-
مين مهمل زى كده
الموضوع بختصار
انا مهمل جدا فى عربيتى
لا بهتم بمواعيد صيانه و لا بهتم حتى ان لما اركن تكون مكان كويس
اهم حاجه عندى انى ادور و امشى و اشغل التكايف و الكاست
البواب هو بقا اليمسحها و ينضفها و لو احتاجت يوديها المغسله
و اى حد بعتمد عليه يعملها صيانه و يجبها اما مستحيل اقف فى مغسله او اقف فى توكيل او مركز صيانه
او حتى اقف احط بنزين لو المحطه زحمه
بقالى سنتين على الحال ده و يمكن تلات سنين و نفس الوضع فى عربيتى شخصيه او عربيت الشركه
بقول يمكن لان شغلى متير فا مبهتمش بالتفاصيل دى
انا الخلانى خدت بالى من الموضوع
ان ليا واحد صاحبى كل ميرجن يغطى عربيتو و اجى من صلات الجمعه القيه بيغسلها بايدو طبعا دى حاجه عمرى معملتها فى تاريخى
حاجه كمان انا بسلف عربيتى عادى بس مش لكل الناس صاحبى ده بقى اخوه مبيركبش عربيتو
حاجه كمان لو حكيتها و لا حد ريح عليا مستحيل ابص عليها اصلن و لما شكلها ميعجبنيش ببعتها تتعمل سمكره و تترش و تيجى
و لا بيفرق معيا بقا اصلها فبريكه و اصلها نش عارف ايه
عندى لا مبلاه مع العربيه
معنها من اهم احتيجاتى تفتكرو ممكن اخف :(
و ابقى زى الناس البشوفها بتنفض الجزمه قبل متركب دى
على فكره انا مبشربش فى العربيه سجاير و لو هموت علشان مبحبش رحتها تبقا سجاير
مش بقولكو انا سايكو
ايه الحل بقا
-
بص هقولك على حاجه حاول تهتم بيها زي مابتهتم ببيتك ولبسك يعني في البيت اكيد مابتستحملش منظر حاجه شكلها مش حلو أو مش مظبوطه اعمل كده مع عربيتك وحاول كل أسبوع تغسلها غسله حلوه من بره وجوه في محطه بنزين أو مغسلة واهتم على طول بالعطور في العربيه وحاجه أخيره عربيتك زي هدومك ماتتسلفش لحد يعني صاحبي عاوزها في مشوار لو صاحبي اوى اروح معاه واوصله وانا أبقى مسئول عن عربيتي ويارب مكونش طولت عليك
-
انا مهمل بس مش للدرجه دي لازم كل فتره تتغسل ولو محتاجه حاجه تتعمل فيها وبالنسبه للسف ولدي قالي كلمه عربيتك زي مراتك ههههههههههههههههههه
-
انا مقتنع ان العربية المفروض هى تريحنى مش انا اللى اريحها
الصراحة انا بنتقد الناس اللى بتعامل عربياتها باهتمام زيادة
زى اللى بيخلى البواب ينضفها كل يوم و اللى يوديها الكار كير كل اسبوع
و اللى ييشترى كل منتجات ارمورال و اللى بيغير قطع الغيار قبل معادها
و اللى بيرشها كل ماتتخدش و حاجات غريبة كتير
-
انا اعرف واحد بيهتم بعربيته بطريقه غريبه الشكل
لدرجه لو اديتله عربيه زيرو وجيت تشوفها بعد عشر سنين هاتلاقيها معاه احسن من لما كانت زيرو
-
-
اعتقد انها نسبيه علي حسب نوع العربيه
-
فكرتني بواحد جارنا اشتري سكودا رابيد
و كل يوم نازل دعك و شامبوهات
و ماكنش راضي يطلع بيها
كان بيحب يدعك و يقعد علي القهوه يتفرج عليها
المهم
اتخبطت و هي واقفه
-
دي اختلافات فردية .. انت زي أخويا بالضبط .. و أنا العكس تماما.
هو أخويا في خلال 5 سنين غسل عربيتة 5 مرات بدون مبالغة و 3 منهم أنا اللي أخدتها غسلتها .. لدرجة أحيانا لما الاقي أخويا خارج بعربيتة و الكاوتش بتاعه شكله متوسخ أقوله استنى شوية و أدخل الجراج أجيب سفنجه و ميه و بيريل و أخد له الأربع فرد .. و أحس ان أنا مبسوط كده ان العربية بأه شكلها نضيف كده و الكاوتش اسود :d
زي ما قلت لك دي اختلافات من شخص لاخر .. مش معنى كده انك مهمل .. بس انت شكل العربية ميشدكش عكش ناس تانية.
-
من الآخر كدة حضرتك لازم تقتنع من جواك... تقتنع إن الدنيا أخد و عطا. هتاخد من العربية؟ يبقى لازم بردو تديها وقت و جهد و قطع غيار أصلي و مش أساسي توكيل على فكرة... ممكن مكانيكي معلم يبصلك عليها كل 10,000 كم يسقط الزيت و الفلتر و ينفض فلتر الهوى و يغير بجيهات، كدة و هي مش كميا هات السرفس منوال بتاع عربيتك و شيق إن المكانيكي راجع على كل النقاط... كدة تضمن بنسبة كبيرة إن العربية متعملش معاك دقة نقص و إنت على طريق سريع، و حضرتك عرف ظروف البلد و ونش و ليلى ربنا أعلم بيها.
Content Relevant URLs by
vBSEO 3.6.0 PL2