-
صور الألتو بالأكصدام المعدني الأمامي والخلفي
-
-
جامد جدا الاكصدام ده . ياريت تقولنا سعره كام ؟
وربنا يباركلك فى العربية ويبعد عنك شرها
-
الله بجد تحفة
فعلا ممكن تقول لنا سعره كام وعملته فين ؟ القاهرة ولا اسكندرية
ربنا يحفظك عالطريق
-
السلام عليكم
أنا عملت الأكصدام في الدويقة (قبل ما تقع على أصحابها)
وسعره كان حوالي 900 جنيه.
بس الراجل الذي عمله كان مستهتر ومماطل جدا لدرجة أني عملته بعد حوالي 6 زيارات لهذا المكان العجيب.
على العموم فيه شخص بيعملهم في غمرة.
ويوجد شخص آخر في شارع دمشق بالقاهرة لكنه بيركب الاكصدام بتاع الماتريكس بعد التعديل وبيكون شكله مش كويس قوي.
وأنا جاهز لأي استفسار
-
اولا شكرا على الرد
ومبروك عليك بجد شكلهم نضيف جدا
بس ياخسارة لازم فى القاهرة انا من اسكندرية وصعب ننزل مخصوص للموضوع ده
هو ينفع نعملهم فى التوكيل فى اسكندرية افيدونا
-
التوكيل لا يركب الاكصدام للألتو طبعا ولكنه يركب الاكصداد الجاهز للسوزوكي فيتارا وغيرها.
اسئل عن حد بيعملهم في الاسكندرية وأكيد هتلاقي إن شاء الله وعلى فكرة بعض الحدادين بيشتغلوا في الموضوع ده. بس لازم يكون عنده خبرة كويسة جدا لان عمل الاكصدام مش سهل.
-
ربنا يسهل نسأل ونشوف
شكرا yosr
-
بجد شكله تحفه عليها ومظبوط جدا
مكنتش متوقع ان يكون شكله كده اول لما قرات العنوان
-
مبروك يا باشا فعلا تحفة و اسم الراجل اية اللى فى غمرة ؟؟ او دمشق
-
عندي سؤال ؟؟ المرووووووووووووووووووووو ر ما غلسش عليك ؟؟؟؟؟؟
كمان حاجه انا سمعت ان الاكضدام بيأثر علي الشاسيه بتاع العربية ؟؟ سألت علي الموضوع ده ولا لأ ؟؟
-
يا ختى كميلة
شكلها جامد اوى توحي من بعيد انها ماتريكس وانها عربية كبيرة
مبروك عليك وربنا يبارك لك فيها
-
للأسف الشديد أنا لا أتذكر الراجل بتاع غمرة ولكن يمكنك السؤال هناك لو مهتم بالمسألة
وبالنسبة لشارع دمشق، أيضا لا أتذكره ولكن ستشاهده واضع اكصدامات ماتريكس أمام المحل .. وهما تقريبا 3 أشخاص هناك. منهم واحد على اليمين (وانت قادم من اتجاه روكسي) بيركب اكصدام الماتريكس في الألتو
وأنا على العموم سأسأل صديق لي عن اسمهما... يمكن يفتكر..
وأنا في خدمتكم جميعا
-
اقتباس:
المشاركة الأصلية كتبت بواسطة zalpany2000
عندي سؤال ؟؟ المرووووووووووووووووووووو ر ما غلسش عليك ؟؟؟؟؟؟
كمان حاجه انا سمعت ان الاكضدام بيأثر علي الشاسيه بتاع العربية ؟؟ سألت علي الموضوع ده ولا لأ ؟؟
الدفندر غير مركب على شاسيه السيارة ولكن في حلقتي الجر خلف السيارة وثقبين في مقدمة السيارة. وأحب اطمئنك أن الدفندر مركب بالمسامير وليس فيه أي لحامات وهذا كان شرطي لتركيبه. وأنا وضعت قطعتين من الكاوتش بين الشاسيه والدفندر الأمامي لحايته (إلى حد ما) من الصدمات الخفيفة.
وبشكل عام الدفندي وظيفته الحماية من الخبطات الطفيفة والترييحات وليست الحوادث والعياز بالله.
وبالنسبة للوزن، أعترف أن وزنه ثقيل نسبيا حوالي 15 كيلو للخلفي و20 للأمامي. ولكن المسألة هي الموازنة بين مزاياه وعيوبه. وأعتقد أن الكفة ترجح لصاله المزايا مثل الحماية من الترييحات. وبالمناسبة، الدفندر (مخبوط) من الخلف ولولا فضل الله ووجود هذا الدفندر كانت الخبطة ستكون في اكصدام السيارة نفسها. وأنا أصلا (اتربيت) من تكسير فوانسي السيارة القديمة بسبب الترييحات..حوالي 3 مرات.
-
اقتباس:
المشاركة الأصلية كتبت بواسطة megoghanem
يا ختى كميلة
شكلها جامد اوى توحي من بعيد انها ماتريكس وانها عربية كبيرة
مبروك عليك وربنا يبارك لك فيها
شكرا لك ولجميع الأخوة الذين هنئوني وباركوا لي.
أرجو من الله أن يصلح أحوالهم وأحوال سيارتهم جميعا
-
وعلى فكرة أنا عملت فيها فكرة جديدة أخرى..
تفتكروا تكون أيه؟؟
إن شاء الله هصورها وأضع صورها لكم بالشيء الجديد
وشكرا لاهتمامكم
-
شكله حلو ع العربية ربنا يبارك لك فيها
-
هاى شباب و بنات
اللى عاوز يشترى الدفندر ده موجود فى شارع معروف فى وسط البلد الشارع اسمه ( معروف ) فى نفس الشارع اللى فيه مطعم الكشرى بتاع ابو طارق وتقريبا نفس السعر بس شكله جامد جدا جدا
ملحوظه
هذا الدفندر مخالفه وتسحب عليه الرخص مع غرامه
دول عاوزين العربيه شولليطى مولليطى
منه له