تظبيط هيونداى اكسنت الشكل القديم

**loay2008** · 19-10-2008 07:39 PM

السلام عليكو
ده تانى موضوع اكتبو بعد فشل الاول وعدم وجود رد واحد فيه عن الفوانيس الزينون

المهم انا بعد ما اخدت درس قاسى فى طقم الصوت الى كلفنى 2000 جنيه واثبت فشل زريع ومن الاخر كده اكتشفت انى اتنصب عليا

عايز دلوقتى انفخ العربيه فعايز اعرف تعديل الاكصدام الامامى والخلفى بيتكلف فى حدود كام وفى ناس تقولى عدل فى الاكصدام الاساسى بتاع العربيه ايه هو الافضل
اغير ولا اعدل وبخصوص العتب فى حدود كام برضو وهل ده مخالف للمرور يعنى عليه مخالفات لو فى كمين وهل بيقلل من ثمن العربيه عند البيع مع ملا حظة ان الاكسنت الشكل القديم مش الجديد ولكم جزيل الشكر وبصراحه انا حبيت المنتدى من الناس الى بتشارك وبتفيد بكل صراحه اخوكم لؤى

**sherif_m72** · 19-10-2008 07:53 PM

انا رايى الشخصى انك لا تعدل ولا تغير ولا حتى تحط فيها ستيكرات
العربيه بتكون ارقى واشيك بدون الكعبله اللى بتملاها
انت اللى تحطه فيها سبويلر وجنوط متكونش عريضه وماتكونش شبه بتوع التاكسى وبس ومن جوه فرش جلد نضيف وتحافظ على نضافه العربيه من جوه وبرة وتأكد انها هتكون كده اشيك 100 مرة من اللى انت عاوز تعمله وحتى في سعر اعادة البيع هتعرف تبيعها لانها هتكون مش متهانه لكن اما تعمل مهرجانات وحركات سعرها بينزل شويه لان كل الناس بتفتكر انها مهلوكه في الامريكانى والسرعات
والعينه بينه واتفرج؟؟

**loay2008** · 19-10-2008 10:24 PM

مشكور يا برنس بس المشكله ان العربيه كده شكلها وحش
وفعلا شبه التكسيات ودى الى عملالى ازمه ده الموتسكل دلوقتى فيه زينون يا برنس
واصحابى بيعيرونى يا عم فعايز اظبطها بحيث تبقا مختلفه فهمنى ومشكور على ردك

**Hossam.Hamdy** · 19-10-2008 10:30 PM

بص يا باشا بلاش تنفيخ والحوارات دهانت تعمل الاتى:
-جنط نضيف وكويس لايق غلى الكار
-تعديل بسيط فى الاكصدامات بسيط خالص عشان الاوفر وحش
-راى بلاش كساحات جانبيه عشان بتتبهدل بس ممكن تركب كساحات مش قريبه قوى من الارض
-بلاش زينون عشان المرور
-احسن واحد دلوقتى بتاع فايبر وكويس قوى بسام فى الحرفيين

ممكن تبص بصه على موضوع محلات التعديل فى توقيعى ان شاء الله يفيدك...

ولو عايز تعدل فى الفانوس الخلفى عندك محل انزو فى هشام لبيب خلف اولاد رجب مصطفى النحاس...

**loay2008** · 20-10-2008 01:06 AM

شكرا يا باشا بس التعديل البسيط ده مش هيدهن برضو وياريت تقولى تقريبا هيكلف كام مشوار التعديل ده وتمن الكساحات الجانبيه برضو وتعديل الفوانيس مش عايز اتفق مع حد الا لما اعرف الحدود اصل الى يتقرص من الشربه ينفخ فى المنتدى

**Hossam.Hamdy** · 20-10-2008 01:14 AM

انت بتقوله عايز تعمل ايه بالضبط وايه اللى فلى دماغك ويقولك الكوست....انا بصراحه معرفش التكلفه ايه....هى على حسب الشغل

**m.3abdel3al** · 20-10-2008 01:23 AM

بص انت لو نزلت بورسعيد هتلاقي واحد هناك بتاع فبر مشهور مووووووووت كل بورسعيد بتعمل عند هتلاقي جنب محل اسمه الزقازيقي الكبير ودا كل الناس الي في بورسعيد عرفاه انا عملت عندو الهيونداي اكسنت بتاعتي قبل ما ابعها

و هو في قدامك حاجتين :

1.اما تركب زوايد ودي حتت فبر صغيره تحت الاكصدامين قدام وورا ب 200 الواحده ودي من وجه نظري فكسانة
2.تخليه يعملك اكصدامين فبر جداد دي باه جامده موتتت هتلاقي عنده كميت اشكال وكتالوجات وهمية و بتختار الي انت عايزه و كلهم بسعر واحد 400 للواحد يعني الاكصدامين 800 بالعتب 900 او 1000

بس جامدين مووووووت والعربية بتاخد حوالي 48 ساعة بس

**loay2008** · 20-10-2008 02:39 AM

الف شكر ليك يا محمد انتى وحسام وكويس انو فى بورسعيد لانى اصلا من دمياط بس اليومين دول لازم اسيب العربيه عندو ولا اروح وارجع اروح ورجع وهل الالف جنيه دول هيبئا شغل حلو قوى ولا يعنى شغال وهل الشغل الى هيتعمل ده مخالف للمرور البضين بتاعنا ولا عادى والفحص وكده وهل الاكصدام ده بيستحمل خبطات زى العادى ولا ميستحملش خالص والف شكر ليكو للمتابعه

**loay2008** · 20-10-2008 02:42 AM

وعايز اعرف الجنوط الى فى المتوسط فى دود كام وهل الصينى شضغال بس على فكره انا بسافر كتير جدا جدا هل هيستحمل السفر انا بصراحه من ساعت مجبت العربيه ماشى هلى الجنط العادى حتى من غير طاسات لانى بخاف ينكسرو من السفر وكده

**m.3abdel3al** · 20-10-2008 08:13 PM

المشاركة الأصلية كتبت بواسطة loay2008

الف شكر ليك يا محمد انتى وحسام وكويس انو فى بورسعيد لانى اصلا من دمياط بس اليومين دول لازم اسيب العربيه عندو ولا اروح وارجع اروح ورجع وهل الالف جنيه دول هيبئا شغل حلو قوى ولا يعنى شغال وهل الشغل الى هيتعمل ده مخالف للمرور البضين بتاعنا ولا عادى والفحص وكده وهل الاكصدام ده بيستحمل خبطات زى العادى ولا ميستحملش خالص والف شكر ليكو للمتابعه

هتسبها هناك وتروح تبص عليها علشان تضمن انوا شغال و الشغل هيفرق كتيييييييييييييييرررررررر ر اويييييييييييي و هيباه جامد بس انت اختار الشكل المناسب لعربيتك

و بالنسبه للجنط انك لو معاك من 2500 - 3000 هتجيب حاجة عالية اويييييي

الموضوع: تظبيط هيونداى اكسنت الشكل القديم

LinkBack

أدوات الموضوع

عرض

-

-

-

-

-

المواضيع المتشابهه

اوبل كورسا ولا هيونداى اكسنت الشكل القديم حدود 35000 ده اخرى

هيونداى اكسنت الشكل القديم Or لانوس 1

مقارنة بيت هيونداى النترا ( الشكل القديم ) و كيا سيراتو ( الشكل القديم )

مساعدة عاجلة يا رجالة فى هيونداى اكسنت الشكل القديم

للبيع هيونداى النترا 2006 الشكل القديم

الكلمات الدلالية لهذا الموضوع

المفضلات

المفضلات

ضوابط المشاركة