ايهما أفضل البريدجيستون اليابانى ولا الكونتيننتال الفرنساوى

أنا سألت النهارده على البريدجيستون اليابانى فى فيت أند فيكس fit & fix مقاس 195 /65 /15
والسعر 735 جنيه للفرده شامل الفك والتركيب والترصيص والنيتروجين

وسألت عند اسحق حكيم بشارع أحمد عرابى ومعندوش البريدجيستون وعنده الكونتيننتال الفرنساوى ب 575 جنيه والميشلان الايطالى 595 جنيه

وفى محل تانى الجوديير المانى ب 520 جنيه والكونتيننتال الفرنساوى ب 500 جنيه

فشايف ان كسعر الكونتيننتال كويس وأسم ايضا لكن مش ألمانى والموجود فرنساوى وفى ناس خوفونى منه و قالولى ان جنب الكاوتش ضعيف و بيعمل بلونه لما تحك فى الرصيف و انت بتركن

والبريدجيستون اليابانى غالى

أرجو الافاده من أصحاب الخبره أكرمكم الله

متابع

متابع

الجوديير حلو
الميشلان حلو بس طرى شوية بزيادة فبيتخرم بسهولة عن الباقى
شوفو اليوكوهاما برده
الكونتى بيتقال عليه موضوع البلالين كتير

بفكر زي حضرتك
بس ناوي علي البريدجيستون غالي
بس كويس

الكونتيننتال ممتاز طول عمري بجربة في الاوكتافيا من ٢٠٠٣
وعملة ما عمل حكاية البلالين دي

متابع

دور على يوكوهاما ياباني .. دانلوب الماني او كومهو كوري ku31 ecsta

بريدجستون ممتاز طبعا بس غالي

كونتننتال الفرنسي كويس على قد سعره بس ماينفعش لشوارعنا الجميله .. الكونتننتال اصلا غالي بس هما منزلين نقشه متواضعه عشان سعره يبقى معقول .. هو معايا دلوقتي بس لما اغير ان شاء الله هشوف نوع تاني

اقتباس:

---

المشاركة الأصلية كتبت بواسطة keleshspot

أنا سألت النهارده على البريدجيستون اليابانى فى فيت أند فيكس fit & fix مقاس 195 /65 /15
والسعر 735 جنيه للفرده شامل الفك والتركيب والترصيص والنيتروجين

وسألت عند اسحق حكيم بشارع أحمد عرابى ومعندوش البريدجيستون وعنده الكونتيننتال الفرنساوى ب 575 جنيه والميشلان الايطالى 595 جنيه

وفى محل تانى الجوديير المانى ب 520 جنيه والكونتيننتال الفرنساوى ب 500 جنيه

فشايف ان كسعر الكونتيننتال كويس وأسم ايضا لكن مش ألمانى والموجود فرنساوى وفى ناس خوفونى منه و قالولى ان جنب الكاوتش ضعيف و بيعمل بلونه لما تحك فى الرصيف و انت بتركن

والبريدجيستون اليابانى غالى

أرجو الافاده من أصحاب الخبره أكرمكم الله

---

حضرتك متاكد من السعر ..انا شاريه من فيت أند فيكس fit & fix فرع 6 اكتوبر نفس المقاس ب 835 ج للفردة..اشتريت 4 فرد ب 3340 ج من حوالي اربع او خمس شهور تقريبا

يا باشا اللى حتوفره فى تمن الفردة ممكن تصرفه لحامات و تصليح و عمر أقل .. عن تجربة البريدجستون اليابانى تمنه فيه و حيريح دماغك ..
انا مقتنع بأن البريدجستون على القمة لأنى لسه منزل أربع فرد راكبين من 2007 و عاملين 65 ألف كيلو و كان ممكن يكملوا كمان بس كانت حتبقى مخاطرة . غيرت لأربعة بريدجستون gr90 يابانى و حاسس بفرق رهيب من ثبات و امان و تحكم و هدوء ..
ده رأى شخصى و ممكن أخ فاضل يكون حس باللى انا بقوله بس مع نوع كاوتش تانى .. الخلاصة انى مقتنع ببريدجستون اليابانى و برشحه لأى حد يسألنى ..