المشاركة الأصلية كتبت بواسطة eng. Mostafa
خوفتني من حتة استهلاك البنزين, مش عارف كدة معدله كام في العربية الاوتوماتيك
بص يا ريس مش هيبقي الفرق كبير زي مانتا متخيل انا مثلا شغلي في مدينة نصر وساكن في 6 اكتوبر وبعمل يوميا 110 كيلو بالعربية واستهلاكي 7 لتر لكل 100 كيلو في الزحمه في الاتوماتيك كبيرها هيبقي 9 لتر لكل 100 كيلو
الاكصدام انا شايفه واطي جدا ولما بيكون راكن والعربية مدية وشها للرصيف بيكون لامس الرصيف, لكن معرفش في المطبات
مفيش اكصدام في مصر اعلي من ارتفاع رصيف ولازم تاخد بالك وانتا بتركن ووشك للرصيف العربية بطبيعتها عاليه زي ما قولتلك والاكصدام الحمد لله متلمسش من يوم ما اشتريت العربية
وبالنسبة لكونتاكت, في فرق بينهم وبين اني اجيب من معرض, لان لو هشتري منهم سعر العربية بيكون نفس سعر التوكيل بدون اوفر برايس (يعني تقريبا أقل 5 الاف جنيه)
هتنتظر نفس المدة بتاعت التوكيل لانه هيجيبهالك من التوكيل بالسعر الرسمي لكن هو من الاخر وسيط لمعارض خارجيه بياخد عموله وبيجيبهالك بالسعر المعلن عندهم ده سعر العربية الرسمي لكن ساعة الشراء هيظهر الاوفر برايس من تحت الترابيزه
لكن لو روحت اقسط مع معرض طبعا هيدهالي بالأوفر برايس واعتقد فايدة البنك هتبقي اعلي
بيتهيئلك فايدة كونتكت اعلي وكمان عندهم نظام بايخ فوق الوصف وهو انه بياخد فايدة العربية الاول من الاقساط الاولي وبعدين بيبتدي ياخد قسط العربية بحيث انك لو جيت في سنة وحبيت تسددها كاش تلاقيهم بيدوهالك روح لكونتكت في الزمالك وقولهم انك عايزها وشوفهم هيدوهالك بكام وانتا هتعرف كلامي
فالبديل ان هل ينفع اشتري العربية من التوكيل وادفع الفلوس من خلال البنك؟ يعني هل ينفع اجيب الفلوس من البنك واستني لحد ما استلم العربية من التوكيل بعد 3 او 4 شهور ولا احاول اشوف كونتاكت وهم يخلصوني من كل اجراءات البنك اللي هعملها لوحدي ولا ايه؟