الموضوع: رينو ميجان 2005 سيدان بانوراما

المشاركة الأصلية كتبت بواسطة abdelshafy85

ايه يا جماعة 286 مشاهدة ومفيش غير 3 أو 4 اللى شاركوا !!!!!!!!!!!!

طيب لو حد عنده تعليق يقوله ولو فى أى حاجة محتاجة توضيح نوضحها

نرجو التفاعل للإستفادة

انا لا اقصد البخث او التقليل من قيمه العربيه وربنا يوفقك فى احسن بيعه لك ولكن انت طالب سعر عالى...موديل 2005 لو فى ابهى حالاته لا يزيد عن 60 الف ودى بتكون العربيه اللى مفيهاش غلطه وفابريكه كلها ولكن انت بتتكلم فى سعر بعيد...انا مقدر انك صارف على عربيتك ولكن فى الاخر يوجد سعر سوق لازم يكون سعر العربيه قريب منه...اضافه الى سعرك العالى يوجد مصاريف نقل ملكيه وبالتالى ده مخلى سعر العربيه داخل فى 65 (بعد الفصال) وتبقى اعلى من سعر السوق لموديل 2005...

عفوا للمره الثانيه انا لا اقصد البخث صدقنى ولكن هذا تقيم شخصى متواضع ليس اكثر...انا بدور على ميجان 2005 وشفت اعلان عربيتك على دوبيزل وتجاهلت لما عرفت انها مش فى القاهره ولما فتحت المنتدى ولاقيت موضوعك تحمست لأنك عضو فى المنتدى وبالتالى هتكون العربيه محل ثقه ولذلك سألت عن امكانيه انى اشوفها فى القاهره ولكن اعتقد ان السعر المطلوب مبالغ فيه(عفوا)

تحياتى

المشاركة الأصلية كتبت بواسطة abdelshafy85

أولاً مشكور على التفاعل
ثانياً أنا لما حددت سعر العربية كان بناء على سعر السوق اللى كنت ساعات بشوف فيه إمكانيات أقل من عربيتى وبسعر اعلى أنا مش عارف انت حددت ال 60 ألف بناء على ايه!!!
العربية فوق انها بانوراما وأعلى فئة ومش مرشوشة إلا فى أجزاء قليلة فهى فيها جنوط 17 وكاوتش عريض (235/45/r17 ) وفرش جلد , ودى حاجات ليها تمن وتفرق العربية عن اللى زيها. بالإضافة لأنها ماشية 75000كم.وكمان أنا قايل انى هتحمل تكلفة نقل الملكية.
بالنسبة للسعر اللى حضرتك بتقول عليه ممكن يكون موجود بس هتبقى حالة شاذة أوى وعربية لقطة مش سعر سوق خالص, أو ممكن يكون فيها مشاكل كتير وحضرتك ممكن تراجع قسم الرينو وتشوف الناس اللى اشترت عربيات مؤخراً وطلعت عاملة ازاى وعملت فيهم ايه., وأكيد حضرتك شفت الميجان عاملة ازاى فى صقر قريش وكم العربيات اللى فيها مصايب وبتتلصم وتتباع على انها فابريكة واللى بيشترى بيشوف الويل بعد كدة. فى عربيات شفتها الموتور بتاعها متجمع ومصايب تانية كتير.
العيب اللى فى عربيتى ان المحرك معموله صيانة, وفى ناس متحبش ان المحرك يكون معمول فيه شغل حتى لو الشغل ده تمام ومفيش فيه أى مشاكل. وعلى فكرة التوكيل بيعمل شغل المحرك وبيعمل عمرات كاملة للمحرك والفتيس بس بتكلفة مبالغ فيها جداً.

أنا كان ممكن مقولش على الحاجات اللى عملتها فى المحرك والعربية كانت هتتباع تمام ويمكن بسعر أعلى من اللى أنا طالبه حالياً, بس ساعتها هبقى غير أمين وربنا مش هيباركلى فى الفلوس اللى هاخدها, وده اللى خلانى أوضح كل حاجة بالتفصيل,

مشكور على اهتمامك وربنا يوفقك وتلاقى العربية الفبريكة اللى مفيهاش غلطة وتكون أقل من 60ألف كمان, بس أول ما حضرتك تلاقيها ياريت تعملنا موضوع فى قسم الرينو وتقولنا العربية حالتها ايه.

والسلام.

المشاركة الأصلية كتبت بواسطة ahmed a.maksoud

العربية النضيفة ال 2005 و مش كاملة متقلش عن 60 و تبقى لقطة كمان

ممكن تلاقي على 45 و 50.....بس منصحكش خالص.

انا اتوفقت فى عربيه 2005 هاى لاين مش بانوراما فابريكه سقف وشنطه وكابوت موتور سليم تماما كل صياناته فى التوكيل (السياره استخدام سيده تاني يد) ماشيه 110 الف كم وتم الكشف عليها فى التوكيل اشتريتها ب60...اتمنى لصاحب السياره التوفيق مره تانيه وياريت لما تبيع تقولنا بعت بكام للعلم.

تحياتى