استهلاك الكهرباء في شقتى .. مخلينى أقول يا لهوتى ..

.
.

دائما الاستهلاك بين 500 - 650 كيلو شهرياً
والفاتورة غالباً لا تقل عن 200 جنيه.

سألت الكثيرين من الجيران والأقارب ممن لديهم نفس الأجهزة الكهربائية التى عندى تقريباً ، وكان جلهم يدفعون فاتورة أقل من 100 جنيه شهرياً.

حين شكوت همى للمحصل أثناء سداد فاتورة الشهر الماضى وكانت 340 جنيه ، صعبت عليه واستفسر عن الأجهزة الكهربائية عندى ، تعجب وقال لى استهلاك شقتك يوازى استهلاك مصنع صغير ومش ماشى مع الأجهزة اللى عندك ، ونصحنى بطلب فحص العداد.

لجأت إلى الكهرباء وقدمت طلب لفحص العداد ، فتكرم الفنى وقال لى هاجيب معاك من الآخر وقام بتغيير العداد القديم بعداد ديجيتال جديد ..

استبشرت خيراً وقلت أخيراً حلت مشكلتى .. ولكنى فوجئت بان استهلاك أول شهر للعداد الجديد كان 510 كيلو وات ..

الآن لم يتبقى لى سوى أمل واحد ..
كلمة قالها الفنى صدفةً أثناء تركيب العداد الجديد
وهى أن القراءة حين يكون مبالغ فيها، يكون لأحد أمرين
إما أن العداد تالف
أو أن أرضى الشقة مهرب أو بيهرب أو هربان .. حاجة زى كده ..

فهل هذا معلومة سليمة؟ وكيف يمكن فحص "أرضى الشقة" ؟

اعتقد لو العداد مش متوصل صح بيخرف فعلا و بيعد كتيير
ثانيا لو انت فاتح السخان على طول او بتستهلك موتور كهرباء او معندكش لمبات موفرة حتفرق ضع استهلاكك على الاقل
او طبعا تكييف

انا زى حالاتك كده بدفع منزلى وتجارى اوقات 3 الاف واوقات الفين
والشقه بتلعب من 150 الى 350 جنيه
كنت سئلت واحد كهربائى وكنت هعمل موضوع للاستفسار عن امقترحه وحد يفيدنا فلقيت موضوعك قلت اشارك ولو فيه حل انت تستفيد وكلنا نستفيد

قال لى هنحسب القدر ه عندى ويركب لى مكسفات على العداد وقال لى ان ان عندى تقريبا 15 كيلو وهركب المكسفات والاستهلاك ممكن يقل الربع

فلو حد هنا من الاخوه عنده فكره عن الكهرباء والتركيبات يفيدنا هل كلام الرجل صحيح ولا نسبه الربع دى كلام مش صحيح

بص .....موضوع المكثفات دا بيستخدم فى المصانع لتحسين ما يسمى بمعامل القدره "power factor"
وححاول اشرح لحضرتك موضوعه ببساطه
الطاقه الكليه المستخدمه " apparent power " بتساوى "active power" بالاضافه الى " reactive power"
الactive power دى هى الطاقه الفعليه اللى انت بتستخدمها فى اجهزتك بالكيلو وات
وال reactive power دى هى الطاقه اللى بتروح فى المجالات الكهربه فى المواتير و harmonics وخلافه...بمعنى اخر طاقه رايحه فى الهوا
فعلشان يكون افضل استخدام عندك لازم الapparent power دى تكون تساوى الactive power
ودى الحاله المثاليه اللى مش بتحصل ولكن لازم يكون فيه reactive power موجوده ....طبعا قيمتها بتختلف على حسب الاحمال اللى عندك
ويجى بقى هنا دور المكثفات وهى انها بتحاول تقلل الreactive power فيكون المحصله ان active power تكون اقرب ما يكون من الapparent power
الكلام بقى دا كله عن الاحمال ذات الطابع اللى بيأثر على المعامل القدره ....وهى المواتير والدواير الاليكترونيه الكبيره مثل ال AC drives............انما بالنسبه لاحمالنا فهى مش حتفرق اوى....


انا رأى ان حضرتك تبدأ تعمل تحقيق كامل فى الموضوع ....بمعنى انك اولا تراقب العداد يوميا وتشوف معدل استهلاكك قد ايه وهل هو بيتناسب مع الحاجات اللى انت مشغلها ولا لا
ثانيا تبدا تقلل من الاستهلاك على قد ما تقدر ....بمعنى ان الغرفه اللى محدش قاعد فيها نورها ينطفى ....لو فى تكييف حاول تقلل استخدامه او ترفع درجه الحراره"ميكونش ساقع اوى" يدوب يلطف الجو....لو فيه سخان كهربا ممكن تفصله وتوصله قبل الاستخدام فقط.....التلفزيونات حاول تشيل الفيش بتاعتها من الكهربا لما تكون طافيها والشواحن....وهكذا
وابدا شوف هل الاستهلاك حيتغير ولا لا.
وممكن انت تعمل معايره للعداد بتاعك تتاكد لو فيه مشكله ولا لا....ازاى؟؟؟؟
اقول لحضرتك
1- افصل كل الاحمال والفيش اللى فى البيت والاضاءه بالكامل .....كل حاااااجه...وشوف العداد بيلف ولو بسيط ولا لا
لو بيلف ولو بسيط يبقا فعلا فى حاجه غلط او مهربا ولو مبيلفش يبقا تمام
2- توصل لمبه 100 وات وتشغلها لمدة ساعه لوحدها من غير اى حاجه معاها وتشوف بعد الساعه هل العداد قرا 100وات ولا ازيد.....لو قرا مظبوط يبقى تمام ولو قرا ازيد يبقى فيه حاجه غلط

متفق مع الاخ Ahmed Selmy في كل كلمة قالها. موضوع ال مكثفات مش هيفرق جامد الا لو عندك مواتير كتير في البيت. عشان كده بيعملو الموضوع ده في المصانع و بيفرق معاهم. أسلم شئ فعلا افصل كل حاجة عندك و شوف العداد بيلف و الا لأ لكن افصل من المفتاح اللي بتشغل و تطفي منه مش من مفتاح اللوحة الرئيسية عشان لو فيه تسريب من الأسلاك اللي ماشية من اللوحة لكل غرفة نقدر نكتشفه. لو العداد مش بيعد أو مش بيلف يبقي تمام لو بيلف تبدأ تفصل مفاتيح اللوحة الرئيسية واحد واحد لحد ما العداد يبطل يعد يبقي أنت عرفت العيب في أنهي دايرة أو أنهي مفتاح.
لو ما فيش تسريب أساسا يبقي حضرتك هتشك في العداد لكن بما أنك غيرته و نفس الاستهلاك يبقي مش العداد.
أخر حاجة نمط الاستهلاك بتاع حضرتك ممكن يكون غلط يعني مثلا التكييفات شغاله طول النهار. سخان كهربا طول النهار. و كده يعني.
فيه بقي حاجة أخيرة لكن في حالة أن الفاتورة ساعات بتيجي قليلة و بعد كده تيجي عالية. أحيانا الموظف اللي بيكشف علي العداد مش بييجي ياخد القراية كل شهر و بالتالي بيحاسبوك علي متوسط تقريبي يعني مثلا يكون استهلاكك الشهري 300 كيلو و هو يحاسبك علي 100 و تيجي الفاتورة معقولة طبعا الشهر اللي بعديه بييجي ياخد القراية الصحيحة يلاقي 200 من الشهر اللي فات و مثلا 300 للشهر الجديد يبقي توتال 500 و طبعا تدخل في شريحة أعلي و تلاقي الفاتورو خراب. أسف للاطالة لكن حاولت اشرح علي أد ما قدرت. جرب و احنا معاك.

اقتباس:

---

المشاركة الأصلية كتبت بواسطة Ahmed_selmy

بص .....موضوع المكثفات دا بيستخدم فى المصانع لتحسين ما يسمى بمعامل القدره "power factor"
وححاول اشرح لحضرتك موضوعه ببساطه
الطاقه الكليه المستخدمه " apparent power " بتساوى "active power" بالاضافه الى " reactive power"
الactive power دى هى الطاقه الفعليه اللى انت بتستخدمها فى اجهزتك بالكيلو وات
وال reactive power دى هى الطاقه اللى بتروح فى المجالات الكهربه فى المواتير و harmonics وخلافه...بمعنى اخر طاقه رايحه فى الهوا
فعلشان يكون افضل استخدام عندك لازم الapparent power دى تكون تساوى الactive power
ودى الحاله المثاليه اللى مش بتحصل ولكن لازم يكون فيه reactive power موجوده ....طبعا قيمتها بتختلف على حسب الاحمال اللى عندك
ويجى بقى هنا دور المكثفات وهى انها بتحاول تقلل الreactive power فيكون المحصله ان active power تكون اقرب ما يكون من الapparent power
الكلام بقى دا كله عن الاحمال ذات الطابع اللى بيأثر على المعامل القدره ....وهى المواتير والدواير الاليكترونيه الكبيره مثل ال AC drives............انما بالنسبه لاحمالنا فهى مش حتفرق اوى....

---

انا مهندس ميكانيكا وماليش في الكهربا قوي

زمان لما حبيت افهم القصه دي
كلمت واحد زميلي مهندس كهربا وشرحهالي

وفهمتها بمثال بسيط اوي منه

انت لما بتصب كوبايه بيبسي او كوكاكولا بيبقى نص الكوبايه بيبسي والنص التاني رغاوي

يعني الكوبايه قدامك كلها مليانه
لكن الحقيقه غير كده
الحقيقه ان نص الكوبايه بس هو اللي فيه بيبسي والنص التاني مافهوش
بس الرغوه دي بتخليك تشوف وتعتبر ان الكوبايه كلها مليانه

وهي دي بقى ال active power وال reactive power

لا و ايه ؟ شوف حكمه ربنا
النور بيقطع اكتر ما بيجي

ملحوظة عرفتها
لما تعمل طلب فحص عادة بيشيلوا العداد القديم و يركبوا عداد متعفرت الذى هو الديجتال الرقمى علشان سريع فى لفاتة الكلام دة عرفتة من موظف

اقتباس:

---

المشاركة الأصلية كتبت بواسطة ahmed_selmy

بص .....موضوع المكثفات دا بيستخدم فى المصانع لتحسين ما يسمى بمعامل القدره "power factor"
وححاول اشرح لحضرتك موضوعه ببساطه
الطاقه الكليه المستخدمه " apparent power " بتساوى "active power" بالاضافه الى " reactive power"
الactive power دى هى الطاقه الفعليه اللى انت بتستخدمها فى اجهزتك بالكيلو وات
وال reactive power دى هى الطاقه اللى بتروح فى المجالات الكهربه فى المواتير و harmonics وخلافه...بمعنى اخر طاقه رايحه فى الهوا
فعلشان يكون افضل استخدام عندك لازم الapparent power دى تكون تساوى الactive power
ودى الحاله المثاليه اللى مش بتحصل ولكن لازم يكون فيه reactive power موجوده ....طبعا قيمتها بتختلف على حسب الاحمال اللى عندك
ويجى بقى هنا دور المكثفات وهى انها بتحاول تقلل الreactive power فيكون المحصله ان active power تكون اقرب ما يكون من الapparent power
الكلام بقى دا كله عن الاحمال ذات الطابع اللى بيأثر على المعامل القدره ....وهى المواتير والدواير الاليكترونيه الكبيره مثل ال ac drives............انما بالنسبه لاحمالنا فهى مش حتفرق اوى....


انا رأى ان حضرتك تبدأ تعمل تحقيق كامل فى الموضوع ....بمعنى انك اولا تراقب العداد يوميا وتشوف معدل استهلاكك قد ايه وهل هو بيتناسب مع الحاجات اللى انت مشغلها ولا لا
ثانيا تبدا تقلل من الاستهلاك على قد ما تقدر ....بمعنى ان الغرفه اللى محدش قاعد فيها نورها ينطفى ....لو فى تكييف حاول تقلل استخدامه او ترفع درجه الحراره"ميكونش ساقع اوى" يدوب يلطف الجو....لو فيه سخان كهربا ممكن تفصله وتوصله قبل الاستخدام فقط.....التلفزيونات حاول تشيل الفيش بتاعتها من الكهربا لما تكون طافيها والشواحن....وهكذا
وابدا شوف هل الاستهلاك حيتغير ولا لا.
وممكن انت تعمل معايره للعداد بتاعك تتاكد لو فيه مشكله ولا لا....ازاى؟؟؟؟
اقول لحضرتك
1- افصل كل الاحمال والفيش اللى فى البيت والاضاءه بالكامل .....كل حاااااجه...وشوف العداد بيلف ولو بسيط ولا لا
لو بيلف ولو بسيط يبقا فعلا فى حاجه غلط او مهربا ولو مبيلفش يبقا تمام
2- توصل لمبه 100 وات وتشغلها لمدة ساعه لوحدها من غير اى حاجه معاها وتشوف بعد الساعه هل العداد قرا 100وات ولا ازيد.....لو قرا مظبوط يبقى تمام ولو قرا ازيد يبقى فيه حاجه غلط

---

تمام استاذ احمد ربنا يباركلك

كده اكدت لى الموضوع ولو لاحظت انا كاتب فوق منزلى وتجارى لان الفاتورتين بيجوا مع بعضهم
وفعلا عندى المواتير فى المصنع على ماكينات نسيج دائرى وكمبيروسر هواء
وبكده هيكون فعلا المكثفات له تأثير على الفاتوره وهل فعلا بتصل لتقليل الاستهلاك تقريبا بنسبه قد ايه

متابع

اقتباس:

---

المشاركة الأصلية كتبت بواسطة a_nbm

انا مهندس ميكانيكا وماليش في الكهربا قوي

زمان لما حبيت افهم القصه دي
كلمت واحد زميلي مهندس كهربا وشرحهالي

وفهمتها بمثال بسيط اوي منه

انت لما بتصب كوبايه بيبسي او كوكاكولا بيبقى نص الكوبايه بيبسي والنص التاني رغاوي

يعني الكوبايه قدامك كلها مليانه
لكن الحقيقه غير كده
الحقيقه ان نص الكوبايه بس هو اللي فيه بيبسي والنص التاني مافهوش
بس الرغوه دي بتخليك تشوف وتعتبر ان الكوبايه كلها مليانه

وهي دي بقى ال active power وال reactive power

---

حلو جدااااااا موضوع الكوكاكولا والزغاوى دى .......هى فعلا كدا

انا نفس المشكلة عندى مع انى سكنت فى اكتر من حتة
وكل مااسئل حد يقولى لا الكهرباء بتيجى لك كتير واحنا مبتجناش كده
بس فى الاخر ييئست وبقيت بتهيالى ان الناس كلها بتقول نفس الكلمة ومفيش حد بتيجى له الكهرباء قليلة

اقتباس:

---

المشاركة الأصلية كتبت بواسطة zorg

انا نفس المشكلة عندى مع انى سكنت فى اكتر من حتة
وكل مااسئل حد يقولى لا الكهرباء بتيجى لك كتير واحنا مبتجناش كده
بس فى الاخر ييئست وبقيت بتهيالى ان الناس كلها بتقول نفس الكلمة ومفيش حد بتيجى له الكهرباء قليلة

---

وأنا هذا الرجل أيضاً

طيب ممكن طريقة تخلينى أعرف احسب استهلاك شقتى من الكهرباء؟

يعنى ازاى أقدر احسب استهلاك تليفزيون/8 ساعات ، 4 لمبة نيون/10 ساعات ، ثلاجة ، ديب فريزر/ 24 ساعة ، كمبيوتر/ 5 ساعات ، غلاية شاي/ نص ساعة ، إلخ إلخ ..

هتشوف كل جهاز مكتوب عليه كام وات و تقسمه علي 1000 عشان تحول ل كيلو وات و بعد كده تضرب في عدد الساعات يبقي كده kwh كيلو وات أور اللي بيجيلك في الفاتورة. راعي أن الحاجات زي التلاجة و الفريزر و السخان و الغسالة و التكييف مش بتشتغل بكامل طاقتها علي طول.

نفس المشكله عندي
لشهر الماضي دافع 250 جنيه
تقريبا نا اكتر واحد في الشارع والبيت كله
مش عارف ليه
وغيرتالعداد القديم بديجيتال
ولا اي تغيير
والتكييف ما بيشتغلش غير شويه الليل

الفاتورة لشهر 6 وصلت 400 جنيه!!!! و كمان المحصل اخد قراءة شهر 7 و قال هتكون زيها. عمرها ما حصلت معانا ابدا . اكيد عشان الكهرباء زادت و معرفش هو لسه فيه شرائح لكن لو فيه يبقي دخلنا في اقصي حاجة لان التكييف كان شغال كتير رغم السنة الماضية كان برضة شغال لكن المرة دي احيانا من الحر الرهيب كنا بنشغله طول الليل للصبح. كده الواحد ياخذ اجازة شهرين الحر و يروح يصيف في اي حته ارخص

حقول حاجة و محدش يضحك

انا من سنتين تقريبا قلبت كل لمبات البيت موفرة ... والفاتورة قلت عندى حوالى 70 جنية

في الصيف متوسط الفاتورة 160 جنية بس عشان في تكييف شغال 24ساعة تقريبا (درجة الحرارة24 )

في الشتا والحمد لله الفاتورة لا تتعدى 40 جنية

مفيش سخان كهربا و منبة مراتى ان لما تكون قاعدة في اوضة يبقي بقية الشقة كلها مضلمة

.
.
.

ربنا يستر الشهرين اللى جايين .... حشوف الفاتورة ام 160 دى حتنط لكام بعد الزيادة

جداول كيفية حساب الفاتورة الشهرية للكهرباء | المصري اليوم

350 فاتوره شهر 7

انا عامل الشهر دة حوالي 500 كيلو * 34قرش

يعني حوالي 170 جنية من غير الزبالة و الدمغة والكلام دة

يعني حدخل في 200 جندي

Sent from my SM-C115 using Forum Runner

انا حظى ان جالى فاتورتين زى بعض واحدة قبل الزيادة و التانية بعد الزيادة و اعتقد المحصل كسل ياخد القراية و حطولى نفس الاستهلاك عموما

592 kw قبل الزيادة جاتلى 123جم
بعد الزيادة 157 جم دة منغير نظافة
الشهر الجى استهلاكى kw 1150 يعنى فى انتظار لوكشة محترمة

ايه يا جدعان الاسعار دى طيب فاتورة الكهرباء عندى دفعتها اول امبارح

الكمية المستهلكه 730 كيلو وقيمة الاستهلاك 100 جنية وبالنظافة وبالدمغات بكله 115 جنية دى فاتورة شقة

الفاتورة التانية لشقة تانية الاستهلاك 196 كيلو قيمة الاستهلاك 29 جنية بالنظافة بالدماغات 38 جنية

مش عارف الاسعار دى انتوا بتجبهوا منين ازاى يعنى واحد استهلاكه اقل منه وبيدفع فاتورة اعلى ولا احنا بننصب على الحكومة ولا ايه ههههههه

ومتنسوش تزودا تمن طباعة الفاتورة نفسها (خازوق جديد من الشهر ده) .. من (3 جنيه الى 7 جنيه ونصف) حسب الشريحة ..

اقتباس:

---

المشاركة الأصلية كتبت بواسطة lolnk

ايه يا جدعان الاسعار دى طيب فاتورة الكهرباء عندى دفعتها اول امبارح

الكمية المستهلكه 730 كيلو وقيمة الاستهلاك 100 جنية وبالنظافة وبالدمغات بكله 115 جنية دى فاتورة شقة

الفاتورة التانية لشقة تانية الاستهلاك 196 كيلو قيمة الاستهلاك 29 جنية بالنظافة بالدماغات 38 جنية

مش عارف الاسعار دى انتوا بتجبهوا منين ازاى يعنى واحد استهلاكه اقل منه وبيدفع فاتورة اعلى ولا احنا بننصب على الحكومة ولا ايه ههههههه

---

اصبر تاخد حاجه حلوه بعد فتره بيعملو حاجه اسمها مستحقات قديمه --دول ولاد هرمه

اقتباس:

---

المشاركة الأصلية كتبت بواسطة aminibrahim

اصبر تاخد حاجه حلوه بعد فتره بيعملو حاجه اسمها مستحقات قديمه --دول ولاد هرمه

---

قشطة عليك بس متهيالى مفيش لان قراءة العداد تقريبيه لقراءة اللى جايه فى الايصال