السلام عليكم
تقرير كدا فى السريع عن اوبشنات العربيه لان فى ناس كتير مش عارفاها وانا كنت واحد منهم بسبب عدم وجود برشور واضح من التوكيل وكنا بنخمن الاوبشن الى فيها
وهنا هتكلم عن الفئه التانيه بس علشان معايا فا شفت الحاجات بعينى وكل كلمه هكتبها متاكد منها
نبتدى الاول باداء العربيه فى المشى
موتور 1.6
110 حصان بعزم 155 نيوتن من 0 ل 100 ف 12 ثانيه زى ما موجود فى الكاتلوج وفعلا دا بتحسوا وانتا سايق العربيه سحبها مرضى جدا ومش تقيله ولا حاجه بفضل عوامل كتير مع انو نفس الموتور الى كان فى الى قبلها بس فرق الوزن والموتور مطور بقى 16 صباب مخليها رائعه فى السحب
موتور 1.4 تربو
140 حصان من 0 ل 100 فى 9
موتور جبار جدا للى بيحب الجرى وخصوصا بعد ال 100
الفرق فى صالح الموتور ال 1.4 فى الجرى طبعا
الفتيس
1.6 ستيبترونك 6 سرعات
1.4 dsg
العفشه
تورشن بيم
فى المشى العربيه ناعمه جدا وثباتها ممتاز بالنسبه لى دون الدخول فى مقارنات مع عربيات فى نفس الفئه ودا بسبب انى مجربتش اى عربيه
نيجى فى المطبات والحفر العربيه فى دبدبه بسيطه ورا تحسها بالعافيه يعنى مش خبط جامد ولا حاجه وفى سنه نشوفيه (بس عرفت ان اغلب الالمانى كدا بسبب التركيز على الثبات ولما سقت بى ام موديل 2008 لقيت نفس الحكايه من النشوفيه مش الدبدبه )
الشكل
طبعا ممتاز جدا ودى اذواق بس شكلها رائع جدا جدا جدا
انوار LED خلفيه
الوسع
الشنطه والوسع الداخلى ممتازة وواسعه جدا لولا الحته العاليه فى النص ورا كان الوسع يبقى سوبر
من الوسع الطولى للعرض للى قاعد فى النص
بس الاجمالى وسعها ممتاز
خامات العربيه ممتازة جدا
العربيه فيها
abs /ebd
وتراكشن كنترول وحاجات تانيه كتير
esp واسموا هنا فى العربيه esc
الاوبشن
مرايات ضم
سخانات مرايات واشارات فى المرايات
8 سماعات اربعه كبار واربعه صغيرين
usb / aux / sd/ cd
التحكم فى ارتفاع مستوى النور الامامى
2 ايرباج
كومبيتر رحلات
كومبيتر اعطال
طارة مالتى
اوامر صوتيه وشغال ممتازة ومتحتجش انك تكرر الكلمه هى بتلقطها بسرعه
التحكم فى ارتفاع كرسى السائق
التحكم فى وضعيه الدريكسيون فى اربع اتجاهات
بلوتوث لتشغيل الميديا والمكالمات
وبيتم اختيار نوع الرنه من العربيه
cruise control
طى الكنبه الخلفيه ممكن طى الجزء فى المنتصف لوحدوا علشان لو عايز تجيب حاجه من الشنطه
مخرجين 12v واحد فى الشنطه وواحد جنب الهاند بريك
الكاسيت ال bolero
حاجه فخيمه بصراحه
الواحد بيتحكم فى حاجات كتير اوى منها
تحذير السرعه ممكن تلغيه او تزود او تقللوا يعنى ترن على السرعه الى تختارها مش ثابته عند 120
بيان ضغط الكاوتشات
التحكم فى فتح وغلق المرايات والزجاج مع الريموت وال auto lock
وحاجات تانيه كتير هعملها فى موضوع لوحدوا بالصور وخصوصا ال Esc (esp
علشان الى بيشكك انو موجود
ولو فى غلط او عدم ترتيب او حاجه ناقصه سامحونى
المفضلات