سيدي الفاضل ميكانيكا السيارة سهله جدا واي ميكانيكي يشتغل فيها بس نصيحة طول مدة الضمان متخليش حد يلمسها غير الضمان وبالنسبة لقطع الغيار هيه متوفرة عندنا في القاهره لكن في العريش مقدرش افيدك الصراحه
عرض للطباعة
طيب معلش دلوقتى كل الناس عندى بتقنعنى بالفيرنا او اللانوس علشان قطع الغيار متوفرة ومش غالية زى اللوجان بس الواحد مش مرتاح للفيرنا واللانوس فكنت عايز رأيك
السلام عليكم ... مبروك عليك العربية وربنا يكفيك شرها ...
انا ان شاء الله نويت اجيب الفئة الخامسة .... تنصحني اجيب لون معين ؟؟؟ ...
وابص على ايه وانا بااخد العربية ؟؟؟ ...
والمفروض استلم معاها ايه ؟؟؟ ...
متابع
الف مبروك مقدما وربنا يهنيك بيها
اولا اللون حسب الذوق هم خمس الوان بينزلو في التوكيل ابيض واسود وشامبين ورمادي ونبيتي
لو حضرتك ساكن في منطقه فيها تراب كتير نصيحه مني ابعد عن الاسود والنبيتي وفكر في التلاته التانين حسب الذوق طبعا
الحاجات اللي المفروض تطمن عليها وانت في التوكيل او المعرض شوف الموضوع دا هيفيدك اكتر مني http://www.nilemotors.net/Nile/212786-a.html
اللي هتستلمه معاها
1. الضمان وضمان الكاسيت
2. عقد مبايعه من التوكيل ليك ولو هتجيب من المعرض هيبقي عقد مبايعه من الشركه المصريه ( وكيل رينو ) للمعرض وعقد مبايعه من المعرض ليك
3. بصراحه معرفش في ورق افراج جمركي للوجان ولا لا
حضرتك انا كان معايا فيرنا من الزيرو وقعدت معايا 6 سنين هقولك مقارنه سريعة
الفيرنا زيرو أمان صاج ضعيف جدا فراملها تقريبا مش موجوده وزنها خفيف 975 كيلو تقفيلها فيه عيوب كتيره من الاخر انتا بتدفع 84 الف جنيه في ماتور وتكييف فقط
قطع غيارها مفيش اكتر منها في السوق واغلبها مضروب وانتا وحظك
واطيه جدا علي الارض وبتحك في اي مطب وضيقه جدا من الداخل
مميزاتها عمليه جدا بس مع اللي يصونها ويصرف عليها ويجيب كل حاجه أصلي زي حالاتي
تكيفها وسحبها ممتاز الصراحه بس مشكلتها بعد ال 100 مفيش أي ثبات خالص مع اني كنت مجنط 14 اندونيسي 185 بس بردك مفيش اي تحسن حصل ولو عرضت اكتر من كدا هتحك معاك في الكارتيره وهتقرفك
الانوس تقريبا نفس القصه
اللوجان انا شرحت عيوبها ومميزاتها في المووضوع اسعار قطع غيارها في التوكيل قريبة لاسعار الفيرنا في التوكيل مفيش فرق كبير في السعر ومميزاتها وعيوبها شرحتها وموضوع فصل الدواره اللي حكيت عنه في الموضوع اتحل بسوفت ويير جديد في التوكيل من الاخر هتحس بفرق كبير جدا بين اللوجان الشكل الجديد والفيرنا والانوس وانزل بنفسك وجرب دي ودي بس نصيحه لوجه الله متسمعش كلام من حد مجربش علشان الفتايين كتير اوي في بلدنا
وعليكم السلام ورحمة الله وبركاته
الله يبارك في حضرتك
مصر معروف عنها انها ترابيه يعني الالوان الغامقه ابعد عنها هتقرفك وكمان العربية مش كبيره من بره واللون الغامق مش هيليق عليها
انا عن نفسي جايب النبيتي وبرشحهولك هو والفضي والازرق والشامبين وانتا وزوقك في اللوان
ربنا يوفقك في الاستلام وتستلم علي خير بأذن الله
بالنسبة للاستلام لما تيجي تستلم بأذن الله تفحص العربية اكنك بتشتريها مستعمله ولو عليها لزق ابيض شيله علشان لو في حاجه مستخبيه تحته تبان تجرب كل حاجه فيها الجي بي أس والتكييف والانوار وكمبيوتر الرحلات وتتأكد ان كل شئ تمام
هتستلم كوريك واستبن وشنطة عدة وافراج جمركي وشهادة البيانات ونسختين مفتاح و 3 كتالوجات ده اللي انا فاكره دلوقتي
تقرير ومشاركات ممتازة يا باشا .. بس كان عندي سؤال هي نزل منها اللون الازرق " بيبسي " في مصر عشان شوفتها اكتر من مرة في الشارع .. وتفتكر الاوتو لما ينزل هيبقي في حدود كام الهاي لاين