مشكله فى الالنترا 2015

**dr ahmed saleh** · 01-08-2014 11:01 PM

السلام عليكم ورحمة الله وبركاته

ناوى اشترى النترا 2015 ان شاء الله من السعوديه فيها واحده ايرباج ومفيهاش abs ودى الفئه 1600 الوحيده الموجوده هنا لأن بقيت الكماليات موجوده فى ال2000 سى سى ممكن ياشباب بس أرجوكم وعن تجربه (( مهم أوى عن تجربه دى )) تقولولى ايه مميزات العربيه دى وايه أهم مشاكلها عن تجربه من حضراتكم
معلش طولت عليكم
اه ارجوكم محدش يحط لينكات لمواضيع قديمه لأنى راجعتها وبرضوا مش قادر اوصل لقرار انا عايز رأى المستخدمين
جزاكم الله كل الخير

**devil_storm** · 02-08-2014 12:37 AM

مميزات الالنترا
صالون واسع
تسارع كويس
تكييف كويس
شكل كويس
قطع غيار منتشره خارج التوكيل و استراد ( سعر قطع الغيار في التوكيل غاليه جدا)
سعر اعاده بيع كويس

عيوب الالنترا
ثبات متوسط مش عالي ذي الاوربي
دهان وحش
صاج ورق و بتتبهدل بسرعه عكس الاوربي
تقفيل متوسط و اقل شويه من الاوربي
نظام التعليق مش كويس بالذات لو بتمشي في فواصل كباري او ملقات علي سرعه عاليه مع مطبا هوا

كمان في كام مشكله ظهرت عندي ضيقوني من العربيه قبل ما تكمل ٢٠ الف كم:
تغيير قطمه الدركسيون في الضمان و سعرها خارج الضمان ٩،٩٠٠ جنيه!! طب لو باظت تاني حلبس انا كده!
ريحه وحشه من التكييف
صوت طقطقه في الصالون مع المطبات
صوت طقطقه في الفتيس و التوكيل بيقول عادي ده صوت اللوك

يمكن العيوب دي ظهرت علشان دي كانت اول دفعه في الالنترا موديل ٢٠١٢ و اعتقد اتحلت في الموديلات الجديده لان اعرف ناس جابت موديل ٢٠١٤ و مشتكوش من اي حاجه و بيشكروا فيها جدا ... بس لو الالنترا ١٦٠٠ عندك مفهاش abs يبقي بص علي السيراتو الجديده حتعجبك اكتر و مبروك مقدما

**mr.moustafa** · 02-08-2014 01:01 AM

فكك من الالنترا و ادخل على السيراتو جامدة فحت

**dr ahmed saleh** · 02-08-2014 03:41 AM

اشكرك devil_storm والله يبارك فيك اشكرك safsaf43 وانتظر المزيد من أراء الملاك تحديدا عن عيوب الالنترا

**Mido Casper** · 02-08-2014 09:37 AM

لا كله الا ال abs مهمه جدااا

**Mido Casper** · 02-08-2014 09:37 AM

من رايي تخليك ف الياباني احسنلك

**WAEL .H** · 02-08-2014 03:12 PM

عربية ممتازة بس مهم abs على الاقل

**dr ahmed saleh** · 02-08-2014 04:11 PM

شكرا Mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

**WAEL .H** · 02-08-2014 06:47 PM

في ناس بتعيب عليها عدم اتزانها في السرعات العالية
وفي ناس اشتكت من علبة الدركسيون في موديل 2012

**dr ahmed saleh** · 03-08-2014 01:57 AM

Wael.H بشكرك جدا على اهتمامك بس هيا فين الناس دى ....كله بالسمع عايز ناس يكلمونى عن خبراتهم الشخصيه المفروض المنتدى هنا اكبر منتدى عربى للسيارات والحقيقه فى الموضوع اللى ببحث فيه الاجابات غير كافية على الإطلاق