تغير لمبة شاشة البيانات بالكليو "أفضل موضوع لشهر مايو 2009 عن قسم رينو "

[frame="7 80"]

تم اختيار هذا الموضوع كافضل موضوع لشهر مايو 2009

[/frame]

السلام عليكم

أنا عارف إن من قراءة العنوان ممكن حد يفتكر إن الموضوع بسيط....لأ

الأسبوع الي فات شاشة البيانات (الي فيها بيانات الساعة والراديو) نصها طفى....طبعاً حاجة زي دي بتنكد عليا عشتي ولازم أصلحها يعني لازم:k41: إجتهدت لمدة ثلاث أيام في البحث وسط منتديات فرنسية وبريطانية وإكتشفت إن لازم التابلوه كله يتفك :ack2::ack2:!!!....ماتتخضوش أقوي كدة!!....إستمريت في البحث لحد ما جمعت كل المعلومات اللازمة لفك التابلوه وتغير اللُمد من الاف الى الياء......الي تعبني جداَ في البحث إنك ممكن تخش على منتدى فرنساوي تلاقي واحد شارح بس من غير صور وطبعاً إنتو عارفين أنا ثقافتي تايواني:D.....المهم جمعت كل المعلومات من كذا منتدى وحبيت أشرحلكوا بالمصري الخطوات اللازم إتباعها:
1-قبل البدء بـ20 دقيقة يجب فصل البطارية ( عشان ممكن الإيرباج يضرب في وش سياتك وإنت بتشيل التابلوه:svengo:)
2-إستخدام مُفك نجمة مقاس T20
3-مجموع المسامير الي هاتتفك 11 مسمار ( هاتشوفوا أماكن المسامير في الصور )
4-شراء لُمد Tungsten 1.2W اللمبة بـ5جم وأنا مصورها هاتشوفوها صغيرة جداً ( ما تسترخص في شراء اللُمد عشان مش كل يوم هاتفك التابلوه )

طيب هانشوف الصور...( في شرح تحت كل صورة)

http://i42.tinypic.com/25ft5ja.jpg
صورة الشاشة نهاراً واللمبة اليمين محروقة

http://i43.tinypic.com/2z52azm.jpg
صورة الشاشة بالليل

http://i40.tinypic.com/25fohhs.jpg
صورة التابلوه والأسهم بتشير لأماكن المسامير...المسامير الي قوق موجودين في فتحات التكيف (خد بالك وإنت بتفك مسمار يقع في فتحات التكيف) والي في الجناب بتشوفهم لما تفتح الباب -في مسمارين تحت الدركسيون (أنا مركب صورتين على بعض عشان مش عارف أخده كله صورة واحدة:winkiss:)

http://i39.tinypic.com/2cpt10k.jpg

http://i42.tinypic.com/20j48zc.jpg
لازم تشيل الجلد بتاع الباب عشان تفك الجرايد الي على الجنب عشان التابلوه يطلع

http://i44.tinypic.com/x3svtc.jpg
الموضوع سهل جداً...مجرد تضغط على البلاستيكة الي الصورة وبعدين الباقي ماسك بكلبسات

http://i39.tinypic.com/102nyi0.jpg
ده المسمار الي على كل جانب

http://i44.tinypic.com/2cr6kb4.jpg
المسمارين الي تحت الدركسيون

http://i44.tinypic.com/hwmhds.jpg
لما تفك المسمارين الي تحت الدركسيون القطعة الي فوق دراع الإشارات والأنوار تمسكها من ورا وتحركها ورا وقدام هاتلاقيها إتخلعت

http://i44.tinypic.com/2e1ydcz.jpg

http://i40.tinypic.com/2zxtdza.jpg
إهنا أصلاً بنفك الي القطعة الي فاتت دي عشان نوصل للمسمارين دول ( ولاديل إيه!!!:D)

نكمل ولا تعبتوا....هانت خلاص

http://i42.tinypic.com/11k9ki8.jpg
بعد ما فكينا المسمارين الي تحت العدادت كده التابلوه مفيش أي حاجة ماسكاه...هاتمسكه من النص كدة وهاتلاقيه طلع معاك بمنتهى السهولة

http://i40.tinypic.com/14vsbo2.jpg
إيه رأيك بقى في العك دة:ack2:.....هانفك المسمارين الي ماسكين شاشة البيانات عشان نعرف نغير اللُمد بسهولة

http://i44.tinypic.com/e6zrzs.jpg
شاشة البيانات من الخلف

http://i44.tinypic.com/2ls867c.jpg
أحسن برضه نفك الفيش بتاعتها....شوف الفرنسيون دول مشكلة...بص على الفيشة... لازم ترفع الجاك لفوق وتلاقيها طلعت زي الملبن:D

http://i39.tinypic.com/vnch03.jpg

http://i42.tinypic.com/hvbhqu.jpg

http://i39.tinypic.com/ok5wcl.jpg

http://i44.tinypic.com/315gahc.jpg
الدوايتين الي ورا دول هم الي فيهم الشغل كله

http://i41.tinypic.com/2di0dcg.jpg

http://i42.tinypic.com/15d87dw.jpg

http://i40.tinypic.com/20z1o5i.jpg
إيه رأيكه بقى ؟؟؟:D:Dطبعاً أنا غيرت اللمبتين....النتيجة مبهرة الصراحة

أي أسئلة أنا تحت ألامر
اللهم أجعل سائر أعمالنا خالصةً لوجهك الكريم

ماشاء الله يا عمرو
شغل ميه ميه و لا أروع من كده
إنت راجل دماغ

الله ينور ياباشا

الصراحة انا كنت خايف ع التابلوه بعد ما شفتك عمال تفك في المسامير

قلت اكيد التابلوه ده نهايته وحشة

بس الحمد لله ربنا ستر

هههههههههههههه

الف مبروك ع اللمبات

احييك على شغلك بايدك.

هو ده الشغل يا عمرو بجد

على فكره انا علمت كده في تابلوه السيريون بس مش علشان لمبه
ده لزوم دماغ وشوية نظافة بس

ولكن للأسف بعد ما خلصت افتكرت اني كنت المفروض اصور الموضوع للأفادة للناس
ولكن مش مشكلة مره جايه ان شاء الله

والف مبروك على النور الجديد منور ما شاء الله

جهد جميل

شكرا على مشركتنا تجربتك

نفس القصة مريت بيها لتغير لمبة الساعة فى عربيتى القديمة تمبرا

بس انا 13 مسمار علشان افك التبلوه بخلاف الفيش والاماكن الضيقة

بس بجد احييك لانى بحب اعمل كل حاجة بنفسى

بخلاف الاستمتاع اللى بتحس بيه اثناء شغلك

وشوف كنت هتدفع كام لوحد هيغيرلك لمبة تمنها 75 قرش

عمرو يا فنااااااااااان

أيه يا باشا الجمال ده.....100 100 يا باشا......

أنا بصراحة ميجليش قلب أعمل كده بنفسى........ممكن أشوف حد يعمللى كده عشان لو بوظ حاجة أمسك في زمارة رقبته :)

بس شغل هايل يا باشا الله ينور

بسم الله ماشاء الله عليك
بجد انت استااااااااااااااااااااذ

الله ينور يا عمرو باشا
شغل رجالة 100 100
ربنا يوفقق،،،

بجد والله استاذ كبير