مطلوب bmw X1 كسر زيرو ٢٠١٤أو ٢٠١٣

**ferrari1500** · 04-08-2014 07:54 AM

السلام عليكم يا بيمرز
أنا بدور علي x1 ٢٠١٣ ويفضل ٢٠١٤ بسعر معقول شرط ممشي قليل
ويا ريت اللى يعرف معرض أو مكان يدلنى عليه وهل ممكن الاقى في المستعمل المضمون بتاع الوكيل ولا بلاش
وشكرا

**FrozenFire** · 05-08-2014 08:37 PM

ركز كده مع موقع كونتاكت لأن أصحاب العربيات دي مش بينزلوا سوق
ولأن العربيات دي قليلة فصعب تلاقي معرض بيعرضها

متهيألي كونتاكت مفيد قوي في الحالة دي

**ferrari1500** · 05-08-2014 10:14 PM

فعلا انا بتابعهم بس اما سعر مبالغ أو حالة مش ولا بد او لون اسود !!!!!
بصفة حضرتك من ملاكها هل تنصحنى بيها ولا لأ ؟
وهل في فرق بين السبورت والاكس لاين الا في فتحة السقف البانوراما ؟

**FrozenFire** · 09-08-2014 05:46 PM

والله أنا بتسئل السؤال ده كتير وإجابتي هي على حسب إستخدام سيادتك.

أنا عامل موضوع حتلاقيه في المواضيع المثبتة هنا في القسم ممكن تقرأه ولو عندك سؤال أنا تحت أمرك.

بس هي كعربية رااااااائعة من وجهة نظري.

بالنسبة للفرق فهو مش فتحة سقف. الإتنين ما فيهومشي فتحة سقف. فتحة السقف كانت بتنزل مع أوبشنز تانية في فئة إسمها هاي لاين ودي بطلت تنزل في الفيس ليفت يعني من حوالي 3 سنين.

الفرق بين الإتنين هو في ألوان الداخل وإن السبورت أوطى حوالي سم ونص عن الإكس لاين.

الفرق بس شكلي وليس أوبشن أو أداء. بالنسبة ليا أنا كنت مرتاح أكتر لشكل الإكس لاين. شكل السبورت جميل برضه ولكن ما كانشي مريح نفسيا ليا. راحات بقى.هاهاهاهاها

**ferrari1500** · 10-08-2014 02:32 AM

المشاركة الأصلية كتبت بواسطة FrozenFire

والله أنا بتسئل السؤال ده كتير وإجابتي هي على حسب إستخدام سيادتك.

أنا عامل موضوع حتلاقيه في المواضيع المثبتة هنا في القسم ممكن تقرأه ولو عندك سؤال أنا تحت أمرك.

بس هي كعربية رااااااائعة من وجهة نظري.

بالنسبة للفرق فهو مش فتحة سقف. الإتنين ما فيهومشي فتحة سقف. فتحة السقف كانت بتنزل مع أوبشنز تانية في فئة إسمها هاي لاين ودي بطلت تنزل في الفيس ليفت يعني من حوالي 3 سنين.

الفرق بين الإتنين هو في ألوان الداخل وإن السبورت أوطى حوالي سم ونص عن الإكس لاين.

الفرق بس شكلي وليس أوبشن أو أداء. بالنسبة ليا أنا كنت مرتاح أكتر لشكل الإكس لاين. شكل السبورت جميل برضه ولكن ما كانشي مريح نفسيا ليا. راحات بقى.هاهاهاهاها

انا قريت فعلا موضوع حضرتك وهو تحفة وفعلا انا سألت في التوكيل ولقيت ال x-line ٢٠١٥ بقت ب ٣٤٨ و السبورت ٣٦٤ زيادة عنها فتحة السقف البانوراما رجعهوها تانى مع ٣ اختيارات للداخلية بيچ او اسود أو أحمر مع تصميم كراسي رياضية وبدل التخشيب في الكونسول الومنيوم
انا اتأكدت بنفسي واول دفعة تسليم بعد شهرين من السبورت لكن الاكس لاين ممكن خلال شهر وعندهم عربيتين في المستعمل ٢٠١٣ بس استغلتهم ب ٢٩٠ الف ٢٠ الف كم والتانية ٥ الاف كم فضى ب ٣٠٠ لكن فيها خبطة في الصدام الخلفى

**FrozenFire** · 10-08-2014 04:25 PM

المشاركة الأصلية كتبت بواسطة ferrari1500

انا قريت فعلا موضوع حضرتك وهو تحفة وفعلا انا سألت في التوكيل ولقيت ال x-line ٢٠١٥ بقت ب ٣٤٨ و السبورت ٣٦٤ زيادة عنها فتحة السقف البانوراما رجعهوها تانى مع ٣ اختيارات للداخلية بيچ او اسود أو أحمر مع تصميم كراسي رياضية وبدل التخشيب في الكونسول الومنيوم
انا اتأكدت بنفسي واول دفعة تسليم بعد شهرين من السبورت لكن الاكس لاين ممكن خلال شهر وعندهم عربيتين في المستعمل ٢٠١٣ بس استغلتهم ب ٢٩٠ الف ٢٠ الف كم والتانية ٥ الاف كم فضى ب ٣٠٠ لكن فيها خبطة في الصدام الخلفى

جديدة معلومة السقف البانوراما دي. ومنكم نستفيد.

بس سؤالي هو ال2015 ده الشكل الجديد ولا الشكل الحالي؟؟؟؟