الموضوع: عايز حل ل موضوع رفعي ده

المشاركة الأصلية كتبت بواسطة ladawy

متااااااااااابع و بحرارة ^_^

نفس مشكلتك تقريبا ،، انا مش رفيع لدرجة عصاية .. بس على مر الشهور و السنين بخس مش بتخن !!
و العامل النفسى معايا عامل شغله ،، انا فاكر فى فترة الامتحانات بتاعت الثانوية + شهرين بعدها خسيت 10 كيلو !!
و فى سنة من سنوات الجامعة خسيت فى امتحاناتها 5 كيلو فى شهر ونص الامتحانات !!

و حاليا شغلى بدل من ذهنى بس بقى ذهنى و حركى ( و بافراط )

-----------
الاكل : خفيييف ،، و مش بتاع اكل كتير ( مابقدرش آكل كتير ! )
الحركة : مستمرة ولا مفر منها تقريبا
الجيم : مفيش رفيق للجيم & مفيش جيم فى منطقتنا ... و الاهم : مفيش وقت اقدر انزل واركب مواصلة علشان اروح جيم

انا عاوز ازيد بتاع 20 كيلو ،، علشان ابقى تقيل شوية ... و عاوز نفسى يطول لإنى من قلة الرياضة بقيت قصير النفس ( و العضلات :( )
==================
- الرياضة لابد منها ،، بس هل ممكن العاب سويدى فى البيت ؟؟؟
- و النظام الغذائى ،، متابع معاكم علشان استفيد .. و لو ان بعد قراءة 5 صفحات اتلخبطت :) !


=========
و شكـــــرا لصاحب الموضوع الى اتاح لينا المنبر ده ;)

اه ماحنا كتير انا عارف :)

المشاركة الأصلية كتبت بواسطة moudy88

اخوك 180 سم و 115 كيلو ...لو كنت اعرف اديك 20 كيلو من عندي كنت اديتك :d

يا سلام تبقي صاحبي وحبيبي وكفاءة :)

المشاركة الأصلية كتبت بواسطة drcobra

نظام غذائي خاص لزيادة الوزن للنحفاء

الإفطار :
2 بيض مقلي بالسمن + 3 ملاعق مربي بالقشطة + عيش فينو + شاي خفيف سكر زيادة .

تصبيرة
كوب حلبة مطحونة + قطعة شكولاته .

الغذاء :
سمك مقلي أو لحم محمر ( يفضل لحم الضان ) أو فراخ محمرة + بطاطس شيبسي+ أرز

عصرا :
كوب لبن بالخميرة + 100 جرام لب وسوداني .

العشاء :
بطاطس مسلوقة بالسمن + حلبة مطحونة + عيش فينو .

قبل النوم :
حلوي ( كنافة محشية – بلح شام – أرز باللبن – كريم كراميل – أم علي ).


اللى عايز يزود الوزن ده نظام اكل لمدة اسبوع

وهنحطة مع شوية ادوية خفيفة (فاتح شهية ترايكتتين قرص او نصف قرص 3 مرات يوميا على حسب النوم يعنى لو قرص هينيمك كتير ابدأ بنصف)
(دايجستين شراب او اقراص 3 مرات مع الاكل)
(فيتامين -فيتاماكس بلس كبسوله واحدة مع الغداء)

وطبعا قبل الاكل مرتيين يوميا رياضة لمدة 15 الى 30 دقيقة -جرى او حديد ممكن دمبلز )

وكل اسبوع هجطلكم نظام لو عايزين

الكلام حلو بصراحة بس لما باجي بطبق ولا بعمل حاجه !! المشاغل اللي ورا الواحد بتجبرني امشي علي عدم النظام ولو كلت اصلا مرتين في الييوم يبقي زي الفل

المشاركة الأصلية كتبت بواسطة moh19227

بص ياباشا من الاخر كده
انا كنت زيك كده ف ثانوى كان طولى 177 سم تقريبا ووزنى حوالى 55 كجم
قولت لا انا لازم ازيد قعدت اضرب اكل بغباء مفيش اى زياده
ولو قعدت فى البيت كام يوم ممكن ازيد كيلو ولا اتنين ولو نزلت من البيت بيروحوا ف ثوانى
كشفت عند دكتور قالى عادى انت جسمك بيحرق بزياده شويه وانت زى الفل
قولت لا انا لازم ازيد نزلت الجيم حوالى 3/4 شهور مع اكل بغباء وزنى وصل ل 65
قولت فل اوى كده بطلت ونزلت شويه يعنى ممكن ل 62 او 63 قولت زى الفل
جيت بعد مخلصت الكليه طولى بقى حوالى 182 قولت العب بقى كام شهر واظبط الدنيا
الكام شهر دول دخلوا فى سنه لعب وجسمى وصل ل 82 كجم وعملت فورمه تمام
بطلت
جسمى ثبت على كده ومنزلش
بس اسمع نصيحتى انا حاليا لما بدوس فى الاكل كام يوم ورا بعض كده جسمى بيزيد وبعدى الوزن المظبوط
ولسا لم الواحد ربنا يكرمه ويتجوز ربنا يستر :d
انت جسمك دلوقتى حلو يعنى رفيع بس ده احسن جسم
كده كده جسم الواحد لما بيكبر فى السن الحرق بتاعه بيقل ووزنه بيزيد
+ لما ربنا يكرمك كده وتتجوز هتزيد من 5 لـ 10 كجم
انت معندكش اى مشكله هوا فى طبيعه اجسام بتبقى بتحرق كتير ومبيبنش عليها تخن حتى لو بتاكل ايه وفى الغالب بيكون الموضوع ده وراثه
اسمع الكلام متستعجلش جسمك هيزيد لوحده
احسن ماتظبط جسمك دلوقتى وبعد الجواز تضرب :d
والسلام عليكما

انا عارف اني هزيد بعد ما اتجوز بس انا قولت من دلوقتي ليه لا ومزيدش بدل مانا بجيب اصغر هدوم كده :)

المشاركة الأصلية كتبت بواسطة msobhy

والله حضرتك انا مش برد فى اى مواضيع بسبب ظروف خاصة عندى لكن ما علينا
مع احترامى ﻷغلب الاعضاء ..... اغلب الكلام اللى اتقال غلط
اسمح لى احكى لك على قصه صغيره
وانا عندى 14 سنه كان طولى 180 ووزنى 65 كيلو ...... بدأت العب رياضه واكل بشكل مهووول والنتيجه انى وانا عندى 16 سنه بقى طولى 185 ووزنى تقريبا 60 كيلو
وانا عندى 17 سنه روحت لدكتور وعملت وتحاليل دم وبراز واتأكدت انى معنديش اى حاجه وساعتها بدأت اظبط أكلى
وانا عندى 18 سنه بدأت فعلا اتحكم فى وزنى فى الوقت ده وصلت لطولى النهائى 187 ووزنى كان 77 كيلو وﻷول مره ازود وزنى 4 كيلو مره واحده
كل اللى عملته انى طبعا بطلت جرى نهائيا ﻷنىكنت لاعب فولى بول وبقى جدولى اليومى كالتالى
ادخل انام الساعه 10 مساءا ... اصحى 10 صباحاً ...... مفيش اى مجهود من اى نوع طول اليوم غير وقت التمرين .... 6 وجبات صغيره يوميا .... بالإضافة الل 10 بيضات مضروبين فى كيلو لبن وسكر وعسلوفواكه وكل حاجه ممكنه ينفع انها تتحط على اللبن وفى الاخر كنت بحط عليها فانيليا علشان زفارة البيض
بعد ما ربنا كرمنى ووصلت ل 81 فى 4 شهور ..... فقدتهم بالظبط فى اسبوعين وكان قمة الاحباط
فى الوقت ده اتعرفت على ابطال كمال اجسام مش اللعيبه التعبانه
مشكلتهم انهم بيفكروا منشطات و مكملات فقط ..... الانظمه الغذائيه مش فى دماغهم قوى
لغاية لما اتعرفت على واحد بجد دماغه جبااااااااره
الراجل سألنى انت عايز تتخن وبس .... قولت له ايوه
قاللى خلاص تعمل التالى
كل اللاعيبه بتلعب جامد فى الشتاء علشان تجهز فورمة الصيف
انت هاتعمل العكس
فى الصيف .... من شهر 5 الى شهر 10 انت بتتمرن وبتاكل جامد
فى الشتاء بتتمرن مره واحده فى الشهر فقط
وقد كان
اللى فهمته انى بقيت بحفز جسمى جدا لحرق الدهون وده فى الصيف .... فى الشتاء كنت بدخل مرحلة الخمول بتاعتى
احب اقولك انى وانا عندى 23 سنه وزنى وصل ل 97 وساعتها اخدت حاجه اسمها جينرز فيول وكان مأساه
جسمى كله ضرب دهون شكلها زى العضلات
المهم بطلت رياضه تماما ووزنى بقى 91 لا بيزيد ولا بيقل لغاية الحادثه
بعيد عنك وعن السامعين اتجوزت ..... فى 3 شهور يا مؤمن وزنى طلع من 91 وبقى 124 كيلو
المهم برضو عن طريق الجواز وحرقت دم الجواز الحمد لله وزنى نزل تانى وبقيت 95
نتعلم ايه من الرغى ده
لازم تعرف جسمك ..... ولازم تتعلم ازاى تلعبه ..... تنسى المنشطات نهائيا ....... تمشى بالاجنده بتاعتك وكل شهر تشوف ايه التغيرات اللى حصلت لك وتقارن كل شهر بالشهر اللى قابله وتقارن كل شهر بالشهر اللى زيه السنه اللى فاتت
ربنا يوفقك

النشطات قصدك المكملات ؟؟ و بصراحو من ساعه ما فتحت الموضوع وعايز انزل الجيم وناوي بس منزلتش :)

المشاركة الأصلية كتبت بواسطة 3mr farrag

السيرياس افضل بالنسبالك
لأن الكالوري فيه ضعف البروكومبلكس
بس هو عماتا ناس كتير بتشكر فيه بس مش لجسمك

بش غالي اول السيرياس !! ممكن تقولي ايه اللي يقعد معايا اكتر يعني شيكارة السيرياس باخدها في قد ايه والتاني ؟؟