عرض للطباعة
انا الحمد لله اشتريت فيات 131 الماني موديل 1981 1400 سي سي وكنت حابب اغير اي حاجه ممكن تخلي اداء العربيه افضل على اساس ان تاريخ صنع العربية من حوالي 34 سنه واكيد في حاجات كتيرة ممكن تتعدل او تتغير ليكون الاداء اكثر راحه وافضل في الاداء
العربيه على ابوها ... بحجات بلادها
فهل في اي تعديل يمكن القيام به حتى يكون الاداء افضل من حيث الكهربه او الميكانيكا او العفشة او الفرامل او الكارونه ...؟؟؟
وجزاكم الله خيراا
مبروك العربية على حضرتك. لزم حضرتك تشيك على جسم السيارة... أنا كان معايا المصري 1600 - 1982 و كنت عربية إجمالاً كويسة، أهم حاجة في الفيات القديم تراجع على الصدأ في كل مكان في العربية، و تخلي 1 متخصص و أمين يذبتلك كل الصدأ إلي فيها عشان أكيد هتلاقي للاسف، أهم حاجة البرومة متسرحش و تزبتهة أول بأول.بعد كدة لازم بردو تراجع على كل الاجزاء الميكانيكا و الكهرباء و كلو العربية ممكن حالتها إجمالاً كويسة بس الزمن أكيد عليه عمل، و إنت ماتعرفش إلي قبلك كان بيوالي العربية و لا لأ؟ عادي بعد كدة هتغير كل الزيوت- موتور + فتيس + كورونا، تسقط كل السيور القديمة و تركب جديد طبعاً فلاتر زيت و بنزين و هوى و أبلتين و كوندنسر و بجيهات، هتسكت ميت الراديتير و تراجع على طرمبة المياه و تحط مية خضرة أو زرقا عشان الصادق و برد تراجع على الراديتير يمكن تعباًن. و تدي العربية دش معتبر و ممكن تعملها تشميع. هتراجع عل كوتشات و ضغط الهوى فيها.بعد كدة العربية هتفوق، إنت لو موظف اعمل حسابك كل شهر مع قبضك تزبط حاجة في العربية، كدة لو افترضنا حتى إن العربية تعبانة يبقى إنت كدة كأنك بتعيد بنائها... معلش قصة طويلة و مرهقة و برد مكلفة وقت و جهد و فلوس و اعمل حسابك ممكن تقعد كدة سنة و لا حاجة... و بعد كام شهر هيكون معاك اوتومبيل واقف على حيلو. بعد كدة بقى تجيبلك كاست ماركة حلوة و طقم 4 سماعات ماركة حلوة و اريال كهرباء و تعيش اللحظة يا مدير! أحسن ما العربية تقف بيك على طريق سريع و إنت عرف ظروف البلد... ربنا يستر.
شكرا على الرد الجميل ده والشرح المفصل وجزاكم الله خيرا