ايهما أفضل البريدجيستون اليابانى ولا الكونتيننتال الفرنساوى
أنا سألت النهارده على البريدجيستون اليابانى فى فيت أند فيكس fit & fix مقاس 195 /65 /15
والسعر 735 جنيه للفرده شامل الفك والتركيب والترصيص والنيتروجين
وسألت عند اسحق حكيم بشارع أحمد عرابى ومعندوش البريدجيستون وعنده الكونتيننتال الفرنساوى ب 575 جنيه والميشلان الايطالى 595 جنيه
وفى محل تانى الجوديير المانى ب 520 جنيه والكونتيننتال الفرنساوى ب 500 جنيه
فشايف ان كسعر الكونتيننتال كويس وأسم ايضا لكن مش ألمانى والموجود فرنساوى وفى ناس خوفونى منه و قالولى ان جنب الكاوتش ضعيف و بيعمل بلونه لما تحك فى الرصيف و انت بتركن
والبريدجيستون اليابانى غالى
أرجو الافاده من أصحاب الخبره أكرمكم الله