الموضوع: جيلي امجراند 7

ابعد عن الشر وغنيله

صباح الخير الامجراند عربية جيدة مقابل كل جنية هتدفعة وتعنبر افضل صيني نزل مصر وباعت 18000 عربية في اقل من سنتين وخصائص العربية افضل اتساع واقل استهلاك وقود وسيبك من اشاعة الصداء لان مالهاش اساس غير حرب توكيلات لان العربية بتبيع جامد وبناخد حصة توكيلات كبيرو
ة من السوق حمد قلبك وصلي استخارة واتوكل علي الله ماتخفش هتنبسط منها تحياتي

انتشار جامد الكماليات اللي فيها لو موجوده في عربيه كوري مش اقل من 125 الف

أنا قارنت بينها و بين أكسنت rb تفوقت عليها في كل حاجة و العربية لا يعيبها أي عيب ... بجد عربية محترمة جدا و واسعة و شيك و التابلوه بتاعها محترم و فيها كماليات روعة ... أنا حاليا أمتلك العربية ديه و لسة بلينها و هي عربية جبارة و ثباتها ممتاز لحد ال160 ... بصراحة لو عايز تحس ن فلوسك ماضاعتش يبقي اشتريها علي طول

المشاركة الأصلية كتبت بواسطة dedi

يا باشا ممكن تتقبل نقدى بصدر رحب
حضرتك قارنت بينها وبين اللانسر وجعلتها متفوقة على اللانسر ودة شئ عجيب ومبالغ فية جدا
حضرتك بتاكد انة موضوع الصدا دة اشاعة حضرتك ممكن تتكلم عن نفسك انة ماعندكش صدا لكنة ليس اشاعة وحضرتك انا شوفت 3 عربيات فيهم صدا وبردة فية ناس محترمين هنا اقروا بانة عندهم صدا
انا عاوز اقول لحضرتك شوية صدا فى عربية استعمال بقالها 20 او 15 سنة كفيل بان يقصف عمرها وسعرها الارض
تحياتى لحضرتك

زميلي العزيز مرحبا بك وطبعا انت مندهش من المقارنة بالبوما والصني لكن اركب دي واركب دي وهتشوف الفرق اجري بالامجراند واجري ومع احترامي الكامل لاياباني شوف الميتسوبيشى في الجري والصني مع وضع التسارع لصالح اليابانيتين افضل برضة استهلاك البنزين الجيلي 340في الصفيحة علي مختلف الطرق لاني باسافر كل يوم من مدينة نصر لطنطا او الاسكندرية والعودة والمتشوبيشي عمرها ما عملت اكتر من260 كم للصفيحة والنيسان بلاعة يوم ما تقول تشغيل اقتصادي ماعملتش اكتر من220كم وكنت باعمل فرح طبالتحميل شنطة الايمجراند الاكبر بلا منازع والمساحة الداخلية الامجراند الاوسع برضة طيب الارتفاع عن الارض مين افضل الايمي هتلاقيها الاعلي طيب الفرامل جهاز فرامل الايمي بوش الماني وشوف حجم التيل و الديسكات وكمان عندك ديسكات ورا غير الطيلة في المتسوبيشي والنيسان وقارن مسافة الفرامل برضة الجيلي تكسب مع الوضع في الاعتبار الفرق في الحجم والوزن وبرضة لصالح الجيلي الفرق اللي كان لصالح اليابنيات سمك طارة الدريكسيون والتسارع وانك كاشف جميع جهات العربية من كل ناحية برضة الاضاءة كشفات الايمجراند افضل بكتير
معني عربيات مصدية ولغاية دلوقتي ماشفتش الملاك العزاز دول راحوا عملوا محضر في القسم او بلغوا حماية المستهلك انا لو مكانهم كنت قلبت الدنيا وكان اتعمل زي ما اتعمل في النيسان الجديدة مع التوكيل لكن محصلش مش طيابة من المالكين بالتاكيد الناس صاحية وكل واحد بقي عارف يجيب حقه كويس من فم السبع والواضح انها كما قلت حرب توكيلات فعلا العربية كويسة بفض النظر عن كونها صيني ومتفوقة بالنسبة للسعر المنافس اللي مطروحة بية والمشكلة في اهتمام الوكيل بيها وانشاء مراكز خدمة تتوافق مع حجم المبيعات وشوية اهتمام بجودة التقفيل وهتمسح السوق مسح وبكرة نشوف تحياتي ليك وللاخوة جميعا