الموضوع: اعمل ايه مع البنك الاهلى المصرى

ربنا يسهل الامور بامره.المبلغ مش كبير والحمد لله ولكن اللى يجنن انهم مش عارفين هو ليه وبتاع ايه وكل واحد بيرد بكلام مختلف كل ما اتصل بيهم.

قلة الخبرة واللامبالاة والغباء احياناً سمة من سمات موظفين البنوك وخدمة العملاء في البنوك وفي معظم الشركات في مصر

فلا تتعب اعصابك وترهق نفسك في محاولة انك تشرح مشكلتك فهم لايسمعونك ولا يهتمون لما تطلبه فهم كالالات يرددون كلام محفوظ بلا فهم "الا من رحم ربي"

ولكن مشكلتك مشكلة متكررة وسيتم ارجاع الفلوس بعد فترة ان شاء الله فلا تشغل بالك

المشاركة الأصلية كتبت بواسطة qkash.com

قلة الخبرة واللامبالاة والغباء احياناً سمة من سمات موظفين البنوك وخدمة العملاء في البنوك وفي معظم الشركات في مصر

فلا تتعب اعصابك وترهق نفسك في محاولة انك تشرح مشكلتك فهم لايسمعونك ولا يهتمون لما تطلبه فهم كالالات يرددون كلام محفوظ بلا فهم "الا من رحم ربي"

ولكن مشكلتك مشكلة متكررة وسيتم ارجاع الفلوس بعد فترة ان شاء الله فلا تشغل بالك

للاسف بحسهم موظفين روتينين جدا فعلا وحافظين يقولوا ايه مش مستعدين يغيروا القواعد الثابتة فى الشغل.

فعلا اللى حارق دمى ان الموظف بيسالنى كعميل عنده مشكلة طب هو ليه زميلى معملش كدة..هههههه.ومرة موظف تحسه متاخر على ميعاد وانا اتصلت فى الوقت غير مناسب ومرة تحس موظف عاوز يتنرفز ومش عارف.

المشاركة الأصلية كتبت بواسطة mrbebo

هي خدمة الاهلي نت والخدمة الصوتية ببلاش ولا ليها رسوم

الخدمتين مجانا وبتروح تقدم طلب فى فرع حسابك.

المشاركة الأصلية كتبت بواسطة svneleven

بما ان حضرتك عميل للبنك الأهلي. هل خدمة الانترنت ممكن تسدد منها الفيزا و تحول لحسابات تانية والا لازم تروح الفرع؟

لازم تروح للفرع .خدمة الانترنت ما هى الا تسهيل لمعرفة حساباتك ودائن ومدين.

المشاركة الأصلية كتبت بواسطة aboomar22

نفس المشكلة بالظبط حصلت معايا بس فى بنك المصرف المتحد ونفس الكلام ٤٥ يوم والفلوس ترجع فى الرصيد اتصلت بالمركز الرئيسى وقلت لهم عايز قسم البطاقات وكلمت موظفة هناك قالتلى ادينى رقم الكارت ورقم موبايلك بعد ربع ساعة كلمتنى وقالتلى الرصيد رجعلك فى على الكارت - جرب كلم مركز البطاقات بالمركز الرئيسى

الف شكر على المساعدة.

اجرب اكلم قسم البطاقات وربنا يسهل الامور.

مبدئيا احب اعرف حضراتكم ان موضوع ال 45 يوم دي procedure عادية جدا في اي بنك في العالم و دة عشان البنك يتاكد ان فعلا المبلغ الى اتخصم دة اتخصم من غير وجه حق و الا كان كل واحد راح اشتري حاجة و دفع فلوسها بالفيزا يقوم مكلم البنك و قايلة لا انا مشترتش تقوم الفلوس راجعالة بمنتهي البساطة و يولع بقي اصحاب الحقوق

و كمان الموضوع دة لوائح من شركات البطاقات الائتمان زي فيزا و ماستر كارد يعنى مش افتكاسة

ثانيا احب اشكر الاخ العضو المحترم الى اتهم موظفي البنوك بالغباء و عدم الخبرة و اللامبالاة و بشكرة على التعميم و دة بس من زوق و ادب حضرتك

اخوكم موظف بنك