| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 20

  1. #1

    الصورة الرمزية midoabdeen

    رقم العضوية : 82434

    تاريخ التسجيل : 01Dec2010

    المشاركات : 1,282

    النوع : ذكر

    الاقامة : cairo

    السيارة: YA MOSAHEL

    السيارة[2]: R-I-T-M-O

    دراجة بخارية: no

    الحالة : midoabdeen غير متواجد حالياً

    افتراضي محتاج خبراتكم فى التشطيب!!!!!!!!!!!!!! - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    هبدأ إن شاء الله اشطب فى الشقه على اخر الشهر دا بأذن الله

    محتاج نصائحكم وتجاربكم فى الموضوع دا لان انا دماغي قربت تلسع

    انا هيبقي معايا مبلغ باذن الله ممكن يخلص الكهرباء والسباكه والمحاره

    خلينا نمسكها واحده واحده كده

    1-الكهرباء
    انا جبت سلك السويدي 2 (3 لفه)-3(1 لفه)-4(1 لفه) ملل والعلب ولسه الباقي

    ممكن الكهربائي يحتاج ايه تاني لان المشوار عندي بعيد شويه فكل مااكلم صنايعي يقولى انا اروح اشتغل على طول ولما احتاج حاجه نبقي نجيبها ساعتها

    هو كان قالي هات اللوحه الرئيسيه فايبر هل دي كويسه ولا الصاج احسن لانها ارخص من الصاج بس وجهة نظره انها احسن علشان اامن لو سلك لمس فى اللوحه هتبقى فى الامان

    انا ناوي اعمل فى كل اوضه والطرق مفتاحين للاناره واحد فى اول الاوضه والتاني فى مكان القعده

    فى واحد قالي اعمل وصله من العداد للبلكونه علشان لو حبيت اجيب مولد كهرباء مستقبلا

    وكمان احط لمبه طوارئ فى كل نجفه بحيث ان النور لما يقطع تشتغل اوتوماتيك هل اللمبه دى موجوده وغاليه ولا لا

    وكمان لو شقه 3 اوض وصاله ممكن الكهربائي تاخد فى حدود كام مصنعيه

    2-السباكه
    عندي 2 حمام ومطبخ انا حاسس ان المطبخ صغير هو 2 * 2.65 مم

    انا هحط صوره موزع فيها الفرش فى اخر الموضوع هل التقسيمه دي تنفع فى المساحه الصغيره دي ولا لا علشان اعرف هل مكان الحوض كده مناسب ولا لا

    وياريت اللى يعرف اسعار الادوات الصحيه كام ياريت يقول عليها فى المتوسط لانى شوفت فى السلاب الحوض يبدا من 500 و القاعده تبدا من 1500

    والصنايعي ممكن ياخد كام مصنعيه فى حمامين ومطبخ

    3-المحاره
    المشكله بقى عندي ان لسه مافيش ابواب ولا شبابيك راكبه والحلوق راكب الشبابيك بس انما الابواب لا مش راكب هل لازم اجيب الخشب قبل المحاره لان الفلوس اللى معايا مش هتكفى الخشب لو ركبته بعدين هيعمل مشكله ولا ايه النظام

    وكمان ايه اللى اخد بالي منه فى المحاره

    ومتوسط سعر المتر كام للمحاره لو بؤج و البلدي لان فى اماكن عندي لازم بؤج و اماكن كويسه ممكن بلدي
    وكمان سعر الجبس للاسقف والكرانيش

    4- الابواب والشبابيك
    انهي احسن الالوميتال فى الشبابيك ولا الخشب انا سالت على الشباك 1.20*1.20 خشب ب 700 و البلكونه ب 1700 والباب ب 750 موسكي مش قشره اكيد القشره اغلي لاني لو هجيب خشب هيدهن استر وباب الشقه ارو 2500 والالوميتال البي اس قال المتر ب 950 تقريبا انا عندي 4 شبابيك و 3 ابواب غير الحمامين والمطبخ وبلكونه واحده ايه الاحسن بقي الخشب ولا الالوميتال فى الشبابيك واكيد الابواب خشب
    دي رسمه الشقه عندي

    [IMG][/IMG]
    ياريت محدش يبخل علينا بخبرته فى التشطيب

    معلش طولت عليكم


  2. #2

    الصورة الرمزية midoabdeen

    رقم العضوية : 82434

    تاريخ التسجيل : 01Dec2010

    المشاركات : 1,282

    النوع : ذكر

    الاقامة : cairo

    السيارة: YA MOSAHEL

    السيارة[2]: R-I-T-M-O

    دراجة بخارية: no

    الحالة : midoabdeen غير متواجد حالياً

    افتراضي -

    ايه يا جماعه فين الناس


  3. #3

    الصورة الرمزية minicooper20

    رقم العضوية : 78428

    تاريخ التسجيل : 24Aug2010

    المشاركات : 4,106

    النوع : ذكر

    الاقامة : ksa .geda

    السيارة: Pegute 407

    السيارة[2]: b.m.w 130i 2008

    دراجة بخارية: mesh 3andy

    الحالة : minicooper20 غير متواجد حالياً

    افتراضي -

    بص يا باشا
    واحده واحده علشان متلخبطش نفسك و خدها على مهلك
    اول حاجه هتعمل اساسيات كهرباء هتجيب كهرباءى و تخدى يعاين و يكتب كل حاجه هيحتجها من الابره للصاروخ
    و انتا تاخد منو الورقه و تنزل تشترى الحجات يالاسعار و المستوى النتا عايزه و لو عايز تخدو معاك قشطه
    لاكن شغل القطاعى هيكلفك و هيقرفك
    و نفس الكلام فى السباكه اساسيات
    و بعد كده هات حلوق خشب تدفنها فى المحاره مش لاذم تبقى كويسه لان هيا بطانه
    و هات مبيض محاره يشوف عايز قد ايه اسمن و رمل و تجبلو حاجتو
    و حسب مستوى تشطيبك بتختار الصنايعى و الخمات لان صدقنى مهما كلفت هتلاقى اعلى
    اما لسه خارج من المدعمه دى و لو قلتلك الموضوع كلفنى كام فى ١٦٠ مش هتصدق و هتقولى ادحك عليك
    لاكن لو عارف ان والدى الله يرحمو كان مهندس و ده مجالو و الناس الجايه كلها كانت جايه تجامل مش هتتخيل
    فا انتا خدها واحده واحده و متستعجلش و الاهم تحط لنفسك مستوى لانك لو سبتو مفتوح كل يوم فى جديد
    تحياتى

    كولو بالحنيه بيفك مع تجيات جمعيه حنينها قبل متحلبها


  4. #4

    الصورة الرمزية minicooper20

    رقم العضوية : 78428

    تاريخ التسجيل : 24Aug2010

    المشاركات : 4,106

    النوع : ذكر

    الاقامة : ksa .geda

    السيارة: Pegute 407

    السيارة[2]: b.m.w 130i 2008

    دراجة بخارية: mesh 3andy

    الحالة : minicooper20 غير متواجد حالياً

    افتراضي -

    تقسيم شقتك ده بيقول انك فى الحدايق الاهرام

    كولو بالحنيه بيفك مع تجيات جمعيه حنينها قبل متحلبها


  5. #5

    الصورة الرمزية mr.a

    رقم العضوية : 148572

    تاريخ التسجيل : 13Sep2013

    المشاركات : 167

    النوع : ذكر

    الاقامة : PurSaid

    السيارة: :(:(

    السيارة[2]: Adidas 2013 :(

    الحالة : mr.a غير متواجد حالياً

    افتراضي -

    اقتباس المشاركة الأصلية كتبت بواسطة midoabdeen مشاهدة المشاركة
    السلام عليكم ورحمة الله وبركاته
    السلام عليكم ورحمة الله وبركاته

    هو كان قالي هات اللوحه الرئيسيه فايبر هل دي كويسه ولا الصاج احسن لانها ارخص من الصاج بس وجهة نظره انها احسن علشان اامن لو سلك لمس فى اللوحه هتبقى فى الامان
    فايبر
    انا ناوي اعمل فى كل اوضه والطرق مفتاحين للاناره واحد فى اول الاوضه والتاني فى مكان القعده
    بحب الحركه دي كانت في بيتي القديم وزعلان اوي عشان مس عندي الوقتي
    فى واحد قالي اعمل وصله من العداد للبلكونه علشان لو حبيت اجيب مولد كهرباء مستقبلا
    مش مقتنع بالفكره
    وكمان احط لمبه طوارئ فى كل نجفه بحيث ان النور لما يقطع تشتغل اوتوماتيك هل اللمبه دى موجوده وغاليه ولا لا
    تكاليف ده غير لازم تستغلى لأن الأنواع الرديئه اضائتها ملهاش لازمه وبتبوظ بسرعه
    كنا جهزنا سلم العماره في اقل من شهرين باظو كلهم

    اشتري كشافات احسن
    وياريت اللى يعرف اسعار الادوات الصحيه كام ياريت يقول عليها فى المتوسط لانى شوفت فى السلاب الحوض يبدا من 500 و القاعده تبدا من 1500
    بالنسبه للخلاطات كله بتمنه القاعده دي بقى مزاج عندي ولازم تبقى ideal standard


  6. #6

    الصورة الرمزية amrezzat82

    رقم العضوية : 47713

    تاريخ التسجيل : 21Sep2009

    المشاركات : 422

    النوع : ذكر

    الاقامة : القاهرة

    السيارة: نيسان صنى خليجي 2013

    السيارة[2]: رينو سانديرو FO 2011

    دراجة بخارية: دراجة نارية

    الحالة : amrezzat82 غير متواجد حالياً

    افتراضي -

    و عليكم السلام
    خليك ماشي بالرحة و ربنا يوفققك
    حتلاقي فى المنتدي مواضيع كتيرة جدا بتتكلم عن التشطيب
    كل حاجة بسعرها ممكن تشطب ب 50 و ممكن ب 150
    الحاجات تجيبها لما يكتبها الصنايعي و قلل من الأعداد عشان كتير منهم بيسرق او بيهدر او بياخد الباقي
    الكهربا الأسلك و الخراطيم و الوشوش هاتها من العتبة جنب المطافي
    السباكة هاتها من السلاب أحسن كتيييييير او حد نضيف عشان بتفرق كتييييير الخامات
    اعتقد اللوحة الحديد احسن عشان المفاتيح متلقش ولا تتكسر
    و مفاتحها هاتها من شركة أما دار القضاء
    بالنسبة للمليي فحتاج سلك عداد تقريا 16 مم - و التكييف و السخانات 4 مم و الغسالة الانارة 1 مم و الفيش 2مم
    لو السويدي غلبوك دور على شركة ألف فى مدينة نصر عندهم أسلاك سعودي رائعة
    بلاش فكرة المولد حتبهدل نفسك جداااااا - قضيها كشافات أحسن أو انفرترز


  7. #7

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    الكهربائى هيحتاج
    سلوك
    جبس واسمنت
    مفاتيح عمومى
    لوحة
    مفاتيح للغرف
    ويفضل تخللى من مصنعيته لتركيبها مع التشطيب علشان مش تاخد دهان
    فكرة المولد كويسة
    اللمبات مش مقتنع بيها بس ممكن تعمل بريزة فى العالى تركب عليها كشاف اللى بيتشحن

    القاعدة وكدة لسه بدرى على انك تجيبها وممكن تتبهدل وتتكسر
    وغالبا فى شهر 12 بيكون فيه خصومات علشان الموديلات الجديدة

    النجارة ركب الحلوق
    بس حلق شباك خشب غير حلق الوميتال
    فشوف انت هتختار ايه
    الابواب والشبابيك القشرة فخمة
    بس الباب ممكن يوصل 2000 او 3000 مقابل 500 للعادى

    A.Saad


  8. #8

    الصورة الرمزية Amr_MO

    رقم العضوية : 119810

    تاريخ التسجيل : 30Jan2012

    المشاركات : 179

    النوع : ذكر

    الاقامة : القاهرة

    السيارة: BMW M6

    السيارة[2]: BMW M6

    دراجة بخارية: N/A

    الحالة : Amr_MO غير متواجد حالياً

    افتراضي -

    لسة خارج برضه من دوشة التشطيب وهفيدك بالي اقدر عليه وانت شوف على حسب ظروفك وامكانياتك

    الكهرباء: ممنوع منعا باتا انك تسترخص فيها خصوصا الاسلاك علشان الأمان وانت بتسمح عن الحوادث الكتيرة بتاع عمك الماس الكهربي، هتجيب اسلاك السويدي من عند محل واحد فقط مضمون 100% اسمه جبريل في العتبة تشتري من عنده اسلاك السويدي الاصلي وانت مغمض لأنه كله عامل يفط انه بتاع السيويدي واغلبهم مضروب لكن جبريل بيبيع الأصلي

    اعمل حسابك ان اسلاك المطبخ والحمام لو فيه سخان كهرباء بجانب الغسالة يبقى سلك 4 ميلي علشان تكون عامل حساب اي اجهزة كهربائية هتشتغل بيها في المطبخ زي فرن كهربا مع التلاجة وخلافه
    بقية اسلاك الشقة 2 ميلي كفاية عليها واسلاك الانارة والنجف واسبوتات والكلام ده 1.5 ميلي او ممكن تخليها 2 ميلي برضه الفرق مش كبير في السعر - التكييفات اسلاك 4 ميلي - بس زي ما قلتلك تخلي بالك انك تجيب اسلاك السيويدي الأصلي لأن فيها مضروب كتير ومتعرفش تفرقه بسهولة عن الاصلي

    علبة الكهرباء الصاج افضل للمتانة لكن انت وذوقك برضه، مفاتيح تابلوه الكهرباء يا تجيب بتشينو الأصلي او مفاتيح اسمها مارلين برضه من العتبة ورا المطافي، البرايز وعلب الكهربا هتجيبها يا اما ماركة ساس او ماجيك وكل واحدة فيها اشكال مفاتيح معينة بتركب على العلبة بتاعتها فقط فخد لفة وشوف الاشكال الي تعجبك علشان تجيب الكماليات المناسبة ليها على اساس اختيارك

    السباكة: هتجيب سباك تقوله الحوض هنا والقعدة هنا والبانيو هنا وصرف الغسالة هنا وجنب القعدة عاوز وصلة لشطاف يدوي هيفيدك لو عاوز تغسل بيه حاجة زي فلتر تكييف مثلا او تنضف بيه الحمام وهكذا، وفي فكرة حلوة برضه انك تعمل حنفية عادية على ارتفاع نص متر تقريبا تستخدمها لو عاوز تملي مية لجردل او ما شابه هتلاقيها عملية - وبرضه تعمل حساب حوض المطبخ ومكانه بالظبط علشان يسنتر مكان حنفية الحوض وتعمل حسابك في حنفية او محبس منفصل لفلتر مياه يكون قريب من الحوض لو كنت هتستخدمه

    هتخلي السباك يجي معاك وتشتري مواسير المياه الداخلية من نوع BR الألماني المصري ومواسير الصرف ماركة الشريف ومتسترخصش ابدا في السباكة لأن الغلطة فيها هتجيب الشقة عاليها واطيها

    بعدها هتجيب نجار وتركب حلوق لأبواب اوض النوم كلها وباب الشقة برضه لو مكانش موجود وحلوق للشبابيك وثبتهم على كدة

    بعدها هتجيب مبيض محارة تتفق معاه على سعر المتر وسعر الكرانيش او اي ديكورات تانية انت هتعملها في السقف مثلا، وتقف على ايده اكبر وقت ممكن وهو شغال علشان تتأكد ان المحارة مستقيمة وكويسة ومفهاش مطبات علشان دي بتأثر جدا في التشطيبات النهاية وفي الشكل الجمالي، هيقولك مثلا انا هحتاج 2.5 طن اسمنت قوله هجيبلك 2 طن دلوقتي ومتهدرش فيه ولما يحتاج تاني ابقى هاتله علشان الاسمنت الفايض هيبوط منك في الركنة والرطوبة - هتجيب اسمنت اسمه iPro سواء طرة أو حلوان الاتنين واحد ومتجيبش الي اسمه iWork
    وشوف هتحتاج قد ايه جبس لمصيص السقف والكرانيش وغيره


  9. #9

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    السباك ياخد حوالى 1500
    الشبابيك لازم تركب الحلق على الاقل
    لو مركبش ومحرت
    هتكسر عند تركيبه وييجى بتاع المحارة تانى يظبط اماكن التركيب

    ممكن تعمل الحلوق بس وتدهنها سلقون وتسيبها وبعدين تعمل الابواب

    A.Saad


  10. #10

    الصورة الرمزية midoabdeen

    رقم العضوية : 82434

    تاريخ التسجيل : 01Dec2010

    المشاركات : 1,282

    النوع : ذكر

    الاقامة : cairo

    السيارة: YA MOSAHEL

    السيارة[2]: R-I-T-M-O

    دراجة بخارية: no

    الحالة : midoabdeen غير متواجد حالياً

    افتراضي -

    hasad">

    اولا شكراااااااااا لكل اللى رد

    اقتباس المشاركة الأصلية كتبت بواسطة minicooper20 مشاهدة المشاركة
    بص يا باشا
    واحده واحده علشان متلخبطش نفسك و خدها على مهلك
    اول حاجه هتعمل اساسيات كهرباء هتجيب كهرباءى و تخدى يعاين و يكتب كل حاجه هيحتجها من الابره للصاروخ
    و انتا تاخد منو الورقه و تنزل تشترى الحجات يالاسعار و المستوى النتا عايزه و لو عايز تخدو معاك قشطه
    لاكن شغل القطاعى هيكلفك و هيقرفك
    و نفس الكلام فى السباكه اساسيات
    و بعد كده هات حلوق خشب تدفنها فى المحاره مش لاذم تبقى كويسه لان هيا بطانه
    و هات مبيض محاره يشوف عايز قد ايه اسمن و رمل و تجبلو حاجتو
    و حسب مستوى تشطيبك بتختار الصنايعى و الخمات لان صدقنى مهما كلفت هتلاقى اعلى
    اما لسه خارج من المدعمه دى و لو قلتلك الموضوع كلفنى كام فى ١٦٠ مش هتصدق و هتقولى ادحك عليك
    لاكن لو عارف ان والدى الله يرحمو كان مهندس و ده مجالو و الناس الجايه كلها كانت جايه تجامل مش هتتخيل
    فا انتا خدها واحده واحده و متستعجلش و الاهم تحط لنفسك مستوى لانك لو سبتو مفتوح كل يوم فى جديد
    تحياتى

    عندك حق فعلا لاني كل لما افكر اني اعمل حاجه جديده الاقي فى الاجدد وتقلاي نفسك واحده واحده رايح لسكه تانيه خالص
    اقتباس المشاركة الأصلية كتبت بواسطة minicooper20 مشاهدة المشاركة
    تقسيم شقتك ده بيقول انك فى الحدايق الاهرام

    فعلا هي فى حدائق الاهرام بس عرفت منين التقسيم دا فى اماكن كتير جداا
    اقتباس المشاركة الأصلية كتبت بواسطة amrezzat82 مشاهدة المشاركة
    و عليكم السلام
    خليك ماشي بالرحة و ربنا يوفققك
    حتلاقي فى المنتدي مواضيع كتيرة جدا بتتكلم عن التشطيب
    كل حاجة بسعرها ممكن تشطب ب 50 و ممكن ب 150
    الحاجات تجيبها لما يكتبها الصنايعي و قلل من الأعداد عشان كتير منهم بيسرق او بيهدر او بياخد الباقي
    الكهربا الأسلك و الخراطيم و الوشوش هاتها من العتبة جنب المطافي
    السباكة هاتها من السلاب أحسن كتيييييير او حد نضيف عشان بتفرق كتييييير الخامات
    اعتقد اللوحة الحديد احسن عشان المفاتيح متلقش ولا تتكسر
    و مفاتحها هاتها من شركة أما دار القضاء
    بالنسبة للمليي فحتاج سلك عداد تقريا 16 مم - و التكييف و السخانات 4 مم و الغسالة الانارة 1 مم و الفيش 2مم
    لو السويدي غلبوك دور على شركة ألف فى مدينة نصر عندهم أسلاك سعودي رائعة
    بلاش فكرة المولد حتبهدل نفسك جداااااا - قضيها كشافات أحسن أو انفرترز
    انا اصلا مش هجيب مولد بس اللى قال كده قال من باب الاحتياط لو جبته مستقبلا يبقى وصلته موجوده مش اكتر
    اقتباس المشاركة الأصلية كتبت بواسطة A.Saad مشاهدة المشاركة
    الكهربائى هيحتاج
    سلوك
    جبس واسمنت
    مفاتيح عمومى
    لوحة
    مفاتيح للغرف
    ويفضل تخللى من مصنعيته لتركيبها مع التشطيب علشان مش تاخد دهان
    فكرة المولد كويسة
    اللمبات مش مقتنع بيها بس ممكن تعمل بريزة فى العالى تركب عليها كشاف اللى بيتشحن

    القاعدة وكدة لسه بدرى على انك تجيبها وممكن تتبهدل وتتكسر
    وغالبا فى شهر 12 بيكون فيه خصومات علشان الموديلات الجديدة

    النجارة ركب الحلوق
    بس حلق شباك خشب غير حلق الوميتال
    فشوف انت هتختار ايه
    الابواب والشبابيك القشرة فخمة
    بس الباب ممكن يوصل 2000 او 3000 مقابل 500 للعادى
    المشكله ان الباب الموسكي لازم يدهن لاكيه ولو اددهن استر بيبقي شكله وحش جدا وكده كده الحلوق بتاعت الشبابيك راكبه فاضل الابواب بس
    اقتباس المشاركة الأصلية كتبت بواسطة Amr_MO مشاهدة المشاركة
    لسة خارج برضه من دوشة التشطيب وهفيدك بالي اقدر عليه وانت شوف على حسب ظروفك وامكانياتك

    الكهرباء: ممنوع منعا باتا انك تسترخص فيها خصوصا الاسلاك علشان الأمان وانت بتسمح عن الحوادث الكتيرة بتاع عمك الماس الكهربي، هتجيب اسلاك السويدي من عند محل واحد فقط مضمون 100% اسمه جبريل في العتبة تشتري من عنده اسلاك السويدي الاصلي وانت مغمض لأنه كله عامل يفط انه بتاع السيويدي واغلبهم مضروب لكن جبريل بيبيع الأصلي

    اعمل حسابك ان اسلاك المطبخ والحمام لو فيه سخان كهرباء بجانب الغسالة يبقى سلك 4 ميلي علشان تكون عامل حساب اي اجهزة كهربائية هتشتغل بيها في المطبخ زي فرن كهربا مع التلاجة وخلافه
    بقية اسلاك الشقة 2 ميلي كفاية عليها واسلاك الانارة والنجف واسبوتات والكلام ده 1.5 ميلي او ممكن تخليها 2 ميلي برضه الفرق مش كبير في السعر - التكييفات اسلاك 4 ميلي - بس زي ما قلتلك تخلي بالك انك تجيب اسلاك السيويدي الأصلي لأن فيها مضروب كتير ومتعرفش تفرقه بسهولة عن الاصلي

    علبة الكهرباء الصاج افضل للمتانة لكن انت وذوقك برضه، مفاتيح تابلوه الكهرباء يا تجيب بتشينو الأصلي او مفاتيح اسمها مارلين برضه من العتبة ورا المطافي، البرايز وعلب الكهربا هتجيبها يا اما ماركة ساس او ماجيك وكل واحدة فيها اشكال مفاتيح معينة بتركب على العلبة بتاعتها فقط فخد لفة وشوف الاشكال الي تعجبك علشان تجيب الكماليات المناسبة ليها على اساس اختيارك

    السباكة: هتجيب سباك تقوله الحوض هنا والقعدة هنا والبانيو هنا وصرف الغسالة هنا وجنب القعدة عاوز وصلة لشطاف يدوي هيفيدك لو عاوز تغسل بيه حاجة زي فلتر تكييف مثلا او تنضف بيه الحمام وهكذا، وفي فكرة حلوة برضه انك تعمل حنفية عادية على ارتفاع نص متر تقريبا تستخدمها لو عاوز تملي مية لجردل او ما شابه هتلاقيها عملية - وبرضه تعمل حساب حوض المطبخ ومكانه بالظبط علشان يسنتر مكان حنفية الحوض وتعمل حسابك في حنفية او محبس منفصل لفلتر مياه يكون قريب من الحوض لو كنت هتستخدمه

    هتخلي السباك يجي معاك وتشتري مواسير المياه الداخلية من نوع BR الألماني المصري ومواسير الصرف ماركة الشريف ومتسترخصش ابدا في السباكة لأن الغلطة فيها هتجيب الشقة عاليها واطيها

    بعدها هتجيب نجار وتركب حلوق لأبواب اوض النوم كلها وباب الشقة برضه لو مكانش موجود وحلوق للشبابيك وثبتهم على كدة

    بعدها هتجيب مبيض محارة تتفق معاه على سعر المتر وسعر الكرانيش او اي ديكورات تانية انت هتعملها في السقف مثلا، وتقف على ايده اكبر وقت ممكن وهو شغال علشان تتأكد ان المحارة مستقيمة وكويسة ومفهاش مطبات علشان دي بتأثر جدا في التشطيبات النهاية وفي الشكل الجمالي، هيقولك مثلا انا هحتاج 2.5 طن اسمنت قوله هجيبلك 2 طن دلوقتي ومتهدرش فيه ولما يحتاج تاني ابقى هاتله علشان الاسمنت الفايض هيبوط منك في الركنة والرطوبة - هتجيب اسمنت اسمه iPro سواء طرة أو حلوان الاتنين واحد ومتجيبش الي اسمه iWork
    وشوف هتحتاج قد ايه جبس لمصيص السقف والكرانيش وغيره
    انا فعلا الحاجه اللى جبتها جبتها من جبريل ارخص واضمن من الباقي وليه سمعه كويسه
    موضوع المفاتيح دا لسه بدري اوي عليه لما اخلص بس التاسيس هبقي اجبهم علشان الميزانيه لا تسمح حاليا
    اقتباس المشاركة الأصلية كتبت بواسطة A.Saad مشاهدة المشاركة
    السباك ياخد حوالى 1500
    الشبابيك لازم تركب الحلق على الاقل
    لو مركبش ومحرت
    هتكسر عند تركيبه وييجى بتاع المحارة تانى يظبط اماكن التركيب

    ممكن تعمل الحلوق بس وتدهنها سلقون وتسيبها وبعدين تعمل الابواب
    طيب المشكله ان الميزانيه حاليا مش هتكفي اني اجيب الابواب هل ينفع اركب حلوق بس وبعد كده ابقي اجيب الابواب

    انا شوفت ابواب جرار عند واحد زميل ليا عجبتني اووووى

    [IMG][/IMG]
    [IMG][/IMG][IMG][/IMG]

    ايه رائيكوا فيها وهل هتبقى مكلفه ولا لا

    هو كان عامل الباب ب 900 من سنه تقريبا ياتري دلوقتي ممكن يعمل كام

    لو كده الابواب دي هيركب لها حلق ساده ودا مقدور عليه ممكن يركب دلوقتى وبعدين نبقي نعمل الابواب ولا ايه



 
صفحة 1 من 2 1 2 الأخيرةالأخيرة

المواضيع المتشابهه

  1. خبراء التشطيب محتاج مساعدتكم
    بواسطة BESO516 في المنتدى المنتــــــدى الاجتمــاعى
    مشاركات: 20
    آخر مشاركة: 21-10-2013, 02:53 AM
  2. محتاج خبراتكم ....... إنقذوووونى
    بواسطة loayegypt في المنتدى مشاكل الكهربــاء
    مشاركات: 6
    آخر مشاركة: 24-01-2012, 09:24 PM
  3. أصحاب ال n 97 محتاج خبراتكم بعد إذنكم
    بواسطة ALSHARIEF في المنتدى المنتــــــدى الاجتمــاعى
    مشاركات: 0
    آخر مشاركة: 26-01-2011, 10:09 PM
  4. محتاج خبراتكم معايا يا فيتاويااااااااااااااا
    بواسطة الغزالى في المنتدى فــــيات
    مشاركات: 13
    آخر مشاركة: 08-03-2010, 03:24 PM
  5. محتاج خبراتكم فى الأتوس برايم
    بواسطة segsauer في المنتدى هيــونــداى
    مشاركات: 5
    آخر مشاركة: 18-03-2008, 04:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2