الموضوع: شقق دجله بالمز

طب حد يعرف العمارات اللى قدام هايبر وان ايه نظامها كأسعار ومساحات؟؟؟؟

المنطقة هناك انا روحت شوفنها من قبل الثورة اسمها حدائق اكتوبر وهر خلف مدينة الانتاج الاعلامى وحى الاشجار وممكن تدخلها بردوه من على طريق الفيوم هو كان مشروع اسكان مبارك للشباب بس الحقيقة الاسعار مكنتش للشباب خالص فيه فى الاول ارض اسمها ارض المخابرات عليها كام عمارة كده مش كتير بس مساحات وهمية وتقسيم 10/10 لكن طبعا اسعارها كانت هلامية وبعدين لما تدخل على جوه الكمبوند هتلاقى على اليمين والشمال مشاريع صغيرة وبص هما تقريبا كلهم نفس المساحة 630م صافى ما عدا مشروع اسمه بيت المصرية وده قبل دجلة بالمز على اليمين مساحاته كانت حوالى 80 م والتقسيم على 3 غرف وريسيبشن بس طبعا محندقين كده وبعديها هتدخل يمين هتلاقى على يمينك مشروع حدائق المنتزه وفى رايي ده افضل مشروع هناك وقدامه دجلة ويعتبر كويس بردوه ووراهم الحى الايطالى مش عارف بصراحة لو كانوا عملو حاجة تانى بعد كده ولا لا وعاوز اقولك من ساعة ماروحت هناك فى 2010 ولغاية دلوقتى تقريبا مفيش حد لسه سكن هناك لانه مينفعش اساسا تسكن ولسه البنا مخلصشى فى المشروع كله واسباب التاخير فى التسليم متنساش ان فترة الثورة وما بعدها حصل مشاكل كتير والمقاولين وقفوا عن العمل وكان فى اراضى بتتسحب من بعض الشركات متهيالى واحة الريحان حصل فيها كده وبعدين المشكلة اتحلت على حسب ما سمعت فطبعا كل ده لازم يخلى مواعيد الاستلام تتاخر بس اللى ميستلمش يقعد يزن ويحط شرط جزائى فى العقد لو اخرو التسليم وانا من رايي انك فى الظروف دى يا تشترى حاجة مبنية اساسا وانت شايفها بعنيك او تشترى من حد مضمون وده صعب جدا دلوقتى وربنا يوفق الجميع