انا لسه مستلم لوجان اوتو 2015 بس كان ليه سؤال انا حسس ان الدركسيون تقيل شويه وفيه تزيقه فى الفرامل قالولى وانا بستلم لسه هيطبع هل ده عادى و لا فيها مشكله و ايه موضوع قطمه الدركسيون اللى الناس كلها بتكلم عليه
عرض للطباعة
انا لسه مستلم لوجان اوتو 2015 بس كان ليه سؤال انا حسس ان الدركسيون تقيل شويه وفيه تزيقه فى الفرامل قالولى وانا بستلم لسه هيطبع هل ده عادى و لا فيها مشكله و ايه موضوع قطمه الدركسيون اللى الناس كلها بتكلم عليه
السلام عليكم
إن شاء الله ناوي أشتري لوجان أوتو..
بس لاحظت إن معظم ردود الشباب هنا عن أفضل المعارض للشراء سمير ريان أو الليثي أو الطارق ومحدش إقترح أباظة أوتو تريد ..
مع العلم إني مقيم في الغردقة بحكم شغلي وأباظة يعتبر أكبر موزع هنا ..
يا تري في مشاكل في عربيات أباظة ولا إيه الوضع؟؟
شكرا شباب
الدركسيون فعلا بتاع النيولوجان تقيل شوية لانه علي زيت مش كهربا ومع الوقت هتتعود عليه ولو تزيقة الفرامل دي قعدت معاك اكتر من 100 كيلو اطلع علي التوكيل وخليهم يشيكوا علي التيل والطنبوره لان مفيش تيل بيزيق ولا محتاج تطبيع اكتر من 100 كيلو
وبالنسبة لموضوع قطمة الدركسيون ده عيب صناعة شائع في الشكل الجديد بتحرك الدركسيون يمين وشمال بسرعه يعني سنه يمين وسنه شمال بسرعه لو لقيت في زي صوت طقطقه كدا يبقا العيب موجود عندك وبتتغير في الضمان علي حساب التوكيل
والف مبروك علي العربية وربنا يديك خيرها ويكفيك شرها وشر طريقها
انا بتكلم عن القاهره لان اباظه او اوتو تريد ملهمش شهره زي ما قولت لحضرتك لكن طبعا ده مش معناه انهم وحشين احنا بنقول اشهر المعارض مش معني كدا ان الباقي فيهم مشاكل توكل علي الله والف مبروك مقدما وربنا يديك خيرها ويكفيك شرها وشر طريقها
عربية حلوة جدا و انشاء الله ناوي اجبها بس كذا حد مخوفني من اسعار قطع الغيار و اسعار الصيانة انها غالية و مش ميكانيكية كتير بيفهموا فيها ياريت اعرف رائيكوا علشان انا الصراحة مليش خبره في العربيات
نصيحتي ليك يا بشمهندس مينا بلاش تسمع من حد علشان احنا اكبر بلد في العالم فيها نسبة فاتييين وكلامنجية العربية تعتبر في السوق من سنة 2009 لان الميكانيكا هيه هيه متغيرتش والميكانيكا بتعتها سهله لاي حد ومفيهاش اي تعقيدات الميكانيكيه بيهربو اه بس من الميجان والكليو علشان فعلا شغلهم مقرف ومش سهل والميكانيكي طبعا بيحب الحاجه السهله
بالنسبة لاسعار قطع الغيار والصيانة تعتبر اقل عربية في فئتها في اسعار قطع الغيار بالمقارنه بالنيسان الصني او الهيوانداي الاكسينت الار بي او السوزوكي ألسياز
انا عاوزه نصيحتك , محتاره ما بين سوزوكى سياز (و طبعا متخوفه من انها 1400 cc و انها لسه متجربتش كفايه و شايفه ان خامات التابلوه و الخامات الداخليه ضعيفه و سيئه )و ما بين النيو لوجان اوتوماتك هاى لاين ( و طبعا بكل مشاكل اللوجان اللى سمعتها من تأخير الدواره , و ان التكييف كفاءته بتقل, و ان ضفيرة الكهرباء مش معزوله , قطمة الدريكسيون, سخونه عند الدواسات ) .... انا معايا فيرنا و طبعا التكييف بتاعها قوى جدا و ممتاز , و انا شغلى بيعتمد كليا على العربيه ... شكرا لحضرتك
انا لسة مستلم النيو لوجان اهي, والحمد لله مفيش المشاكل اللي بتقولي عليها دي خالص, المشكلة اللي بتواجهني بس هي بسمع صوت في الفرامل لما اكون نازل كوبري مثلا واضغط مرة واحدة, وساعات بحس ان صوت الموتور عالي, بس كل الناس قالت انه بيهدي بعد كدة, لكن بعد 600 كيلو والحمد لله راضي جدا عنها
الحاجة الوحيدة اللي مضايقاني بقي كثرة الخدوش والخبطات اللي بتحصلها وربنا يسترها علينا يا رب :(
ازيك يا استاذ احمد عامل ايه؟ الحمد لله استلمت العربية من اسبوعين والحمد لله ماشي الحال, بس كنت عايز اسألك في حاجتين:
1- العربية اتخبطت كدة من فوق العجلة اللي ورا والصاج اتطبق ومحتاج يترد, الخبطة مش كبيرة اوي يعني حوالي شبر كدة وانت قافل ايدك, فهل لما اعمل صيانة الالف في التوكيل هيعملهالي علطول لانه محتاج يفك الكارتيرة ولا هيقولي سبهالي شوية بقي؟
2- تاني حاجة بقي عربية لونها سيلفر وبيحصل خدوش في الاكصدام اللي ورا وبيتقشر كدة واللون الاسود اللي تحت بيظهر, فهل ده مالهوش علاج؟؟ مفيش اي دهان او مادة تعالج ده, بس تكون مجربة وأكيدة وتداري الخدوش دي اللي في الاكصدام؟
زي ما قولت لحضرتك علي الخاص وقالك البشمهندس مصطفي دي حالات فردية انا عن نفسي غيرت قطمة الدركسيون علي الضمان في التوكيل من يومين من غير ما ادفع جنيه وبالنسبة لموضوع الضفيرة معتقدش ان شركة رينو مش هتكون مأمنه الضفيره وهيه عارفه انها بكدا ممكن تأذي العربية لانهم اول من هيخسروا في القصه دي ومفيش اي سخونه عند الدواسات نهائي الحمد لله وانا كان معايا فيرنا بردك قبلها وبقولك هتحسي بفرق رهيب بينها وبين الفيرنا
مفيش اي حاجه تعالج خدش قشر اللون الا بالرش ونصيحه انا عايزك تسيبها شوية اهي تاخد العين وبعدين ابقي رش الاكصدام لكن لو اللون الاساسي مطلعش والخدوش سطحيه هتجيب من اي محل اكسسوارات اسبراي wd40 وترش علي مكان الخدش وبقطنه نضيفه امسح علطول هتلاقي الخدش اختفي واللون رجع لطبيعته وبعد ما تمسح بالقطنه هتغسل بالمايه والصابون مكان الرش
وتحت امرك في اي استفسار اخر