الموضوع: محتاج خبراتكم فى التشطيب!!!!!!!!!!!!!!

المشاركة الأصلية كتبت بواسطة sha2e

أبدأ اشتغل فى تأسيس الكهربا والسباكه دلوقتي وأجل المحارة
بخصوص أكتر من مفتاح للأضائه بيستهلك أسلاك كتير خد بالك

هو مش هيبقي الشغل كله فى نفس المكان ياعني سلك بين المفتاحين بس مش هيوصل بيه لغايه اللوحه الئيسيه لكل واحد متهيئلي

المطبخ الافضل انه يبقي 6 ملي لو هتجيب افران كهرباء
لو هتركب تكييف لازم تعمل حسابه فى الكهربا من دلوقتي

متهيئلي 6 مللي هيبقى كتير ولا ايه الكهربائي قالي ال 4 مللي كويس فى المطبخ وانا بالفعل عامل حسابي على تكييف فى غرفه المعيشه والنون والرسيبشن للمستقبل

السباكة حاول تكبر مواسير الصرف على قد ما تقدر وميكونش فيها كيعان زاويه (90) نهائي الكيعان كلها تكون كيعان مفتوحة (زاويتها 120) عشان متنسدش
اعمل حساب لفلتر المايه فى المطبخ وحنفيه سخن لو هتجيب غساله فوق اتوماتيك
السباك والكهربائي أديلهم نص الاتفاق عشان تضمن انهم يجولك وقت التشطيب

طيب ايه هى الوصلات بتاعت فلتر المياة دي

المحارة حاول تصبر عليها لحد ما يبقى معاك فلوس النجارة والسيراميك :

لو هاجل المحاره هيتبقي معايا حوالي 7000 جم ممكن اخلص بيبهم الخشب والادوات الصحيه وبعدين ابقي اعمل المحاره لاني فعلا فكرت فى اني اجيب حاجه المحاره والسيراميك مرة واحده واجيب ونش يطلع كله مرة واحده

السيراميك بيحتاج رمل كتير أكتر من المحاره وبالتالى لو جبت ونش يطلعلك مونة المحارة والسيراميك والسيراميك نفسه مرة واحده هيبقى احسن واريحلك
النجارة مش المفروض انك تركب الحلوق وبعدين تركب الابواب
الصح انك تركب الحلوق والابواب وبعدين تمحر والابواب مقفولة كمان

اساسيات الكهربا والسباكة الاول ولازم الصنايعى يكتبلك طلباتة
ثم المحارة ثم الخشب والسيراميك
ثم الدهان وتركيب الكهربا والسبكة

انا نزلت النهاره سالت على شويه حاجات كده

الاوميتال لاقيت منه مستعمل الشباك ب 400 (1.20*1.20) والجديد المتر ب 500 ياعني الشباك عامل 720 ايه رائيكوا فى اني اجيب مستعمل بدل الجديد وعلى فكره حالته كويسه جدا ومن غير خرابيش ولا بهدله

والباب لاقيت باب الاوضه فى من اول 350 لغايه 500 جديد بس طبعا خشب خفيف شويه انما العموله ب 700 وخشب موسكي مش قشره انما الجاهز قشره

والباب المصفح يبدا من 1300 لغايه 1600

ايه رائيكوا فى الاسعار دي متهيئلي لو جبت اى باب للاوض مش مشكله مش شرط يبقى عموله وحمل اووى ياعني ابو 300 ممكن يبقى كويس ولا لازم اجيب حاجه تقيله (توفير فى التكاليف بس)

وهل الباب المصفح بيركب على حلق ظفر ولا على الحيطه على طول علشان انا عندي مافيش حلق على باب الشقه هل اركب حلق ولا لا

ايه يا جماعه مافيش اراء تاني ولا ايه

المشاركة الأصلية كتبت بواسطة sha2e

لو هتعمل اكتر من مفتاح لاضائة لمبة بستهلك ضعفين السلك لو هتعمل مفتاح واحد يعنى حوالي 10 - 15 متر زيادة مش حاجه كبيرة متتخضش :)
والسلك بين المفتاحين ملوش دعوة باللوحة الرئيسية
حاول تخلي كل أوضه على مفتاح فى اللوحه بلاش كل اوضتين تلاتة على مفتاح وخلي مفتاح او اتنين اسبير فى اللوحة

بخصوص المطبخ 4 ملي معقول لتلاجة وديب فريزر وسخان صغير لكن بدون افران او ميكرويف
لكن لو 6 ملي يشيل سخان كويس وتلاجة وديب فريزر وفرن او ميكرويف مستريح ولو حبيت تشتري بعد كده بوتجاز بالكهربا عادي
6 او 4 بيتحدد حسب احتياجاتك انت والاجهزة الى هتكون فى المطبخ
ومش لازم الفردين يكونوا 6 ملي ممكن فرد الكهربا 6 ملى والارضي 4 ملي

وصلة الفلتر حاجة بسيطه جدا مبتاخدش حاجه فتحة واحده زي فتحة الغسالة بيعملها جنب حوض المطبخ وبيطببها (يحطلها طبه يقفلها بيها عشان لو عزت تركب فلتر فى أي وقت تشيل انت الطبه بنفسك عادي وتركب الفلتر طالما انت عامل حسابها فى التأسيس أو ممكن تركب فيها حنفيه 0.5 بوصه زي بتاعت الغسالة)

الادوات الصحية متجبهاش دلوقتى عشان متتبهدلش
هات حاجت التأسيس بس الى هتركبها فقط الى هيا المواسير لكن الطقم والاحواض والخلاطات متجبهمش الا قبل التركيب عشان ميتبهدلوش
واول ما تخلص تأسيس السباكه خلى السباك يسدلك فتحات الصرف عشان متطلعش منها حاجه
وخلي الكهربائي ينورلك الحمام بلمبه ونبه على الصنعيه كلهم الى عايز يعمل حمام ينزل يتصرف تحت مش فى الشقة

ما هو المشكله اني لازم اركب البانيو قبل السيراميك

وكمان فى ناس قالتلي ان البانيو ممكن يركب بعد السيراميك

وكمان الحمام عندي صغير اوووى 2.5 * 1.7 مش عارف هيشيل بانيو اصلا ولا لا لان كل المقاسات اللى شوفتها فى البانيو اقل عرض 70 سم فى 1.2 اقل حاجه هي المشكله فى العرض

وكمان لو تعرف اسعار البانيو بالجنب اللى يركب بعد السيراميك واللى من غير اللى يركب قبل السيراميك ياريت تفيدنا