الفوكس تعتبر هى الجيل الجديد من الأسكورت وطبيعى لازم تكون أحسن علشان هى أحدث
بس مينفعش نقارن الأسكورت بالفوكس
عرض للطباعة
الفوكس تعتبر هى الجيل الجديد من الأسكورت وطبيعى لازم تكون أحسن علشان هى أحدث
بس مينفعش نقارن الأسكورت بالفوكس
فعلاً التوكيل الى هو رجب فورد هو الى ظلم العربية دى سواء فى تسويقها أو توفير قطع الغيار ليها
أنا عرفت انة كان جايب كل العربيات مش مكيفة وركبلها التكيف هنا فى الأسكندرية أول مخرجت من الجمرك وفى أوبشن كتير بينزل فى العربية برة هو بيشيلو علشان يقلل السعر العام للعربية ويكسب أكتر زى الأير باج وفوانيس الشبورة قدام و ورا وطبعاً التكيف وكمان مفتاح التحكم فى أرتفاع النور الأمامى والسمعات الخلفية وحجات تانية كتير
ود صورة توضح التكيف الأصلى للعربية بيبان من المفتاح بتاع التشغيل بيكون ثلاث سرعات مروحة والعكس ثلاث سرعات تكيف
http://upload.wikimedia.org/wikipedi...ord_Escort.JPG
http://farm4.static.flickr.com/3172/...e7e359.jpg?v=0
عندك حق انا متأكد أنه لو نزل العربية بكل الأوبشن أو حتى عرض الأوبشن على الناس وهما يختارو الى عايز كل الأوبشن يدفع أكتر أكيد العربية دى كانت بقت حاجة تانية خالص
العربية دى أصلاً عبارة عن سماعة متنقلة أو سماعة وعملها عربية
السلام عليكم
اخواني الأعزاء ليا استفسار ليا صديق معاه اسكورت 98 1300 سيسي كاربيراتير وعايز يسقط موتور 1600 انجيكشن ياتري الموضوع يتكلف كام و منين ومحتاج ايه بالضبط وانهي مواتير تنفع تتسقط لأنهي موديلات من غير ما يعدل في العربية وياريت بالتفصيل لو حد عمل الموضوع ده قبل كده يفيدنا وجزاكم الله خيرا
يا ريت حد يرد يعرفنا
اولا وجهة نظري اي عربية غربية نسبيا على السوق المصري بيكون افضل حالة ليها و هيا على وضع الفبريكة
الموتور الـ1600 الانجكشن بتاع الاسكورت اسمه موتور زيتيك
و ده علشان يركبة مكان 1300 هايكون محتاج تغير دفيرة كهرباء و وحدة تحكم control piont و اعتقد و لا اجزم قواعد موتور
معرفش بقي ايه نظام الفتيس
التكلفة معرفش بالظبط بس اجتهادا وحدة التحكم في حدود 1500 و ضفيرة ممكن 1000 و الموتور و فتيسة 5000
ده كله اسعار اجتهادية مش اكتر
ياااه العملية دى غاليه قوى كدا
و طبعا تغير كل الحاجات ديه نتيجته مش مضمونة
فعلاً ياجماعة الموضوع ده هيبقى مكلف وممكن متتظبطش انا من رأى أنه يغير ويشتريها 1600 على أصلها وبعد كدة لو عايز يظبط فى حاجات هيقى أسهله وأريح
أنا من سنة كنت هغير من 1600 كاربيراتير لى 1800 أنجيكشين وكان الموضوع هيدخلة فى حدود 7500 وبعدين حسبتها وقلت لأ بعد ما كنت دفعت العربون لأن كانت كل حاجة هتتغير ويا عالم كانت هتبقى زى ما انا متخيل ولا لأ
جامجوم لو معاك 1600 زيتيك ممكن تحولها بسهولة ل 1800 زيتيك و مش هاتشتري غير وش على بلوك مش موتور كامل و ده تمنة في حدود 2500 غير التركيب لكن لو معاك 1600 عادة يبقي خليها زي ما هيا حرام تفضل تبهدل فيها و في نفسك علشان ايد المصري لم تمرن بعد لتعديل الفورد
كلامك تمام ياباشا أنا فعلت قولت حرام أبهدل العربية وغير من الكربيراتير لل1800 زيتيك وخصوصاً أن والحمد الله الموتور معايا مش مقصر فى حاجة ومبحس بفرق عن الزيتيك كبير يخلينى أخاطر وغير
ياجماعه انا معايا فورد اسكورت98 موتورها1300سى سى وبجد ربنا ينتقم من رجب الى نزلها فى الجيش
انا عاوز اسأل اى حد معاه عربيه متركب فيها نفس الموتور ده ايه اخبار السحب وطبعا مافيهاش باور فربنا معانا
وكنت عاوز اسأل لو فكرت اجيب موتور1600زيتك
عايز نصيحه منكم
وشكرا
عاوز اعرف ايه الى بينور فى التبلوه يعنى لما البنزين بيخلص مفيش لمبه بتنور ولما بكون مش لابس حزام الامان مافيش لمبه بتنور وغيرها كتير وده طبعا فى الاسكورت98
ماله السحب بالظبط ؟؟
ده نفس الطابلوه بتاعي ولا ايه؟
الى عاوز اعرفه هى بتسحب كويس ولا لأ وبخصوص اللمبات هى اماكنها موجوده بس مش عارف فى عطل ولا ايه وعندى زىayabooy
بص موضوع السحب لو انت بتقارن بسحب عربية ياباني او كوري يبقي مش بتسحب خالص و سحبها بطئ جدا لكن لو بتقارن بعربية اوروبية اه سحبها معقول و طبعا التكييف بياثر على الموتور و عموما الفورد كله سحبة مش عالي بس ثباتة عالي
تمام وبجد اى عربيه هيونداى سحبها تمام اوى
نعم نعم ثبات ايه انا سوقت الاكسنت و الفيرنا و الاكسل و الماتريكس و سوقت اللانوس كل ده ثبات زي الزفت على الطريق
و لازم تفكر الف مرة لو عاوز تاخد غرزة او ملف جامد و انت سريع شوية و خصوصا الاكسنت و الفيرنا بعد ما تعدي الـ 100 العربية خلاص هاتفرقع اه موتور جامد بس تصميم و ثبات و قوة فرامل توقفك و انت بتجري زفت
اللانوس كمان ياااااااراجل احنا معانا الفورد ثباتها كويس آه بس احنا بردو مش سايقين مرسيدس ولا بى ام معلش فى حاجه انا دائما معترف بيها ان اهبل عربيه فى الكورى سواء هيونداى او كيا ((تفشخ))الفورد الى موجود فى مصر
وانا عن نفسى شايف ان الفيرنا عربيه جامده جدا بس مبيعجبنيش شكلها الخارجى خالص وطبعا احنا كل ده مجيناش جنب الالنترا ولا i20
على فكره هى دى العربيات الى بتنجح فى مصر لأن احنا مش بندور على العربيه الركوبه لا اى عربيه سحبها شديد
معلش انا بجد الفيرنا شكلها الداخلي و مساحات صالونها سيئ جدا و لو جريت بيها 140 مثلا صعب جدا تاخد بيها ملف جامد او تعمل غرزة شديدة شوية و نفس الكلام حسيت بيه في اللانوس و غير كدة الاتنين كل ما تجري الباور بتاعهم مش بيفصل يعني بجد كنت حاسس ان الدركسيون لو فكرت اخف ايدي من عليه العربية الله و اعلم هاتروح فين
الأسكورت تقارنها مع الفيرنا و اللانوس و طبعآ الأسكورت تكسب و مش بس فى الثبات لا ده كمان الثالون الداخلى و الفخامه اللى لو قارنتها مع الفيرنا و اللانوس تبقى العربيتين دول جنب الأسكوت توك توك
لكن ماتقارنش الأسكورت مع الألنترا لأن الألنترا فئه أعلى من الأسكورت
لكن قارن الألنترا مع المونديو و طبعآ عارفين منغير ماقول مين اللى هيكسب
مع العلم انك بتقارن عربيه بكتيرها موديل 1999 أو 2000 مع عربيه موديل السنه دى
الراجل دا بيقول كلام زي الفل والله وكلام واقعي جدا واحلي حاجة في الموضوع انه بيتهيئلي مش راكب فورد يعني بيتكلم من غير مايكون متحيز انا مثلا معايا فورد 99 وماتريكس 2007 والله برتاح في الفورد اكتر من الماتريكس اه طبعا الماتريكس عربية كويسة وبرغم فرق السنين بتاع الموديل بس والله مش حاسس بيه اوي
يا جماعه الفورد اسكورت ثباتها تمام جدا جدا بس بكرر تانى لو شدت مع فيرنا مثلا ولا بلاش فيرنا خلينا فى الاكسنت الى نفس الموديل انا من رأيى ان الاكسنت هتكسب مع العلم انا راكب اسكورت بس الحمدلله بحب اعيش فى الواقع
اعتقد ان عربيتك الأسكورت 1300 علشان كده بتقول سحبها وحش. هو فعلآ ال 1300 سحبها زى الزفت و ده علشان الموتور صغير على العربيه و كمان سير الكاتينه جنزير فده برضه مش بيساعد العربيه على السحب
لكن لو رحبت ال1600 منها هتعرف الفرق موتور جبار
و لو هتتكلم عن سحب العربيه فعلى حسب خبرتى البسيطه فيه نوعين من العربيات
عربيه بتسحب بسرعه على rpm قليل و دى مش هتسحب كويس على ال rpm العالى
و العكس بقى عربيه سحبها قليل على rpm قليل لكن على ال rpm العالى سحبها ممتاز
و لو انا بقول كلام غلط حد يصححلى المعلومه
على فكره انا معايا اسكورت 1600 و ركبت ال1300 برضه
فرق شاسع بين الموتورين
طيب استاز فوو واضح انه زي حالاتي من عاشقي الفورد
و اخي العزيز محمود انا هاقارن بطريقة تانية لو انت بتتكلم على شد داخل البلد او في مكان ضيق شوية انا معاك الاكسنت تكسب علشان فعلا سحبها اسرع من الفورد مظبوط بس تعالي نقول انه فيه فيرنا مش اكسنت بيشد معاك شدة حلوة ايه الي هايحصل
اولا الهيونداي هايجمع سرعة قبلك و هايطير و انت بعد شوية هاتوصلة و بسهولة بس فرق وقت شوية نيجي نقول هوا هايوصل لـ 130 و يكون موتور بيزعق و العربية تبداء تخف اما انت هاتلاقي نفسك بتدوس بنزين و تسيب العربية توصل معاك على ثبات و احساس بالامان لحد 160 و طبعا بعد الـ 145 هاتلاقي الrbm عالي و الصوت بداء يظهر
نيجي لاول ملف في الطريق حضرتك على 160 و الهيونداي على نفس السرعة انت بدون قلق هاتلف الملف تدوس بنزين اكتر يمكن ربنا يكرم و توصل للـ 170 اما الاخ التاني لازم يدوس فرامل و ينزل للـ 110 علشان لو معملش كدة انشاء الله العربيه رايحة في الرملة و بعد شوية حلوين و انت على نفس السرعة بتاعتك هاتحس انك بتفتري على العربية و هاتنزل لـ 145 علشان صوت المكنة يريحك شوية و تلاقي صاحبنا وصلك و عند اول غرزة انت هاتحرك الدركسيون بس مع دوسة بنزين علشان تشد شوية كمان و اخونا لازم يدوس فرامل
لو عربيتك مش بتديك الاحاسيس ديه يبقي فيها حاجة مش مظبوطة
و اخواتنا الي راكبين هيونداي انا مش بعيب في عربيات حد بس انا اسف جدا انا راكب عربية بشوات
والله انت كلامك جميل بس زى ما انت شايف دلوقتى الطريق الدائرى بقى واقف والله العظيم امبارح حوالى الساعه واحد الظهر الطريق اكتر من 3كم ماشين سرعه النمله وكل شويه كمان نقف معنى كده ان مصر مفيهاش مكان للجرى الا الطرق السريعه مصر/اسكندريه مثلا انما دلوقتى هتلاقى الغرز الى فى الزحمه هى الى بتكسب وانا قبل كده سوقت عربيه هيونداى اتوس والله العظيم احسن غرز واحسن (((زرق))) فى الزحمه بتعرف تخلص نفسك
انا والله من رأيي ان العربيات الفورد بشكل عام اكتر من ممتازه بس انا حبيت اعمل مقارنه
وانا كنت عايز اسأل عن الفيستا الى هى اعتقد انها موديل1999 عايز اعرف العربيه دى كويسه ولا لأ وفيها باور والحاجات دى كلها ولا أيه علشان فى واحده قدامى وبردو عايز اعرف المونديو ال1600كويسه ولا لأ
وشكرا
بما اننا دخلنا الاتوس يبقي ممكن تحط ادامها الفيستا و الكا و طبعا الاتنين يفروموا الاتوس و خصوصا لو مشغل تكييف و بتتكلم على الزرق
بس طبعا الاتوس بعد الزحمة لازم تمشي بادبك علشان العربية مفيهاش ثبات بس لو معاك كا مثلا يبقي بعد الزحمة طير
عموما الفيستا 1300 مو 97 و 98 و 99 فيها تكييف و باور و زجاج امامي كهرباء و سنتر اما مو 2000 و 2001 لا
والله كلام سليم بس انا شايفكم معجبين بصالون وتابلوه الاسكورت هما فعلا كدا ولا دى ؟؟؟؟؟؟؟؟؟؟
ديه ايه ؟
صالون الاسكورت الليفت باك شكله انسيابي ومنظم - بس مشكلته في زرار التكييف تحس انها معموله يدوي.
اما عن ثباتها فما شاء الله تتساوي بالفولفو والبي ام دبليو
واكبر ميزة في الاسكورت - عضمها ناشف مش ورق زي عربيات اليومين دول .
عيوب الاسكورت - قطع غيار غاليه بالمقارنه بالكوري والصيني ومعقوله بالمقارنه بالياباني والالماني - صنايعيه قليلين وغاليين موت - يعني مثلا غسلت كربريتير ومنفيلو ب 80 جنيه.