كاسيت ودي في دي تاتش كاسكا caska للسيراتو
السلام عليكم ورحمة الله
امبارح كنت بسأل على كاسيت ودي في دي للسيراتو .. الراجل اللى فى المحل قالي ان في نوع اسمه كاسكا وسعره غالي (حوالي 6 الالاف جنيه)
دخلت وفضلت ادور عليه وراسلت الشركة اللى بتبيعه هنا فى مصر .. وكان الرد سريع جدا .. قالوا الاتي:
1- هما بيبعوا الجهاز الاصلي بتاع شركة كاسكا .. وهو بيتعمل لانواع كتيرة (كل موديلات كيا تقريبا حتى اللى بتنزل بره مصر - بالاضافة الى الماركات الاخرى)
الاسعار كالاتي:
- سعر الجهاز نفسه 4650 جنيه
- اضافة كاميرا السيراتو الاصلية 350 جنيه
- اضافة بارك سينسور يشتغل مع الدي في دي بـ 500 جنيه
- الجديد بقه: اضافة TPMS بسعر 1400 جنيه (قياس ضغط الهواء فى الاطارات - Tire Pressure Monitor ( System
بعتلهم تاني بخصوص الجهاز نفسه .. وكان الاتي:
- الجهاز بيشتغل على Windows CE 6
- خاصية الانترنت وشريحة 3G غير مفعلة و مش شغالة فى الاجهزة اللى بتيجي مصر
ده طبعا بالاضافة للمزايا الاساسية زي البلوتوث والدي في دي والتاتش اسكرين وغيره
احساسي الشخصي انه غالي جدا على المزايا بتاعته .. يمكن الفرق الوحيد اللى يستاهل الفلوس هو الجودة (جودة الجهاز والشاشة ومدى تحملهم للشمس والحر)
حد يعرف حاجة عن الانواع دي وهل حد جربها قبل كده؟؟
وشكرا