الطريق مش مكسر....يا ريت....الطريق مفيش..... يعني صخر و زلط كبير و حفر

الطريق الدولي و طرق تانية عندنا في الإسكندرية لما بيشتغلوا فيها مش بيعملوا بديل أو يسيبوا حارة للبني أدمين؟!!.لا بيشيلوا الطريق بالدمار الشامل و سيب العربيات بتاعت الناس ولاد ال 60×70 دول تتدغدغ ولا هيهمنا إنهم بني أدمين
المهم قدر و مكتوب......
في اﻷجزاء دي من الطرق أيهم أفضل تمشي ببطء و لا تزود سرعة جامد؟؟؟
العربية علی البطيء بتحس بكل زلطة في الدركسيون و تفكيك لمعاميع العربية من تابلوه و كراسي و صاج
لو سرعة عالية بتحس العربية أخف وبتدب في الطريق بس يعني الهزة يمكن أقل؟ مش عارف

إيه رأي حضراتكم و يا ريت عن خبرة و علم في علوم ديناميكية العفشة

من وجهه نظرى شايف المشى ببطء افضل وانا عن نفسى بعمل كده والله اعلم صح ولا غلط

انا بكون ماشى براحه

انا احترت برضه بس بمشى براحه وامرى لله لو السرعه حتافظ على العفشه بس حتتلف الكاوتش وممكن حجات تانيه

فعلا موضوع محير وانا شخصيا بمشى براحه بس محتاجين رد علمى هل المشى براحه افضل او بسرعه وفى انتظار الرد

يارييييت لو حد عارف يفيدنا

للاسف انا كل اسبوع بمشي على الدولى وبقالى فى المعاناه دى اكتر من 6شهور وشكله مش هايخلص

Sent from my samsung GT-I9152 using Forum Runner

انا بمشى براحة وبحس نفس الاحساس ده المعاميع بتدغدغ
بس بلاقى عربيات بتاخدها جرى متهيألى بتفرق على حسب العفشة بتاعه العربيه

لو هتمشي اقل من 40 كم / ساعة حاول تقلل السرعة ولو هتمشي اعلي من 40 كم / ساعة حاول تزود السرعة
طبعاً كلامي اعتقد واضح ولا اوضح اكتر

بمشى براحه

اقتباس:

---

المشاركة الأصلية كتبت بواسطة tarek_2005

لو هتمشي اقل من 40 كم / ساعة حاول تقلل السرعة ولو هتمشي اعلي من 40 كم / ساعة حاول تزود السرعة
طبعاً كلامي اعتقد واضح ولا اوضح اكتر

---

كلامك واضح يا باشا بس محتاجين توضيح ايه الفائده من المشى اعلى من سرعه 40

كان في حلقة في برنامج اسمه Mythbusters بتتكلم عن الموضوع ده

البرنامج ده بيناقش القضايا بشكل علمي و بالورقة و القلم

ملخص الحلقة انك لو ماشي على طريق مكسر الأفضل انك تمشي بسرعة

الحالة الوحيدة اللي تمشي فيها بالراحة لو في مطبات عالية او حفر عميقة في الارض

طبعا التجارب اللي اتعملت في الحلقة كانت على اساس راحة الركاب داخل السيارة .. مالهاش علاقة بالتأثير على السيارة نفسها ميكانيكيا

بطئ هيأثر عالعفشة بشكل ملحوظ ... جلب مقصات بتتحرك حركات صعبة جدا أجزاء العفشة عامة هتتعب
سريع هتبهدل الكاوتش بس راحة أكتر للركاب
شوف انهي أرخص عندك ... عفشة ولا كاوتش

أنا والله في المواقف اللي زي دي أو في السكك اللي زي دي ببقى نفسي أنزل أزق العربية وأمشي جنب العربية..عشان يبقى وزنها خفيف والعفشة متتأثرش ...

اقتباس:

---

المشاركة الأصلية كتبت بواسطة tarek_2005

لو هتمشي اقل من 40 كم / ساعة حاول تقلل السرعة ولو هتمشي اعلي من 40 كم / ساعة حاول تزود السرعة
طبعاً كلامي اعتقد واضح ولا اوضح اكتر

---

كنت عايز اعرف ايه الفكرة في كدا ؟

اعتقد مشي ببطئ