الفيس بوك مبيرضاش يفتح على i pad ... اعمل ايه

**Y a r i s** · 04-08-2014 03:08 PM

مساء الخير يا شباب

دلوقتي. انا منزل برنامج. او تطبيق الفيس بوك على الاي باد ... وكانت الحياة فل الفل والعملية ماشية شربات ... فجئة لقيت اسمي مش راضي يفتح على الفيس بوك ... وفجئة موقع الفيس بوك ذات نفسوا. مش قادر افتحوا على. حتى سفاري او حتى على متصفح جوجل الي هو اسمو كروما ... والسبب بيقلي عاوز فلاش بلاير ... طيب اجي انزل الفلاش بلير يقولي ايرووور ... الجديد دلوقتي ان حتى اليو تيوب. مش قادر افتحوا كمان من على الاي باد ... ياترى ده فايروس ولا حد اخترق اي بادي ولا الأي باد عجز. خاصةً. انو قديم من اول ما نزل الايبدات مصر. تقريباً. ون. او اي باد تو مش فاكر .

ااااااااااه يا أيبادي يمه ... اعمل ايه ياشباب تنصحوني بأيه
@@@@@@@
وتحياتي

**Y a r i s** · 04-08-2014 03:20 PM

دي صورة كل ما افتح صفحة الفيس بوك يطلعلي كده
اجي ادوس انيستول. يقولي ايروور ؟

**Y a r i s** · 04-08-2014 03:23 PM

وادي كمان ياسيدي لمن اجي افتح مثلاً حاجة يو تيوب بيطلعي المسج دهو

**Y a r i s** · 04-08-2014 03:31 PM

المشاركة الأصلية كتبت بواسطة ahmedjemy

اتاكد من التاريخ والوقت لازم يبقو مظبوطين وبعدين اعمل ابديت للجهاز وقولىى النتيجة علشان نحدد بعدها .

تصدق معاك حق ياباشا ... انا لاحظت ان الحكومة لمن قدمت الوقت ساعه الاي باد قدم الوقت لوحدوا اتوماتيكي ومن ساعتها المشاكل ابتدت تظهر ... وفي الاعدادات محطوط في (( عام ... التاريخ والوقت ... الضبط التلقائي ... انا فاتحها على الاون )) لان مينفعش اضبط الوقت يدوي.

بالنسبة للتحديثات مفيش اي تحديثات ظاهره لي الفيرجن الي عندي

iso .7.1.2

**Y a r i s** · 05-08-2014 12:49 AM

باشا قلبت الوقت منيول ورجعت الساعه للتوقيت الشتوي بتاع زمان قام. الفيس بوك اشتغل واليوتيوب اشتغل والحياة بقى لونها بممبي وياااااااه ردت فيا الروح من تاني ... طلعت. جبت جبنة وبيض وشوية حاجات للبيت رجعت. جي اشغلو تاني لقيت المسج دهو.

ومفيش حاجة عاوزة تشتغل. لافيس بوك ولا يو تيوب فمش عارف. ارجعو التوقيت الصيفي تاني ولا اعمل ايه ؟ انا بفكر اعمل اختيار الدولة واخليها. لندن مثلاً واحط التوقيت على ساعة جرينتش. وهما هناك لا بيقدموا ساعه ولا بيأخروا ساعه فايه راي حضرتك ... وتحياتي

**Y a r i s** · 05-08-2014 12:05 PM

المشاركة الأصلية كتبت بواسطة ahmedjemy

لو عندك انتي فيرس على الجهاز اقفلة وجرب غالبا دي المشكلة وخصوصا لو كاسبرسكى انتي فيرس

لا معنديش انتي فايروس على الاي باد
حطيت التوقيت على جرينتش منفعش وجربت على توقيت المملكى العربية السعودية. برضوا اشتغل شوية وبعدين رجع تاني مش راضي يفتح