جبتا 2009 ..ولا فلوانس 2013

عايز اشتري حاجة مستعملة في حدود 135000 جنية تمشيني شوية من غيرمشاكل ..اجيب جيتا 2009 الفتيس القديم ..ولا رينو فلوانس 2012 او 2013 ؟ المساعدة يا اهل الخبرة

الجتا طبعا انا بفضلها كتير عن الفلونس عندك مثلا قطع الغيار متوفره اكتر دا بالنسبه للجتا ارخص من الرينو هتلاقي لها ميكانيكيه بيفهمو فيها من الاخر كده الجتا عربيه محترمه و التكنولوجيه فيها اعلى بكتير من الرينو و كمان ثبات خرافي ومش هحكيلك على الفخامه من اول ما تركبها

جيتا طبعا بس يعيبها انها قريبه من الأرض اوى وبتحك في المطبات غير كده عربيه ممتازه وفي ناس أعرفهم عدلو الجيتا بجنبين اوكتافيا a5 وعليت شويه حلويين ومأثرتش على الثبات خالص ده غير أن الجيتا صاجها انشف من الفلوانس وقطع غيارها أرخص وكتيير اوى ومحفوظه عند ميكانيكيه الفولكس بس أهم حاجه لو نويت على الجيتا حاول تجيب عربيه عداد قليل يعني ماكسرتش ال 100الف وتتاكد انه غيرلها زيت الفتيس عند 60000كم والأفضل تكشف في التوكيل علشان تشوف الhistory بتاعها بتاع الصيانات وربنا يوفقك للاصلح

شكرا يا رجالة على الردود

ميزه الفلوانس عن الجيتا انها موديل حديث ومهم برضه حاله الجيتا تكون كويسه

طبعا جيتا وبدون تفكير نهائي

الجيتا فخامه وركوبه وقطع غيار متوفره وكذا الباسات وعربيات اتحفظ صيانتها من زمااان
معنديش فكره عن رينو فلوانس
ولو عاوز تريح دماغك من مشاكل الفتيس هتها الفتيس القديم
هوا الفتيس الجديد dsg عاوز سواقه خاصه انك تخليه منول s فى الزحمه وبكده يعيش معاك

الجيتا افضل من الفلوانس لعدة اسباب
توفر قطع الغيار باسعار متفاوتة
سهولة الصيانة وكل ميكانكية الفولكس فاهمين العربية كويس
قوة الصاج وتحمل الحوادث والامان العالى

بالنسبة للفلوانس
عربية محترمة وكل حاجة بس مشكلتها ان الفرنساوى ان مشاكلة في الكهربة رخمة
قطع الغيار غالية
صاج ضعيف

جيتا