تحذير من سرقة الالنترا فى المعمورة

**kaza** · 02-08-2014 01:55 PM

دي حاجة زفت نرجع لقانون القبائل ونسيب قانون الدولة وتبقي القبيلة الاكبر اللي معاها سلاح اكتر واقوي وافردها كتير تسيطر وبلاها دولة وقرف
الشرطة والجيش مسؤلين عن تامين الشعب وان حد ممتلكاتة تتسرق وتهمل الشرطة في استرداد ماسرق اهمال واستنطاع وتشجيع انتشار السلاح هيخلي اي حد بيتخانق علشان اي هبل يفقد حياتة علي ادين شمام او زفت متعاطي
بجد الشرطة والجيش مسئولين عن ردع البدو سواء الساحل او سيناء او بلبيس واتعلموا بقي محمد علي باشا بهدلهم ايام تولية ولاية مصر كذلك فعل عبد الناصر لان دول بيهيصوا في الفوضي وبيستبيحوا المحرمات طالما خارج قبيلتهم يارب تصلح الاحوال

**Mohamedjetta** · 02-08-2014 02:11 PM

شكرا علي التنبيه وربنا يستر

**mshmshm3** · 02-08-2014 08:32 PM

سرقة الساعة 8 الصبح و في المعمورة ؟ و تاني يوم العيد انا كنت في المعمورة و شوفت الشرطة رايحة جاية بس الظهر و بليل ما شفتهمش الصبح
ربنا يرجعهاله ان شاء الله

**aymanshebl** · 02-08-2014 11:50 PM

ربنا يستر

**kokowasfy** · 03-08-2014 12:29 AM

شكرا على التحذير

**waelamin123** · 11-08-2014 12:46 AM

الحمد لله السيارة رجعت باﻻمس بس طبعا بعد دفع الفدية وكانت فى الساحل الشمالى فى الجبال هناك

**john55** · 11-08-2014 02:34 AM

فداك اي فلوس الحمدلله

**twins_75** · 19-08-2014 07:25 AM

السلام عليكم انا برضه حصلى نفس الموقف واتسرقت العربيه النترا من تحت البيت برضه بعد المحضر الناس كلمتنا علشان نتفاوض على فلوس علشان يرجعوها
ممكن تنصحنى اعمل ايه؟؟

**twins_75** · 19-08-2014 07:48 AM

انا كمان فى المعموره وطبعا المصيف بقى زفت الناس كلها مكتأبين :@ ومش عارفين نعمل ايه

**m_zizo620** · 25-08-2014 12:43 PM

انا كمان حصلي نفس الموقف بس في العجمي و كلموني و الحمد لله اتفاوضت و رجعتها و ده كان من حوالي ٤ شهور كده ربنا يبعد عني و عنكوا الموقف ده و ميحصلش مع حد ابدا بس نصيحه تفاوض معهم للنهايه و متزهقش لان من الاخر هو ده الحل الوحيد انها ترجع بس قلل معاهم الفديه على قد ما تقدر