مين مهمل زى كده

**Magoda** · 03-08-2014 09:03 AM

اهتم بالعربية عشان هيا تهتم بيك زى مهيا بتديك راحة وتكيف وأداء اديها انت صيانه وخلى ايدك فيها ساعة الجد هتعرف قيمة انك لازم تاخد بالك منها
اتقطع منى سلك الدبرياج مرة على كوبرى اكتوبر الساعه 2 الضهر
اتكسر مرة منى ديسك الدبرياج على الدائرى
وكله بسبب ان الواحد بيكسل يوديها للميكانيكى

**hardmind_doc** · 03-08-2014 09:18 AM

الاعتدال حلو فى كل حاجة وماتتوقعش انك تهملها ومش هتيجى فى يوم تقرفك
انا بالنسبالى الصيانة والاساسيات اهم من الشكل والغسيل والكلام ده
يعنى اروح للميكانيكى والعفشجى اهم من الكار كير
وربنا يوفق الجميع للخير

**minicooper20** · 03-08-2014 02:50 PM

المشاركة الأصلية كتبت بواسطة monamize4

انا مقتنع ان العربية المفروض هى تريحنى مش انا اللى اريحها

الصراحة انا بنتقد الناس اللى بتعامل عربياتها باهتمام زيادة
زى اللى بيخلى البواب ينضفها كل يوم و اللى يوديها الكار كير كل اسبوع
و اللى ييشترى كل منتجات ارمورال و اللى بيغير قطع الغيار قبل معادها
و اللى بيرشها كل ماتتخدش و حاجات غريبة كتير

اهو هو ده صاحيبى بقا يا راجل ده بيجيب بيبسى و يقعد يلمع فى الكوتش عارف بعد ميعمل كده بروح انا مبوزلو الكوتش برجلى و احط عليه تراب ههههه

المشاركة الأصلية كتبت بواسطة j a g u a r

انا اعرف واحد بيهتم بعربيته بطريقه غريبه الشكل
لدرجه لو اديتله عربيه زيرو وجيت تشوفها بعد عشر سنين هاتلاقيها معاه احسن من لما كانت زيرو

ده عالم فاضيه يا باشا

المشاركة الأصلية كتبت بواسطة hitmangate

بص هقولك على حاجه حاول تهتم بيها زي مابتهتم ببيتك ولبسك يعني في البيت اكيد مابتستحملش منظر حاجه شكلها مش حلو أو مش مظبوطه اعمل كده مع عربيتك وحاول كل أسبوع تغسلها غسله حلوه من بره وجوه في محطه بنزين أو مغسلة واهتم على طول بالعطور في العربيه وحاجه أخيره عربيتك زي هدومك ماتتسلفش لحد يعني صاحبي عاوزها في مشوار لو صاحبي اوى اروح معاه واوصله وانا أبقى مسئول عن عربيتي ويارب مكونش طولت عليك

يا باشا انا دى مشكلتى انى مش عارف اهتم بيها
عمرى مركزت معاها اصلن طول عمرى بدور و امشى
لاكن بواب هو البيمسحها و ينضفها
سعات اديها للناس فى الورشه فى الشركه يشفوها نقصها ايه
لاكن انى حتى اهتم الزيت فاضلو قد ايه و لا اى حاجه
لدرجه انى بدور على زيت يكون ٢٠ الف كيلو شان مركزش معاه

المشاركة الأصلية كتبت بواسطة rompo10

انا مهمل بس مش للدرجه دي لازم كل فتره تتغسل ولو محتاجه حاجه تتعمل فيها وبالنسبه للسف ولدي قالي كلمه عربيتك زي مراتك ههههههههههههههههههه

ههههههههه
ناس كتير اختلفو معيا بش انا معنديش اى مانع انى اسلف عربيتى لحد عزيز عليا
زى ممكن اسلف الشاليه بتاعى او حتى فلوس
لاكن ربطها بمراتى دى تشبيه فاشل بصراحه
العربيه دى حاجه مستهلكه يعنى زيها زى التى فى و الغساله ده بالنسبالى

**minicooper20** · 03-08-2014 02:58 PM

المشاركة الأصلية كتبت بواسطة Mido Casper

هي عربيتك نوعها ايه :d

Bmw
بس صدقنى حتى لو راكب فيرارى انا اصلن مهمل و عايز اتعالج

المشاركة الأصلية كتبت بواسطة ashrafwolf

فكرتني بواحد جارنا اشتري سكودا رابيد
و كل يوم نازل دعك و شامبوهات
و ماكنش راضي يطلع بيها
كان بيحب يدعك و يقعد علي القهوه يتفرج عليها
المهم
اتخبطت و هي واقفه

هههههههههه ليا واحد صاحبى كان شارى ٥٢٠ لسه زيرو فضل اسبوع راكنها خايف عليها
اخوه و هو بيركن ريح عليها كسرلو الفنوسين اصلو اصلو معاه رنجلر هههههههه
يا باشا دى ارزاقً

المشاركة الأصلية كتبت بواسطة egyptiandiver

من الآخر كدة حضرتك لازم تقتنع من جواك... تقتنع إن الدنيا أخد و عطا. هتاخد من العربية؟ يبقى لازم بردو تديها وقت و جهد و قطع غيار أصلي و مش أساسي توكيل على فكرة... ممكن مكانيكي معلم يبصلك عليها كل 10,000 كم يسقط الزيت و الفلتر و ينفض فلتر الهوى و يغير بجيهات، كدة و هي مش كميا هات السرفس منوال بتاع عربيتك و شيق إن المكانيكي راجع على كل النقاط... كدة تضمن بنسبة كبيرة إن العربية متعملش معاك دقة نقص و إنت على طريق سريع، و حضرتك عرف ظروف البلد و ونش و ليلى ربنا أعلم بيها.

و الله پقول لنفسو مكده
يا باشا اقولك حاجه مش هتصدقها
انا نره بدور عربيتى مدرتش
و لعلمك انا بفهم فى الهربيات جدا و قارى فيها كتير بس ده كان رمان
التصرف الطبيعى بقا انى افتح الكابوت اشوف مبدورش ليه
لا انا روحت ساب المفتاح فيها و ركبت تاكسى و كلمت اخويا قلتلو ابق روح شوف عربيتى ملها و لو مصلحتهاش سبلى عربيتك و اصرف انتا
شوف بقا ان مفيش فايده فيا

المشاركة الأصلية كتبت بواسطة kar!m

دي اختلافات فردية .. انت زي أخويا بالضبط .. و أنا العكس تماما.
هو أخويا في خلال 5 سنين غسل عربيتة 5 مرات بدون مبالغة و 3 منهم أنا اللي أخدتها غسلتها .. لدرجة أحيانا لما الاقي أخويا خارج بعربيتة و الكاوتش بتاعه شكله متوسخ أقوله استنى شوية و أدخل الجراج أجيب سفنجه و ميه و بيريل و أخد له الأربع فرد .. و أحس ان أنا مبسوط كده ان العربية بأه شكلها نضيف كده و الكاوتش اسود :d
زي ما قلت لك دي اختلافات من شخص لاخر .. مش معنى كده انك مهمل .. بس انت شكل العربية ميشدكش عكش ناس تانية.

هههههههه يشرفنى انى اكون زى اخوك
بس انا عربيتى بتتغسل ديما بش مش انا البطلب ههههههه
لو قاعد لوحدى يبقا هتفضل لحد متتباع متتغسلش

**عبدالله برعى** · 03-08-2014 05:59 PM

ممكن نوع العربية الاصيلة دى!!

**ahmedelrayan** · 03-08-2014 06:20 PM

يا باشا ان استحالة امشى بالعربية والعجل وسخ مش العربية مش نظيفة ودى استحالة لا العجل بس وسخ ولما اروح للمكانيكى عشان يبص مثلا على حاجة اقوله شيك على العربية كلها لو فى حاجة شغالة بنسبة 90% ارميها وانا اجبلك غيرها وده السبب انى لما احب ابيع عربيتى الاقى ناس كتير عايزة تشتريها واللى بيشتريها الاقيه بعد فترة بيكلمنى ويقولى الله يباركلك حاول تهتم بيها عشان لو زعلتك مرة على الطريق هتعرف اد ايه انت كنت غلطان

**ahmedfor3** · 03-08-2014 08:30 PM

والله يا جماعه انا اعرف واحد جارى معاه 128 موديل 86 والله العظيم فبريكه بره وجوه ولو ركبتها هتحس انها لسه طالعه من المصنع

**Land_Cruiser** · 03-08-2014 09:11 PM

أولويات و اهتمامات كل واحد فينا مختلفه عن التاني، يعني في واحد مثلا ممكن يركن العربيه بعيد جداً علشان ما يركنهاش غلط او تبقي مركونه في مكان معرضه فيه للخبط او الخربشه مثلا و في واحد تاني المهم يركن في اقرب مكان بس او مش مشكله لو العربيه اتخربشت و لا اتخبطت المهم في الاخر انها ماشيه و اهتماماته ممكن تكون لحاجه تانيه ممكن يكون بسخاف عليها أكتر . كل واحد من النوعين بيشوف التاني كائن فضائي بالنسبه له و في نفس الوقت كل واحد حر في اختياراته يعني مفيش حد صح و حد خطأ

**kokowasfy** · 03-08-2014 09:16 PM

حبيبى اانا زيك و اكتر انا كنت زمان لما اشتريت العربيبة زيرو كنت كل 5 الف كيلو صيانة و بتاع و مصريف و غسيل لحد ما وصلت 50 الف و بطلت الكلام دا خالص بقيت بغير الحاجة لما تبوظ بس و عامل دلوقتى فوق 300 الف و العربية الحمد اللة عمرها مخزلتنى ابدااااا و على فكرة انا كل الطرق الى بمشى فيها سفر لكن بردو بكسل و بنفض وللجو بتاع اغسل كل يوم و صيانة مش عارف كل ساعتين و الجو الفكسان دا و جع دماغ العربية مدام بتروح المشوار و ترجع اشطا شغال