-
الى السعوديه
بسم الله الرحمن الرحيم
الموضوع بكل بساطه انى نويت اسافر بالعربيه الى السعوديه ( ميجان 2008 اوتو )
محتاج نصايح من الاصدقاء ف المنتدى ايه الى اشيك عليه و اعمل ايه علشان العربيه تدينى افضل اداء طوال الرحله الىممكن تمتد ل 2يوم او اكتر
ارائكم تفدنى و تخلينى مرجعش شايل العربيه على كساحه :] لاقدر الله
-
غير الزيوت و السيور و اكشف على العربية كمبيوتر و خد معاك 20 لتر مية مقطرة و شيك على الريداتير و التوصيلات اللي بتوصلة وشيك على الكاوتش
و الاستبن طبعا و الفيوزات غيرها كلها و اللمض لو فية بايظ اعملة
-
شيك علي الزيوت والفلاتر والكمبيوتر اهم حاجة عشان دي اكتر حاجة بتعطل ف الميجان
-
هوا الكلام ده ينفع اصلا يعني ممكن الواحد يطلع بالعربية السعوديه و يجي
-
لا انصحك بذلك
الميجان غير مخصصة لاجواء الخليج
ولن تجد لها اي قطع غيار هناك
وطبعا مش معقول هتاخد معاك جميع قطع الغيار المحتمل انك تحتاجها
بلاش المغامرة
-
فعلا الميجان غير معروفة فى الخليج ولا قطع غيار لها يعنى لا قدر الله لو سلك من سلوك البوجيهات ساح من الحروده شائع جدا لشدة الحرارة والعواصف الرملية مش هتلاقيه وهتبقى حوسة
-
شكرا جدا لاهتمامكم الشديد بالموضوع
بس انا غملت سيرش و دورت كويس عن موضوع قطع الغيار و خليت ناس اصحابى يدورو فى التوكيل (رينو ) عن قطع غيار و لقوا الحمد لله بس الاسعار وهميه و غاليه جدا بس قطعه الغيار نضيفه جدا و باين عليها الفلوس المدفوعه فيها انا لسه بفكر فى موضوع السفر دة و قلت اخد ارائكم قبل م اعمل اى حاجه علشان ارائكم تهمنى جدا
وشكرا ليكم لو فى اى حاجه ممكن اشيك عليها تانى ياريت تقلوهالى و الاحتمالات ايه الى يبوظ مع العلم انى ممكن ااخر السفر شويه و اسافر ف الشتاء
-
بص يا صديقي
اولا غير البوجيهات و اتاكد من الكويلات و هات معاك طقم كويلات احطياطي في الشنطه
اتاكد من ضغط طرمبه البنزين انه كويس و غير فلتر البنزين بالاصلي لو ميعاد تغيره قرب
شيك علي زيت الموتور و لوزوجته و اتاكد انه تمام و مناسب لاجواء الخليج و لو محتاج تغيير غيره
بص علي كشف الكمبيوتر و لو طلع اي اعطال اتاكد منها و حلها
و ربنا يوفقك و توصل بالسلامه
-
لو عايز نصيحتي بلاش. المشوار طويل و يجوز تحصل حاجه في الطريق تحتاج لميكانيكي او رفع السياره علي ونش او تسخن قوي او تحتاج اكتر من فرده كاوتش. العربيه هتتبهدل منك و هتتعب من المشوار و هتستهلك بنزين و هتاخد معاك قطع غيار و احتمال تشتري بثمن او يمكن اكتر من ثمن تذكره الطائرة
-
دكتور تامر حجازي عملها قبلك فعلا
المهم تتأكد ان حالة عربيتك كويسة
لو مغير زيت الفتيس قبل كده بلاش سرعتك تعدي 130 لفترات طويلة
لو تقدر تعمل للعربية كشف عام اعمل
لو شاكك في حاجة فيها اعملها
انت عموما ادرى بحالة عربيتك
Content Relevant URLs by
vBSEO 3.6.0 PL2