قررت ارش العربيه تانى بعد شهرين وده اللون الجديد واستفسار عن شويه حاجات

اهلا يا رجاله
انا عربيتى فى الاصل فيرانى ورشبتها سيلفر النقابله الى فاتت طبعا راشسه بره بس
المهم انا قررت ارجعها فيرانى تانى لان السيلفر فى الشتا الطينه والمطر هيبهدلوه وانا مش هستحمل
بس الاول
انا عربيتى عاوزه طقم مساعدين ونفسى اجيبهم اسبور علشان ناشفين بس خايف انهم يوطوا العربيه
لان انا عاوز اركب اسبور علشان العربيه لما بتحمل شنط وناس الاكصدام ورا بيحك فى اى مطب او وانا بجرى برده بيحك فعلشان كدا كنت عاوز اركبلها اسبور ناشفين بس خايف يوطوا العربيه فتحك برده

المهم ده لون العربيه الى ناوى انشاء الله ارشه ايه رايكم فيه
http://nileup.com/up/uploads/nilemotors_14070466151.jpg

معلش عاوز اسأل سؤال فى موضوع رش العربية، انا عربيتى فيها شوية تجاريح بسيطة لو حبيت ارشها رشة نظافة يا ترى تعمل كام ؟

اقتباس:

---

المشاركة الأصلية كتبت بواسطة exelence

معلش عاوز اسأل سؤال فى موضوع رش العربية، انا عربيتى فيها شوية تجاريح بسيطة لو حبيت ارشها رشة نظافة يا ترى تعمل كام ؟

---

لو مفيهاش شغل سمكرة كتير من 1500 جنية

ومع اني شايف رأي مخالف طالما عندك تجاريح صغيرة ممكن تداويها باستيكر شكلة كويس وطبعا دة يتوقف على مكان التجريح

ومتنساش انك فى مصر يعني بالبلدي بعد ماترشها لحد ماتروح البيت او لتاني يوم هتلاقي بقدرة قادر التجاريح بترجع لوحدها تاني من عيل ابن تيييييييييييت بمسمار او مكيروباص يحك ويجري او توكتوك


مش بحبطك بس انا فكرت اكتر من مرة ارش بسبب تجاريح بسيطة ورجعت فى كلامي من اللى بشوفو فى الشوارع

اقتباس:

---

المشاركة الأصلية كتبت بواسطة أحمد جودة

لو مفيهاش شغل سمكرة كتير من 1500 جنية

ومع اني شايف رأي مخالف طالما عندك تجاريح صغيرة ممكن تداويها باستيكر شكلة كويس وطبعا دة يتوقف على مكان التجريح

ومتنساش انك فى مصر يعني بالبلدي بعد ماترشها لحد ماتروح البيت او لتاني يوم هتلاقي بقدرة قادر التجاريح بترجع لوحدها تاني من عيل ابن تيييييييييييت بمسمار او مكيروباص يحك ويجري او توكتوك

مش بحبطك بس انا فكرت اكتر من مرة ارش بسبب تجاريح بسيطة ورجعت فى كلامي من اللى بشوفو فى الشوارع

---

كلامك منطقى يا عم أحمد طب و الاستيكر ده اجيبه منين و بكام ؟ و على فكره العربية انا شايف انها مش محتاجه شغل سمكره بس نجرب موضوع الاستيكر ده ان شاء الله هنخسر ايه

انا مش موافق كلامك مش مقنع ان اللون ده هيتوسخ فى الشتا ده لون جامد وحلو اوى

اقتباس:

---

المشاركة الأصلية كتبت بواسطة exelence

كلامك منطقى يا عم أحمد طب و الاستيكر ده اجيبه منين و بكام ؟ و على فكره العربية انا شايف انها مش محتاجه شغل سمكره بس نجرب موضوع الاستيكر ده ان شاء الله هنخسر ايه

---

الاستيكرات من عند بتوع الكماليات وفيه ناس متخصصة فى الموضوع دة يعني يشوف العربية والخرابيش ويقترح عليك اشكال والاستيكرات بالمناسبة كاربون

لو انت شايف اللون حلو . مترشش
كده كده العربية بتتوسخ . معلش والصيف الجاى حترجع تغير اللون تانى . الشتاء اصلا فى مصر مش كتير

خلاص مش هرش الموتور فوت وهعمله الاول