عرض للطباعة
العواف عليكم :))))
سالفل يا رجالة سبيرانزا
سلااااااام عليكم
كنت محتاج اعرف كل المعلومات اللي عندكم عن فتيسات الA516 و الM11 و الTiggo و خصوصا اسامي الفتيسات , متاخدة من شركات ايه , الاداء بتاعها اخباره ايه , بتغيروا لها زيت كل كام الف , مشاكلها ايه
احد الاصدقاء , من خارج مصر , قال لي ان العربيات دي فيها نفس الفتيس اللي في ميجان2 معانا
ده في بلدهم طبعا
حابب اعرف هل المعلومة دي صحيحة عندنا ولا لأ
متابع ...
التيجو 2000 اوتو
فتيسها طبق الاصل ميجان 2
علي الجروب ناس غيرت الفتيس الاوتو بفتيس الميجان 2
بيركب بنفس المسامير
لكنه عموما فتيس مش عملي وكله مشاكل زي الميجان
وبيتصلح ويتصين عند الجماعه بتوع رينو
ومحتاج معامله خاصه
همممم , انتوا عارفين الموضوع يعني
و بتاخدوا الفتيس (السخيف) بتاعنا كمان هههههههههههه
و الm11 نفس الفتيس برده ولا مختلف ؟
و يا ترى لو كده فتيس الميجان2 ممكن يركب عليها ولا لأ ؟
ال ام ١١ وباقى الأسبرانزا مانوال ما عدا ال ٦٢٠ و التيجو ال ٢٠٠٠ و زى ما الا خوة قالوا التيجو فتيس ميجان و ال٦٢٠ متسوبيشى جالانت موتور و فتيس
متشكر جدا
يعني كده القصة في التيجو ال2000 و الباقي جه مانيوال بس اصلا
متشكر يا رجالة
لا فتيس السبرانزا 620 ستب ترونك ودة مش موجود فى الجالنت واعتقد فتسها رينو ميجان
تصحيح لبعض المعلومات ...........
فتيس التيجو الاوتو هو فتيس بيجو 406 كريستال موديلات 2003 الى 2006
وهو دا الفتيس اللي بيركب بالمسمار لكن فقط بيتفك داير الفتيس بتاع الفتيس القديم ويركب مكان الجديد علشان وش المكنة مش متشابه .....
بينما فتيس الميجان والبيجو 307 والستروين سي 4 هما هما نفس الفتيس من القطع الداخلية ولكن اختلاف شكل الحلة الخارجي وبالتالي مش بيركبوا على التيجو ولكن ممكن تفك فتيس الميجان وتاخد كل اللي جواه وتحطوا جوا فتيس التيجو لانهم حاجة واحدة بالضبط في كل شيء عدا الحلة الخارجية ..............
الفتيسات دي اسمها dpo al4
بالنسبة لل 620 فتيسها الاوتو هو بتاع الانسر 1300 وليس فتيس لانسر 1600
الفتيس دا تمنه حوالي 2500 - 3000 ج وهو قابل للتصليح بينما فتيس لانسر 1600 مش بينفع يتصلح غير في حاجات بسيطة قوي منه
بالنسبة للمانوال مش عندي معلومات عنه بصراحة .........
اقتباس:
المشاركة الأصلية كتبت بواسطة abdulhafeez
مصدر المعلومات ::: تجربة شخصية مع التيجو
وميكانيكي فتيسات مشهور في مصر القديمة قدام بنزينة موبيل على شارع صلاح سالم اسمه رأفت
طب ازاى وفتيس الـ 620 ستب ترونك والنوع دة من الفتايس مش موجود فى لانسر 1300اقتباس:
بالنسبة لل 620 فتيسها الاوتو هو بتاع الانسر 1300 وليس فتيس لانسر 1600
لكن فتيس 1300 ينفع يركب علي ماكنه 2000اقتباس:
المشاركة الأصلية كتبت بواسطة mrastra
لكن مش موجودددددددددداقتباس:
المشاركة الأصلية كتبت بواسطة hugan
انا سالت الميكانيكي نفس السؤال عن الستيب ترونك
قال ان بدل ما فيه في المجرى بتاع الفتيس رقم 1 و 2 و3
دول اتشالوا واتركب مكانهم جهاز تاتش بيتحكم في النقلات
بينما الفتيس كميكانيكا هو هو مفيش اختلاف
في لانسر 1300 اوتوماتيك اللي هي البومة
في منها 1600 وفي 1300 والاتنين في منهم اوتوماتيك
اساسا ماتور 620 هو هو ماتور الجالنت
والمعروف في مصر ب ماتور اللانسر 2000 سي سي
وهي دي المكنة اللي بتتسقط للاسبيرانزا 516 لما بتتغير ب اوتوماتيك
بينما 516 لما بتكون اوتوماتيك على ابوها بيكون اسمها 520 وبيكون فيها ماتور التيجو 2000 وفتيس التيجو برضو اللي هو فتيس البيجو 406 كريستال