الموضوع: ماذا نعرف عن الفورد أسكورت

ياجماعة أنا نفسى نثبت الموضوع ده علشان نفيد بعضنا أكتر

يا ريت نثبت الموضوع ده وعايزين الاسكورتيه يفيدونا عن العربية لانى ناوى اشترى واحدة وكنت عايز اعرف قطع غيارها و صيانتها ظروفها ايه معلش اصل انا من الزقازيق

العربية ممتازة ورائعة واعتماديتها عالية جدا وقطع غيارها موجودة بالقاهرة فى التوفيقية وشارع شامبليون وأسعارها معقولة مش غالية وهى معمرة جدا - توكل على الله واشتريها - أنا بعد ما جربتها خلت عندى اعتقاد راسخ انى لما أحب احدث لا أخرج من نطاق فورد ورنا يوفقك للخير والصلاح

بص ياسيدى معظم الناس بتعتقد إن أسعار الفورد غالية جدا وبتستهلك بنزين بشراهة ومحدش بيفهم فيها - بالنسبة للاسكورت كل دى معلومات خاطئة بنسب مختلفة
الاسكورت سيارة ممتازة ثابتة استهلاك للبنزين عادى - لو الموتور بحالة جيدة بيتكون موفرة - قطع غيراها موجودة بالقاهرة - لا أعلم شئ عن الزقازيق - معمرة سعرها عادى بس مش هقارنها بـ 128 .
مثال : الاكصدام الأمامى 350
وش الفانوس الأمامى 70
تيل فرامل أمامى 90
مرآة جانبية 115
صباع حرارة 40
رادياتير كامل أصلى 800
مفتاح النور 550
أسعار معقولة مش غالية
بالنسبة لموضوع الحرارة ما لقيتش مشاكل - خشنة وناعمة أنا مش فاهم هى صوتها عالى سنة ولكن ده حاجة طبيعية فى الفورد - الفورد كانت عربية تقيلة فى بيعها ما بشتريش الفورد إلا الفاهم قيمتها وبصراحة قيمتها كبيرة- إللى بيحس بيها بيحترمها ويقدرها ولكن أنا لاحظت والله أعلم إن العربيات الاسكورت ابتدت تكتر والناس تشتريها وأنا دائما فى الخدمة قدر استطاعتى. وربنا يوفقك

ياجماعة حد يعرف سعر موتور و مروحة الراديتير بتاع CH 1600 علشان أنا عايز أغير الى عندى

أنا نفسى ألاقى حد عندة كل قطع غيار الأسكورت من الألف للياء وياسلام بقى لو حد عنة مخزن مليان حجات أستيراد فى كل ما يخص الفورد الأوروبى زى الحاجات الى الواحد بيشوفها بره

ياجماعة حد يعرف سعر موتور و مروحة الراديتير بتاع ch 1600 علشان أنا عايز أغير الى عندى

أنا نفسى ألاقى حد عندة كل قطع غيار الأسكورت من الألف للياء وياسلام بقى لو حد عنة مخزن مليان حجات أستيراد فى كل ما يخص الفورد الأوروبى زى الحاجات الى الواحد بيشوفها بره

صراحة انا ماعرفش الاسعار اللى انت طالبها
عموما انا باشترى حاجات الاسكورت من واحد فى التوفيقية هاوصفلك مكانه لانى مش فاكر اسمه ولا اسم الشارع
انت عارف الشارع الموجود فيه مطعم اخر ساعة (فول وطعمية) تمشى فيه على طول وهاتعدى التقاطع وهاتكمل على طول فى التوفيقية لحد ما تلاقى على ايدك الشمال يافطة كبيرة عليها علامة فورد متعلقة على باب عمارة (قريبة من شارع رمسيبس) تطلع ثانى دور - هو بيبيع تقريبا كل حاجات الاسكورت.