صواريخ الاطفال + كبريت

ساكنه جديده بالدور الارضى بسترزق - ربنا يوسعها على الجميع بالحلال -
بتبيع من خلال البلكونه شيبسى وبسكوت وووو كانها كشك صغير
مش مشكله
المشكله
انها بتبيع صواريخ للاطفال والعاب ناريه وطبعا لازم الكبريت لزوم الاشعال
برضه مش مشكله
المشكله
هى اشعال الصواريخ بالكبريت ولو مفيش صواريخ بيولعوا ورق
والشارع ملئ بالسيارات بالاضافه للشقق
وتوجد امكانيه لنشؤ حريق
ربنا يحفظنا جميعا

الاطفال مش بيستجيبوا لاى نوع من النصح او حتى الزعيق
البائعه - بتثبت اللى يكلمها بكلام من نوعيه حاضر ولما تخلص البضاعه مش هجيب غيرها وو

الحل ايه
ويفضل الحل بدون اذيه او قطع رزق

مفيهاش اذية ولا حاجة لانك مش بتقطع عيشها انت بتحمي نفسك وجيرانك من خطر كبير , الافضل بعض الحكماء
يكلموها بالذوق , مفيش استجابة يبقى تبلغ عنها الشرطة

اقتباس:

---

المشاركة الأصلية كتبت بواسطة medo_31

مفيهاش اذية ولا حاجة لانك مش بتقطع عيشها انت بتحمي نفسك وجيرانك من خطر كبير , الافضل بعض الحكماء
يكلموها بالذوق , مفيش استجابة يبقى تبلغ عنها الشرطة

---

حصل كلموها بالذوق
و كمان هى بنفسها بتسمع زعيق الناس ونرفزتهم على اولاد الشارع بسبب الصواريخ والنار اللى بيولعوها

بس تفكتر الشرطة هتهم
؟؟

يا اخي انا معرفش مين اليهوووووودي. ابن اليهودي الي دخل الحجات دي البلد
يعني خلالالالاص يعني. من كتر الفلووووووووس ومن كتر ما مصر متنغ نغه بالعز والثروات رايحين نشتري بومب وصواريخ من بره !!! شعب غرررريب. وسفيه نااااااس عماله تشحت وتاكول من الزبالة. والعيال بياخدوا الفلوس يولعوا فيها بومب وشماريخ ... يعني بفلوووس الشماريخ والبمومب شوف كام اسرة ممكن تاكول ... شوف كام ميزان فيه عجز من الميزانية العمومية ممكن نقفل العجز ده ونلموو .

وكلو كوم والافراح كوم. تاني الغباوة بتاعت الشعب المصري بتظهر ... عارف. كتلت حمورية ممكن تشوفها قدامك بقو ينقطو العريس بطلق حي رشاش كاليشنكوف ... واذا ممعهمش سلاح يبقى شماريخ وصواريخ وبمب ويخلي السما تنور. تقلش الامير شهريار اتجوز زموردة .

بجد حاجة تفقع المرارة ... طول ما انتا قاعد في بيتك على صوت بومب وصوت ضرب رصاص وصوت شماريخ وقنابل ... ده حتى الموتسيكلات الصيني. بيعملوا صوت مدفع بالشكمان علشان يرعبوا الناس ... ده ايه الرعب الي الواحد عايش فيه ده بيكون الواحد نايم في امان الله ويصحى على صوت انفجر ... وبعدين نستغرب من امراض الضغط والسكر الي بتيجي للناس والجلطات .

المفروض الشرطة اول ما يجلها بلاغ بضرب نار او ضرب بومب على طول تيجي وتحقق في الموضوع. ويقبضوا على الي بيبيع الحجات دي. ويكتبوا اهل الواد تعهد ان ميعلبش بمتفجرات تاني !!!

بوكوكو بلغ ربنا يكرمك ده مش قطع رزق خلونا ننضف بقى
هي كفايه انها قالبه البلكونه كشك ده لوحده مخالفه حلوه
وفي مجموعة بلاغات بتتعمل بس للأسف مش عارفها

اقتباس:

---

المشاركة الأصلية كتبت بواسطة mr.a

بوكوكو بلغ ربنا يكرمك ده مش قطع رزق خلونا ننضف بقى
هي كفايه انها قالبه البلكونه كشك ده لوحده مخالفه حلوه
وفي مجموعة بلاغات بتتعمل بس للأسف مش عارفها

---

بلاغات للشرطة !!!
معنديش ثقه انهم هيهتموا

ايه نوع البلاغات التانيه
؟

من شويه سواق تاكسي بيتخانق مع الاطفال
وبيقول لهم ممكن تعملوا حريقه ولو النار مسكت فى عربيه هتولع الشارع كله

وبيبص ليا كانى والد طفل منهم

قلت له ..دول ولاد قللات ادب واهلهم سايبينهم فى الشارع زى الفراخ -
- وهما سامعينى -
بس لا حياة لمن تنادى

ولع صاروخ وارميه عندها فالبلكونة ولما تتفزع وتطلع تصرخ قولها هو ده اللي بيحصلنا بسببك ياحاجة. يرضيكي تعملي فينا كدة كل شوية انتي اللي هتزعلي مننا لما تلاقينا مبلغين عنك الشرطة.

وكلمها كفاية الحاجات التانية اللي بتبعيها وقالبة الشقة دكان وساكتين عشان تكسبي بالحلال وبناقصها الصواريخ والبومب خلاص رمضان والعيد خلصو.

اكون سلبي واقولك كلها يومين والعيال تنسي موضوع الصواريخ دا ونستني للعيد القادم حل سلبي جدا بصراحه

بس الشرطه لو رحت عملت بلاغ علشان الصواريخ دي مش بعيد يحبسوك انت لان الصواريخ حاليا بتتباع عيني عينك

فرأي
هات امين شرطة فقط بشكل ودي يخوفها فقط
بدون قطع رزقها وتشوف يمكن تقلق لما تحس ان الموضوع بجد

حد ملاحظ ان صواريخ رمضان والعيد السنه دى هم الاشد صوت وانفجار ...طبعا لفظ صواريخ ده للتعريف بس ...دلوقتى مبقتش صواريخ

صواريخ السنة دى مضروبة وبتفرقع فى ايد العيال، اثنين من معارفى ولادهم الصاروخ فرقع فى ايديهم واحد واخد بتر 3 صوابع والتانى بتر صوباع وبيحاولوا ينقذوا الباقى. وربنا يحفظنا جميعاً.

والسلام ختام

اقتباس:

---

المشاركة الأصلية كتبت بواسطة ahmed_rahem

صواريخ السنة دى مضروبة وبتفرقع فى ايد العيال، اثنين من معارفى ولادهم الصاروخ فرقع فى ايديهم واحد واخد بتر 3 صوابع والتانى بتر صوباع وبيحاولوا ينقذوا الباقى. وربنا يحفظنا جميعاً.

والسلام ختام

---

ربنا يحفظنا جميعا
و يشفيهم

الصواريخ المتداولة غالبا رخيصة الثمن
لاننا نسكن فى عمارات تابعه لمجلس المدينه
والمستوى المادى مش عالى

الخوف من اللعب بالكبريت ولانهم بيولعوا ورق وكراتين فى الشارع
وده بالكبريت اللى بيشتروه من البائعه

اهم حاجة يا ابو كوكو يا عزيزي. اوووووعه تغطي العربية ... معليش بقه. امرك لله. انا عارف ان لو جت بومبه على العربية هتعلم على الصاج ... بس معلش تعلم. احسن ما تيجي. بومبة ولا حاجة على غطى العربية وزي ما انتا عارف القماش سريع الاشتعال ... اقسملك بالله الواحد بقه يخاف يطلع يوقف في البلكونة حتى يشم هوى لايكون واد غشيم. وغبي يقوم ضارب صاروخ. يجي في عنين حد واقف في البلكونه ولا الصروخ يشبط في الغسيل. فيولعوو. ... يا جماعه واللهي الكلام ده خطر خطرررر هل المسؤوليين محتاجين تحصل كارثة علشان يبتدوا يتحركوا ويكافحوا الصواريخ والشماريخ .

حصل
صاروخ دخل بلكونه اول علوى
بس كان اصحاب الشقه موجودين
وطلع الراجل يزعق وانه كان ممكن تحصل حريقه
وكالعاده
الاولاد مشيوا شويه وبعدها رجعوا تانى

نفسي الشتاء + المدارس يجيوا بسرعه
علشان العيال دى تتلم فى بيوتها

حضرتك تشوف امين شرطه من القسم التابع ليك وتديله 100 جنيه وتفهمه انك طالب انك تمنع الصواريخ من عندها بس من غير قطع عيش ولا تصعيد للموضوع وتاخده بعربيتك توريله مكانها وتسيبه هو يتعايش معاها حيخلصلك الموضوع وخللى رقمه معاك في حال تكرر الموضوع حينفعك في ظبط المحضر وتحبيشه .
وربنا معاك.