال والبطولات والكؤوس المحلية وغيرها،
عدة بطولات كان الهدف الأسمى لمؤسسيسها نشر المحبة والود بين الشعوب والأعراق،
والفرجة والإمتاع بين لاعبي الفرق المتنافسة.
وفي نهاية كل بطولة من هذه البطولات كانت توزع جوائز تحفيزية للفرق الفائزة،
وبشكل طبيعي كان كل فريق يريد الفوز، فكان هناك نوع من التنافس النزيه.
ومع تطور هذه البطولات بدأت الحوافز تتطور معها.
وتحفيزا للاعبين بدأت الفرق تدفع لهم أجورا وعلاوات... """"""

الى هنا جميل جدا

- بس انا مش فاهم ايه فايدتها فى حياتنا !
- ليه الناس بتصرف ملايين بتتلم من الغلابة عشان تتحوش فى بنوك اللعيبة والمدربين !

لو الكورة فجأة اتلغت من حياتنا هنموت !
هنجوع !
مش هنعيش !
كمية اموال طائلة بال فائدة

لو فضلنا نخسر طول عمرنا فى مبارايات جوة مصر او خارجها هيحصل ايه !

ليه متتلغيش اللعبة دى وتبقى لعبة هواية بدون دخول بالملايين للاعيبة والاندية !

يعنى يعملوا مرتب لكل لعيبة مصر ومدربيهم مرتب محترم معقول نقول مثلا 10 الاف جنية وخلاص والفلوس اللى تتلم من الجمهور اللى هيا بمئات الملايين يتعمل بيها مشروعات هامة ومؤثرة فى البلد
مش دا افضل من اللهو وتبديد الاموال بلا عائد اقتصادى للبلد وبالتالى لينا كلنا ؟

**سمير يونس** · 19-10-2008 06:37 PM

عندك حق يا سيدي العزيز

و بعدين أنا مش عارف أيه الموضة الجديدة اللي منتشرة بين الوزراء اليومين دول ؟؟؟ اي وزير غاوي كورة يقوم يعمل له نادي و يشتري

له لعيبة و كأن ميزانية الوزارة دي هي ميزانية أبوه مش ميزانية دولة فيها الناس بتشنق نفسها من الجوع

شوف كام نادي كورة بيتبعوا وزارة البترول .... و غيره الكثير من الوزارات الأخرى

و حدث مرة أن وزير الصحة كرم الفريق الطبي الذي أنقذ اللاعب محمد صديق بعد أن أصيب في أحدى المباريات كرمهم بمكافأة

و قدرها 3 شهور من الراتب و أنا لما سمعت الخبر أستغربت و قلت أيه اللي دخل وزير الصحة في الكورة و طالما هو حريص على تكريم الأطباء كدة

طيب ما يشوف الدكاترة اللي مش حاسس بيهم حد و اللي بيقضوا عمرهم في غرف العمليات في إنقاذ الاف المواطنين و مبيعبرهمش سعادته

و لا بكلمة شكر حتى !!! و هل ده بسبب إنهم بينقذوا أرواح مواطنين عاديين مش لاعبي كورة ؟؟؟؟؟!!!

... أكتشفت فيما بعد إنه كان حاضر المباراة و عرفت سبب التكريم إن سعادته غاوي كورة و إن إنقاذ حياة لاعب كورة

أهم عند سعادته من إنقاذ أرواح الناس جميعاً

صبرنا يا رب على اللي بيحصل في البلد دي

تحياتي

**Abohmaid** · 20-10-2008 01:44 AM

حقيقي كلام فى الجون .... بس للأسف اوفسايد ....
لأنة مش ممكن يتنفذ ابدا فى اى مكان فى العالم لان كرة القدم اصبحت اقوى من السياسة والاقتصاد وممكن تكون الحاجة الوحيدة اللى بيجتمع عليها العالم كلة.

**sa3dawy** · 20-10-2008 02:14 AM

كلام سليم 100% اكيد مش هنستفيد اى حاجة الا الخسارة من الاختراع الفاشل الى اسموو الكورة دا

**MoToRiZeR** · 20-10-2008 03:57 AM

انا عن نفسي بحب الكورة و مبحبش الهوس بيها
بس فوزنا بكأس الأمم الأفريقية بجد كان ممكن إستثماره في تقويم الروح الشعبية أحسن من كدة .. لأنه كان نموذج مصري ناجح و الناس مش متعودة تشوف حاجة مصرية ناجحة و بتتفوق عالأخرين لأننا في مرحلة يأس .. و بجد كان ممكن إستغلال الروح السائدة وقتها في تحسين أدمغة الناس و إن يفهموهم إننا ممكن نعمل حاجة بس لو كلنا إتحركنا و كل واحد خلا عنده ضمير الشوارع مش هتقف و كل واحد هيجتهد في شغله و الخناقات هتقل و الوعي يبقي أحسن من كدة .. بس حصل غباء لا متناهي في الموضوع و إقتصر الموضوع علي إغداق الفريق و الجهاز الفني بالنقود فقط .

**creative** · 20-10-2008 04:07 AM

ياجماعة انا فعلا معاكم فى كل كلامكم مع انى فعلا بحب كرة القدم جداا وبحب العبها من حين الى الاخر بس ده كان لفترة سنية معينة بعد كده اتجهت لرياضة تانية انا بقول ان احنا مش هانقف قدام الكورة ونقول حلوة ولا وحشة اكيد الرياضة مهمة فى حياتنا بس مش لازم تكون كورة ممكن تكون اى حاجة تانية بس الشعب كله يمارس رياضة لانها فعلا مهمة للبنى ادم
فعلا الفترة الاخيرة بقت الكرة فى العالم هى عبارة عن بورصة
بورصة خاصة باللعبين والمدربين والاجهزة الفنية والاتحادات اللى ملهاش اى لزمة فى الدنياااااا
فعلا احنا هانفضل شعب بيحب التقليد وخلاص
اللى يغيظك ان ثقافة الناس بقت انه لو فى ماتش يقعد من اليوم ويسيب شغله عشان الماتش وبعد المكسب مثلا هاتستفاد ايه غير انك دفعت مبلغ انت ممكن تستفاد بيه وتدفعه تذكرة للدولة مرة تانية
بجد تفكير غير منطقى بالمرة

**shanodaa** · 20-10-2008 08:45 PM

يعني الكره ممكن ترفع البلد لما مصر تفوز بكاس العالم

**Ramy_Ali** · 21-10-2008 03:15 PM

المشكلة الكبرى كمان هى الوظائف اللى مترتبة عليها وتعتبر كلها استهلاكية وغير مجدية او مفيدة
كمثال الصحافة والنقاد والمدربين والفنيين والمحللين

كمثال بسيط الصحافة :

تحتاج الى صحفى ومحرر ومصور وكاتب ومكان فى جريدة وطباعة ووقت ضائع ومرتبات تصرف من اجل خبر عن فلان مضى للنادى علان والنتيجة والمحصلة النهائية
عبارة عن فلوس اندفعت ودارت دون ان تخرج منتج يستفيد منه المجتمع

فمثلا لو الفلوس البسيطة من الاشخاص دول اندفعت شهريا لانتاج فدان قمح واحد كانت افيد
او لمد كيلو طريق مرصوف او لمد كيلو من المياة او الصرف لكان ناتج يفيد المجتمع والبلد