بسمع صوت طقطقه غريبه وانا بجيب المارش وبتحرك او حركة لورا وبتروح بعدها ولما ادوس فرامل بتظهر تانى
وايضا عند وضع d وبدايه التحرك واشيل رجلى من دواسه الفرامل مرة واحده بسمع طقطه وبمجرد المشى امامى خطوتين بتروح
انا زهقت ومش عارف .. صوت كوبلن لانه جاى من قدام يمين ولما برجع مارش بييجى من ورا شمال
مش عارف الحقيقه ياريت المساعده
أنصحك بمراجعة جلب المقصات
انا كمان عندى نفس الاصوات دى وعند الملفات كمان
كنت باظبط زوايا والراجل قالى جلب مقصات وواحد تانى قالى بارات الدريكسيون ولسه هاخلى عفشجى يبص عليها
اكشف على الكبالن لان المشكله دى كانت عندى وغيرت الكوبلن
بتحصل عندى و فى الاقصى قالولى عادى الفرامل بتفك ،، هى تكه كدة بتحصل بعد ما تكون دايس فرامل و تدوس بنزين فجاه
أعتقد إن الأصوات اللى حضرتك تقصدها دي طبيعية جدا في أي عربية أوتوماتيك (لو أنا فاهم وصف حضرتك صح) ... لأن الفرامل بتكون ماسكة جامد على الطنابير والطنابير في نفس الوقت عايزة تمشي لأن الفتيس متعشق ولما بتشيل رجلك من على الفرامل بالراحة بتعمل الأصوات دي
عشان تطمن ... جرب تشيل رجلك بسرعة خاطفة من على الفرامل سواء في الطلعة أو الرجوع للخلف هاتلاقي الصوت خف جدا وإتغير إن لم يكن انعدم ... لأن التيل فك بسرعة من على الطنابير من غير مايلحق يعمل إحتكاك جامد بيها وهي في بداية تحركها
وعشان تطمن أكتر جرب تركب أي عربية تانية أتوماتيك مش شرط ماركة معينة أي أتوماتيك هاتلاقي نفس الصوت ده
اكشف على تيل فرامل خلفي مبدايا بسرعة
راجع تربيط القنطره لانها كانت عندي و راحت