السلام عليكم
معايا عربيه لانوس 2005 العربيه سحبها مش كويس مع انى لسه مغير دسك واسطوانة وكويل وايديال وكلهم كورى مش عارف اعمل ايه
عرض للطباعة
السلام عليكم
معايا عربيه لانوس 2005 العربيه سحبها مش كويس مع انى لسه مغير دسك واسطوانة وكويل وايديال وكلهم كورى مش عارف اعمل ايه
حطها على سكانر شوف فى اى مشاكل الاول
غيرت فلتر بنزين غيرت بوجيهات ده كله مهم حاول تحط منظف رشاشات كمان مع تفويلة وشوف الدينا فيها ايه وبعدها غير فلتر بنزين
ممكن تكون البوجيهات
انا كشفت علي البوججيهات كانت تمام مع العلم انها جديده وكمان غيرت فلتر البنزين وسافرت في نفس اليوم بس العربيه مخنوقه قوي وصوت الموتور بيبقي عالي قوي بعد الغيار علي طول
لو ححط منظف رشاشات اجيب موبيل
جوده البنزين من احد العوامل اللي بتأثر بصوره مباشره علي اداء السياره من حيث السحب .. لذا انصح اولا بتغيير المحطه اللي بتمون منها بنزين .. و بعد تفويلتين احكم علي الاداء .. لو بردو مخنوقه .. ابحث في الاسباب الاخري .
بص يا معلم انا كانت العربيع بتاعتى سحبها وحش فى الاول والتانى وعامل صيانه سيور وطقم بيجوهات . المهم انا مع البحث لمدة شهر كامل وجدت الحل والحمد لله فى حاجه اسمها فيشة الاوكتان ودى بتاعة ضبط نوع البنزين اللى ماشى عليه وفيه مواضيع فى المنتدى المحترم عن كيفية ضبط فيشة الاوكتان دى اول حاجه . تانى حاجه روح غير الزيت بتاع العربيه بزيت موبيل 1 تخليقى بالكامل اللى هو 10000 كيلو وغير معاه فلتر الزيت الزيت التخليقى فرق معايا جدا فى العربيه خلى العربيه زى الصاروخ والسحب تحس انها عربيه بى ام اعمل الحاجتين دول وادعيلى ومش هتندم
اخوك. احمد ابو اليزيد
طبعا بشكركم جميعا علي المساعده
المشكله دي ظهرت معايا بعد ما غيرت دسك واسطوانه مش عارف ليها علاقه بيهم ولا ايه حاجه تانيه ان العربيه مع اامكيف بيبقي تقريبا مفيش سحب خالص والغرييب اني لما بفصل المكيف بيفضل السحب سيئ لحد فتره ممكن لحد يوم كامل او اكتر
انا كمان حطيت منظف رشاشات ومحستش بٱي فرق