سؤال لما بعد تغيير طقم الدبرياج

**o0Hanafi0o** · 03-08-2014 02:38 PM

انا كنت عامل موضوع من كام يوم قبل العيد انى غيرت طقم الدبرياج لان الاسطوانه اتكسرت وانا ماشى لوحدها الحمد لله بعد 15 سنه خدمه شاقه ( كتر خيرها ) عندى محلوظه واستفسار فى الطقم القديم كنت اى مطب او اى تهديه تكمل منه على التانى عادى جداااا وساعات عالتالت والعربيه ولا الهوا وتمشى فى طريقها وتسحب زى الفل ومترعش ولا اى حاجه

دلوقتى بعد تغيير طقم الدبرياج لما اجى اطلع مطب لازم اجيب الاول لانى لو نزلت عالتانى العربيه ترعش وتحس انها هتبطل يا اما لازم اتقل رجلى اوى على الدبرياج مع البنزين ( وداه غلط على الطقم ) علشان تكمل فى طريقها والدواسه مش عارف اظبط رجلى عليها زى الاول حاسسها نعمه اوى ومش عارف بتلقط مع بالنزين فين وكل غيار مختلف عن التانى وحاسس بملل الصراحه لانى الاول مكنتش بضطر اغير كتير ولعبى كله عالطريق ما بين التانى والخامس الاول مبروحلوش غير لو العربيه وقفت خالص او المطالع دلوقتى الاول بقيت بروحله فى كل تهديه او مطب عالى شويه وهضطر اهديله سنه زياده ؟؟؟

ايه رايكوا ونصايحكوا فى التعامل مع الوضع الجديد

**hardmind_doc** · 03-08-2014 02:49 PM

النعومة دى حاجة طبيعية علشان الطقم جديد
اما حكاية الطلعة دى معرفهاش بصراحة
وان شاء الله حد يفيدك

**احمد فهمى** · 03-08-2014 05:48 PM

فى الاول هتعمل كده مع الوقت هتمشي عادي على التاني مع التهديه بس بما ان كل حاجه جديده ومفيش اي بوش فالوضع هيستمر لفتره صغيره

**rabeden** · 04-08-2014 05:20 PM

طبيعى جدا لأن كل اللى في السوق مضروب وحت اللى في التوكيل كمان، أنا مغير طقم luk المفروف انه حاجة عدلة وكنت شارية ب1800 جنية من سنتين وعندى كل اللى بتقوله بس خلاص اتعودت

**o0Hanafi0o** · 05-08-2014 01:24 AM

يعنى عادى مفيهاش قلق ان شاء الله اصل الصنايعى الى ركبه واحد بتعامل معاه على طول وواثق فى شغله اوى علشان كده مستبعد انها تكون مشكله صنايعى ومستغرب بصراحه من الاعراض بعد التركيب لانى كنت فاكر المفروض ديسك جديد والقديم كان فى واخر ايامه يعنى المفروض استهلاك البنزين والسحب يتحسن اوى والاقى الدنيا مختلفه دلوقتى انا حاسس ان الدنيا هيا هيا مع الاعراض الى قولتها فوق بس الدنيا ماشيه الحمد لله لو فى اى اقتراحات ونصائح ياريت محدش يبخل عليا بيها