اعمل ايه مع البنك الاهلى المصرى

**Ayman-Ahmed** · 03-08-2014 07:42 AM

السلام عليكم ورحمة الله وبركاته

اشتريت حاجات من سوبر ماركت يوم الوقفة وحاول يسحب من الكارد وبعدين دخلت الpin وطلع الريسيت بعملية مرفوضة وجرب مرة واتنين وتلاتة من مكن مختلف والعملية مرفوضة وحاولت بهعد كدة من مكنة atm ومنجحتش العملية ولما عملت سحب من مكنة الاهلى قاللى الرصيد متجنب وجاتلى رسالة الساعة 3 صباحا ان المبالغ اتسحبت وكلمت البنك قالولى لا مش شرط تكون اتسحبت ولكن الرسالة معناها ان فى معاملة تمت على الكارد طيب اوقفها قاللى لما تظهر الاول على السيستم بتاعة ايه وده يبان بعد العيد.

كلمتهم بعد العيد وقالولى لسة مش باين الرصيد المتجنب بتاع ايه ولكن النهاردة الاحد كلمنا وهنرد عليك ايه الموقف.؟

طيب يا جماعة والفلوس اللى حاولت اسحبها من ماكينة غير بتاعتكوا وجالىى بيها رسالة.لسة برده مش مسمعة عندهم.طب ازاى مستلم الرسالة عندى على الموبايل ومش مسمعة عندكوا.اى رد واى كلام وحاجة تخنق.

روحت الفرع قالولى 45 يوم وترجع الفلوس لو فعلا متسحبتش من الماكينة والمشكلة ان الماكينة ديه مطلعتش ريسيت لان الرسالة اللى على الماكينة وقتها عملية غير ناجحة .يرجى التجربة فى وقت لاحق.

للعلم ان اللى سمع لحد دلوقتى هو المبلغ اللى حاولت اسحبه من الماكينة وده شفته على الاهلى نت.والمبلغ المتجنب ولكن ملوش اى تفاصيل.

اعمل ايه انا بقى مع الناس دول.

**hany63** · 03-08-2014 08:01 AM

عادي بتحصل كتير و فعلا الفلوس هترجع لا تقلق اصلها حصلت معايا قبل كده

**Ayman-Ahmed** · 03-08-2014 08:29 AM

لسة قافل معاهم واخيرا قرروا يعملوا اعتراض ولكن مش عارفين المبلغ المعترض عليه بتاع ايه وارجع للفرع.طب ما انا روحت للفرع وقالولى الاهلى فون.؟

لا ارجع بس للفرع.طيب حاضر.والفلوس المسحوبة من مكنة غير مكنة الاهلى تاخد 45-60 يوم لحد ما اكلمهم واشوف الموقف ايه.

ربنا يسهل الامور ولما نشوف هتوصل لايه.

**احمد المصرى** · 03-08-2014 09:18 AM

انا شخصيا مشاكلى مع البنك الاهلى المصرى قليله جدا ومن افضل البنوك ال بتعامل معاها بس المشكله العامه هيا شبكه الربط بين البنوك علشان تقريبا انت سحبت من بنك تانى علشان كدا الموضوع بياخد وقت مع ان الطبيعى يكون فى ربط سريع بين البنوك

**#MAAM#** · 03-08-2014 03:28 PM

المشاركة الأصلية كتبت بواسطة ayman-ahmed

فعلا.مشاكلى قليلة جدا مع البنك الاهلى ويمكن تكون ديه اول مرة تقابلنى مشكلة كبيرة شوية بالنسبة لى وخصوصا لما يكون الاهلى فون والفرع مش عارفين المبلغ المجنب ده اتجنب ليه وهيرجع امتى او ازاى.وقدمت اعتراض عليهم النهاردة فى الفرع وهبقى اجرب كمان كام يوم رجعوا ولا لا.

ربنا يرجعلك فلوسك إن شاء لله وابقى طمنا

**Ayman-Ahmed** · 03-08-2014 03:31 PM

امين يارب العالمين ولما اوصل لجديد هضيفه هنا.يمكن حد يستفاد بحاجة.

**Ayman-Ahmed** · 07-08-2014 09:13 AM

لا حول ولا قوة الا بالله.

الاعتراض الاولانى محدش يعرف عنه حاجة ومش ظاهر على السيستم ومعلش يا افندم هنعمل اعتراض تانى وهتاكد بنفسى انه وصل المرة ديه.

طيب والفلوس المجنبة من الحساب ؟ بتاخد 10 ايام طيب ما انا بقالى اكتر من 10.لا كان فيهم العيد .تمام.يبقى هقعد اعد انا من بعد العيد ومن غير جمعة وسبت 10 ايام واشوف هترجعولى الفلوس امتى ولا ايه بالظبط.لا يا افندم إنشاء الله هترجع.

خدمة عملاء مش عارفة تخدم العملاء.

**عبدالحكيم** · 07-08-2014 12:46 PM

لا تقلق، حصلت معي مرات عديدة هنا في الإمارات ويتم إرجاع الفلوس. آخرها منذ أيام قليلة في كارفور.. المهم انت احتفظ بالإيصالات وإن شاء الله بسيطة

**Ayman-Ahmed** · 07-08-2014 01:37 PM

ربنا يسهل الامور واللى مضايقنى اكتر حاجة.انهم بيسالونى انا هو ليه زميلى اللى اتكلمت معاه قبل كدة معرضش يعمل الاعتراض ولما عملوا الاعتراض معملوش الاعتراض.

-

الموضوع: اعمل ايه مع البنك الاهلى المصرى

LinkBack

أدوات الموضوع

عرض

اعمل ايه مع البنك الاهلى المصرى - انشر الموضوع فى :

-

-

-

-

-

-

المواضيع المتشابهه

تجربة شنيعه مع البنك الاهلى المصرى العقيم البيروقراطى

سؤال فى البنك الاهلى المصرى

حد شغال فى البنك الاهلى المصرى ؟ افاده

شهادات إدخار البنك الأهلى المصرى البلاتينية بالجنيه المصرى

الكلمات الدلالية لهذا الموضوع

المفضلات

المفضلات

ضوابط المشاركة