موقف جديد من مواقفى الجميله مع عمو غبووووووورر.....

**Hossam.Hamdy** · 19-10-2008 10:04 PM

محتاج رد:
يوم الجمعه بليل حصل صوت طقه فى الدبرياج وانا بسوق العربيه اعدت اشيل رجلى وادوس تحصل نفس الطقه روحت لمهندس معرفه اسمه محمد بيومى كان شغال فى غبور وبص عليها قالى لازم تغير ديسك واسطوانه وقلتله هروح التوكيل يشوفو الحوار عشان عامله 36000
روحت السبت الصبح بدرى سلمتها للمهندس حسن صلاح وقالى لو مشكلة تصنيع او عيب هنغير فى الضمان اما لو نتيجة الاستهلاك هيتحملها العميل وقالى هنكلمك ونخطرك قلتله تمام والعربيه هتبات فى التوكيل قولتله مش مشكله..
سبتها وتانى يوم اللى هو النهارده كلمت المهندس عمرو صالح اللى المفروض هيستلم من المهندس حسن قالى انا مروحتش النهارده لظروف وادانى رقم رئيس الورشه كلمته قالى تمام الربيه خلصت....روحت سايب الشغل وروحت استلمها واستلمتها وقالولى طلع حاجه بسيطه ده رجلاش وخلاص ومشيت وبعد ما وصلت شارع السودان فى المهندسين سمعت طقه خفيفه وتزييق وعلى ما وصلت م.نصر الصوت رجه زى الاول....
بصراحه اتخنقت وكنت متوقع ان ده يحصل كالعاده...كلمت المهندس المحترم جدااا محمد رمضان بتاع قليوب وحاكيتله القصه كلها وقالى طبعا اللى عملوه غلط وده لاز يتغير طقم الدبرياج كلع (ديسك واسطوانه و بليه)واللى عملوه ده حل مؤقت وخطر ممكن يتسبب فى مشكله فى العربيه اكبر من كده وقالى ما تمشيش بيها غير لما تيجى تصلحها....

احب اعرف المهندسين اللى موجودين فى ابو رواش بيعملو ايه؟؟؟؟وهل مهندسين فعلااااا...
ازاى حاجه زى ده مش متشخصه صح.....
قال ايه صيانه خمس نجووم
والله بضرب نفسى بالجذمه عشان اشتريت العربيه ده من توكيل زى ده....فعلا ملهوش غير فى المانجه

**magdy_momo** · 19-10-2008 10:34 PM

ربنا يكون في عونك بصراحه

**alaa_kamel_m** · 19-10-2008 10:38 PM

ده توكيل زبالة ربنا يكون بعونك

**Hossam.Hamdy** · 19-10-2008 10:53 PM

عشان مبقاش بفترى على التوكيل هما اه غيرولى علبة دريكسيون فى الضمان وحاجه كمان...بس اكثر من مره يحصل عدم التشخيص الصح وبعدين حوار الدبرياج ده المفروض سهل بالنسبه لناس مهندسين...
اللى بيفهمو عندهم مش كثير

**Hassan Khalil** · 19-10-2008 11:05 PM

اعتقد محمد بيومي ده بتاع مصطفي النحاس .. مش كده ؟؟
عموما ابو روااااش .. حيظل دائما افضل من قليوب ..
قليوب مفيهوش غير المهندس محمد رمضان فقط اللي محترم و تتعامل معاه كويس... غير انه فاهم .. و مش بيطلسق .. و بيشتغل بنفس ..
انا بقولك كده علشان اتعاملت معاه شخصيا .. و لمست أد ايه هو انسان محترم ..
ربنا يصبرك علي مشكلتك.. و تتحل علي خير ان شاء الله

**Hossam.Hamdy** · 19-10-2008 11:12 PM

انا عارف المهندس محمد رمضا فاهم كويس جدا ..الراجل كان فى مرسيدس اسكمدريه..
عللى فكره انا كنت فى ابو رواش مش قليوب

**AHMEDCAR** · 19-10-2008 11:30 PM

ربنا يصبرك يا حسام ان شاء الله اكون معاك المره الجايه و نرتب مع بعض و اكيد انت شوفت انا كنت عامل ازاى لما شوفتك معلش ان شاء الله هاكون معاك المره الجايه و استنى بس لما نروح و ساعتها هاتقول احمد كار عمل حاجه ولا لا و لو ماعملتش اطلع على صفحات المنتدى و بهدلنى بجد انا مش هاسكت ليهم