السلام عليكم ورحمة الله وبركاته
لا أخفيكم سراً أنا بقالي فترة بفكر أغير العربية اللى معايا ولقيت بعض العروض وفكرت فى كذا حاجة منها البدل بـ بيجوة 405
ومرة شيروكي 98
ومرة أوكتافيا
واستقريت فى أخر الامر أنــي هبيعهــا واشتــري حاجة تاني خالص بعيدا عن الملاكي (( سوزوكــي فان 7 راكــب )) (( عربية اسرية وأكبــر )) ومنها مشروع لاحد أفراد العائلة وتكون مصدر دخل ليه ..... أسف طولت عليكم
دخلت على المواقع الاعلانية ولقيت اسعار مش عارف إذا كانت حقيقية ولا لاء بالمقارنة مع المعروض ((( عربيتي بالنسبة ليهم تعمل فى حدود 34 أو 35 دة على حسب الاسعار والموديلات والمواصفات الموجودة
مش عارف أكمل المشوار وابيع واتوكل على الله ولا أعيد التفكير ..... وهل فعلا دي الاسعار اللي أبيع بيها مع العلم أن كان واحد من الزملاء عارض عربيتة على المنتدي وليقت الاسعار المعروضة علية متدنية فبكدة مش هفكر بصراحة اديها لحد من المنتدي لسببين
أولا :- لو الاسعار اللي فى السوق مبالغ فيها يبقي ظلمت اللى أخدها خصوصاً لو من المنتدي
ثانيا :- طيب لو الاسعار دي طلعت أسعار البيع الحقيقية يبقي أنا خسرت كتير في بيعها وخصوصا أني لسة هكمل على فلوسها علشان العربية التانية
والله مش عارف أعمل اية ومحتاج النصيحة والمشورة فحبيت أفكر معاكم بصوت عالي كعادتي مع أصدقائي الاعزاء
تقبلو تحياتي واسف على الاطالة
المفضلات