تقرير مبسط مني على النيو لوجان 2015 بعد اسبوعين

[OVERLINE]السلام عليكم ورحمة الله وبركاته شباب المنتدى [/OVERLINE]


لعربية كملت الاسبوعين معايا وبسم الله مشاء العربية روعة انا مختار الفئة الكمفورت من معرض الطارق وكانت بسعر 92 ألف + 3000 جنيه اوفبر برايس واستلمتها بعدها بيوم وورقها الخاص بالافراج الجمركي والمبايعة بعدماستلمت العربية ب يومين وامبارح تمت ال 1000 كيلووحجزت ميعاد لصيانة ال 1000 بمركز خدمة سموحة الاسكندرية حيتم الخميس القادم ان شاء الله وسيتم فيها تغير زيت وفلتر زيت وتربيط على العفشة وسيتكلف ان شاء الله حوالي 387 جنيه + 10% ضريبة


بس امس عملت شيء غريب معي كنت بغسل العربية غسيل خيف كدة بخرطوم المياه وبعد ماخلصت حبيت أدور العربية واطلع ولاكن العربية مادرتش معايا ونورت لمبة سيرفس وجت دورت العربية تاني دارت معايا ومشيت تمام الحمد لله

[OVERLINE]ملاحظاتي خلال فترةال 1000 كيلو
[/OVERLINE]

1- الماتور صوته عالي نسبيا بالاخص عند تشغيل التكييف ( انا بقول يمكن عشان فترة تليين )
2- أحيانا بحس عضة بالفتيس اثناء النقل ودة كان في اول اسبوع لاكن بعد الاسبوع دة اختفت الحمد لله انا قولت ممكن بسبب عدم ضغطي على الدبرياج للاخر
3- في اول ايام العيد كان عندنا بالاسكندرية زحمة فوق ماتتخيلوا نزلت بالعربية( وهنا كانت اول حكة بباب العربية الخلفي باليمين بسبب عامود بالجراج تسببت ببعد الخدوش بالباب وهنا ابتدت العكننة والحمد لله وقدر الله ما شاء فعل ) طبعا العربيات بتتحرك بالزحف بسبب الزحام الشديد طبعا كنت بدوس بنزين مع تريحة دبرياج عشان اخنق الحركة وطبعا دة دام لمدة ساعة على الاقل فشميت ريحة زي ريحةكاوتش محروق فقلقت انها تكون الاسطوانة فبطلت الحركة دي وبقيت امور العربية واستنى السكة تمشي شوية واطلع اول واتحرك
4- العربية مميزة بعلوها وطبعا دة يتناسب مع شوارع المحروسة المدغدغة والمطبات العجيبة ولاكن العلو دة بيجعلك تشعر بكل نقرة بالارض بدوس عليها بتخلي العرية تهتز بشدة
5- عندي الاوتو لوك مش بيقفل لوحده بعد ماعدي ال 10 كيلو فطبعا لازم اضغط على مفتاح اللوك
6- العربية ايضا مفهاش re-lock بمعنى اني لو فتح العربية من كنترول المفتاح ومافتحتش اي باب المفروض العربية تغلق وطبعا دة مابيحصلش
7- لاحظت ان العربية مفهاش مؤشر حرارة ولاكن تظهر بلمبات البيان اذا العربية وصلت لدرجة حرارة اعلى من الطبيعي
8- على مااعتقد ان العربية مفهاش عمود أتزان امامي لاني جربت اخد ملف على سرعة عالية شوية فلاحظت ان العربية عامت مني

ان شاء الله أخلص صيانة ال 1000 كيلوا وابلغكم بالتطوراات واسف مش نافع ابعت صور للعربية اول مايتاح لي انترنت بسرغة محترمة اظبط ان شاء االله

+ محتاج أعمل فرش جلد للعربية بس فمحتاج اسئل هناك بالتوكيل هل فك الكراسي ووضع الفرش غليها يخرج السيارة من الضمان لان زي مانتوا عارفين عشان يكون الفرش كويس لازم يتلبس صح مش مجرد تركيب على القديم وبس فياريت بقى الي يعرف حد كويس بالاسكندرية ياريت يبلغني ويكون صنايعي واسعاره حنينة وياريت لو تدلوني على نوع جلد محترم

مبروك عليك العربية

شكرا لنقل تجربتك

تقرير ممتاز يا باشا ..... وربنا يبارك لك فيها ويكفيك شرها .
بالنسبة للفرش الجلد هو احسن نوعية فى السوق ( الالمانى ) وده الموجود عند معظم الصنايعية ... والله اعلم هو فعلا المانى ولا لأ ....؟ ونصيحة مهمة اى صنايعى تروح له قوله عاوز غرزة ( دبل ) بتعطى شياكة فى الفرش

الصنايعية : معظمهم موجودين فى الشاطبى والازاريطة : كالتالى
1- اولاد الحاج / عبد المنعم السيد --- الصنايعى اللى هناك اسمه هشام : موجود فى شارع متفرع من ش سوتير ( شارع هريدى بتاع الفول ) اكيد عارفه طبعا ... ده انا عملت عنده الفرش ومحترم والسعر فى حدود 1300 جنيه .

2- جابر النوام : فى شارع ادارة الجامعة فى الشاطبى وانت ذاهب على الترام .... هو اشطرهم بس راجل معوج
قووووى .... وسبب انى لم اعمل عنده الفرش لانه مرضاش يعمل غرزة دبل ؛ مع العلم انه عملها من قبل فى عربية واحد زميلى متعللا ان ده شغل جاهز مش تفصيل ( مش عاوز يتعب نفسه )

3 - صنايعى تانى بس مش عارف اسمه بصراحة بس مكانه فى شارع سان مارك وتقاطع ش بورسعيد وانت نازل على البحر بجوار مسجد الصرف الصحى ...
وده صور للشغل بتاعه مشاركة من احد الاخودة هنا .....
http://www.nilemotors.net/Nile/420353-a.html

هو طبعا الاخ اللى عمل الشغل ده مش عارف ليه مرضاش يقولنا على اسم الصنايعى ؟؟!! حتى العنوان اللى كاتبه عنوان يتوه ... مش عارف هو سر حربى ولا ايه ؟؟!!!! .... بس انا عرفت الصنايعى من الصور اللى هو حططها ...
وكتبت كمان العنوان للزملاء اللى مشاركين .

ارجو ان اكون قد افدتك .... واى استفسار انا تحت امرك

مبارك عليك العربية تستاهل تمنها
ربنا يرزقك خيرها ويبعد عنك شرها

الف مبروك يا فندم :) ربنا يبارك :)

اقتباس:

---

المشاركة الأصلية كتبت بواسطة hunting_eagle

مبروك عليك العربية

شكرا لنقل تجربتك

---

لا شكر على واجب ونقلت تجربتي لاني شايف اصدقاء كتير بلمنتدى بيحاولوا يستفسروا عنها فبحاول افيدهم وان شاء الله افيدهم اكتر بعد ماروح الوكيل يوم الخميس ان شاء الله

اقتباس:

---

المشاركة الأصلية كتبت بواسطة ahmedamgad18

تقرير ممتاز يا باشا ..... وربنا يبارك لك فيها ويكفيك شرها .
بالنسبة للفرش الجلد هو احسن نوعية فى السوق ( الالمانى ) وده الموجود عند معظم الصنايعية ... والله اعلم هو فعلا المانى ولا لأ ....؟ ونصيحة مهمة اى صنايعى تروح له قوله عاوز غرزة ( دبل ) بتعطى شياكة فى الفرش

الصنايعية : معظمهم موجودين فى الشاطبى والازاريطة : كالتالى
1- اولاد الحاج / عبد المنعم السيد --- الصنايعى اللى هناك اسمه هشام : موجود فى شارع متفرع من ش سوتير ( شارع هريدى بتاع الفول ) اكيد عارفه طبعا ... ده انا عملت عنده الفرش ومحترم والسعر فى حدود 1300 جنيه .

2- جابر النوام : فى شارع ادارة الجامعة فى الشاطبى وانت ذاهب على الترام .... هو اشطرهم بس راجل معوج
قووووى .... وسبب انى لم اعمل عنده الفرش لانه مرضاش يعمل غرزة دبل ؛ مع العلم انه عملها من قبل فى عربية واحد زميلى متعللا ان ده شغل جاهز مش تفصيل ( مش عاوز يتعب نفسه )

3 - صنايعى تانى بس مش عارف اسمه بصراحة بس مكانه فى شارع سان مارك وتقاطع ش بورسعيد وانت نازل على البحر بجوار مسجد الصرف الصحى ...
وده صور للشغل بتاعه مشاركة من احد الاخودة هنا .....
http://www.nilemotors.net/nile/420353-a.html

هو طبعا الاخ اللى عمل الشغل ده مش عارف ليه مرضاش يقولنا على اسم الصنايعى ؟؟!! حتى العنوان اللى كاتبه عنوان يتوه ... مش عارف هو سر حربى ولا ايه ؟؟!!!! .... بس انا عرفت الصنايعى من الصور اللى هو حططها ...
وكتبت كمان العنوان للزملاء اللى مشاركين .

ارجو ان اكون قد افدتك .... واى استفسار انا تحت امرك

---

شكرا ياغالي على افادتك بالموضوع وان شاء الله حروح لاولاد الحج عبد المنعم بس بعد ذهابي للوكيل عشان استفسر هل لو عملت فرش للابواب وللكراسي بخلعها حيخرج العربية من الضمان ام لا

اقتباس:

---

المشاركة الأصلية كتبت بواسطة mkaram84

مبارك عليك العربية تستاهل تمنها
ربنا يرزقك خيرها ويبعد عنك شرها

---

الله يبارك فيك ياغالي عقبال ماتشتري ان شاء الله الاحسن منها وهي فعلا تستاهل تمنها بغض النظر عن بعض العيوب الي ذكرتها بالاعلى

اقتباس:

---

المشاركة الأصلية كتبت بواسطة ahmedmohamed7

الف مبروك يا فندم :) ربنا يبارك :)

---

الله يبارك فيك

ربنا يبارك لحضرتك فيها
ومشكور لنقل التجربه

اقتباس:

---

المشاركة الأصلية كتبت بواسطة j a g u a r

ربنا يبارك لحضرتك فيها
ومشكور لنقل التجربه

---

الله يبارك فيك لا شكر على واجب

الف مبروك ع العربيه ياكبير ... سؤال مهم .. إنت ظبطت هوا الكاوتش عندك بعد إستلام العربيه ؟ لو ماكنتش ظبته روح ظبته لأن كل المعارض بتبقى مزوده الهوا بتاع الكاوتش عشان الركنه وده السبب اللي يخلي عفشة العربيه ناشفه معاك وبتعوم .

اقتباس:

---

المشاركة الأصلية كتبت بواسطة bassemali

الف مبروك ع العربيه ياكبير ... سؤال مهم .. إنت ظبطت هوا الكاوتش عندك بعد إستلام العربيه ؟ لو ماكنتش ظبته روح ظبته لأن كل المعارض بتبقى مزوده الهوا بتاع الكاوتش عشان الركنه وده السبب اللي يخلي عفشة العربيه ناشفه معاك وبتعوم .

---

ايوة ظبط هوا الكاوتش اصلا فرغت الهواء العادي وبدلته بنيتروجين وضبطه على 35 ودة افضل حاجة

تحت امرك ... وانت برضه لو رحت لاى سروجى شوف الاول لو قدامه عربية شغال فيها وشوف شغله هيعجبك ولا لأ ؟

الف مبروك يا كبير و ربنا يكفيك شرها لو تعرف اسعار الصيانه ايه و اسعار قطع الغيار عشان بفكر اجيبها بس محتار بينها و بين اللانوس عشان موضوع ان التوكيل غالي و قطع الغيار غاليه بس حبيت اتاكد من حد معاه العربيه احسن و هل قطع غيار 2014 متوفره و لا لا يعني نزلت بره التوكيل

بس اهم حاجه و النبي اسعار قطع الغيار عشان التوكيل مش عايز يجاوب علي السؤال ده في التليفون وده مقلقني اكتر

سوري قطع غيار 2015

اقتباس:

---

المشاركة الأصلية كتبت بواسطة ahmed1990

الف مبروك يا كبير و ربنا يكفيك شرها لو تعرف اسعار الصيانه ايه و اسعار قطع الغيار عشان بفكر اجيبها بس محتار بينها و بين اللانوس عشان موضوع ان التوكيل غالي و قطع الغيار غاليه بس حبيت اتاكد من حد معاه العربيه احسن و هل قطع غيار 2014 متوفره و لا لا يعني نزلت بره التوكيل

بس اهم حاجه و النبي اسعار قطع الغيار عشان التوكيل مش عايز يجاوب علي السؤال ده في التليفون وده مقلقني اكتر

---

اقتباس:

---

المشاركة الأصلية كتبت بواسطة ahmed1990

سوري قطع غيار 2015

---

ان شاء الله ارد عليك باسعار قطع غيار يوم الخميس
بالنسبة لسعر صيانة ال 1000 وهي 387 + 10% ضريبة بيتم تغيير فلتر زيت وزيت ايضا

بالنسبة لقطع غيار 2015 لسة ماتوفرتش برة الوكيل

الي مزعلني جدا ان العربية اتخبطت بالجانب الايمن من الفخد للباب الخلفي منتظر ايضا اروح اتوكيل اشوف حيقولوا ايه ان شاء الله لو خلتهم يصلحوها تتكلف كام

بالنسبة للحيرة بينها وبين اللانوس عاوز اقولك حرام عليك فرق شاسع اللوجان افضل

اصل ناس كتيييير اوي خوفتني من موضوع الصيانه و قطع الغيار ده لان مش اي حد بيفهم فيها و موضوع فيها كمبيوتر ده

علي العموم شكرا يا كبيييير و في انتظار ردك بخصوص قطع الغيار

ياريت تفيدنا بالاسعار وياريت حوار ان العربية بتعوم منك وقرصة الفتيس دي لااحت ولا لا

شكرا ليك يا كبير

اليوم الحمد لله تم زيارة فرع سموحة بصيانة ال 1000 كيلو بفرع سموحة والخدمة هناك زي الفل وناس محترمين جدااااا

1- تم تغير الزيت بزيت 10000 كيلو
2- تم تغيير فلتر زيت
3- تم تربيط العفشة
4- تم ضبط هاء الكاوتش على 30 Psi انا حاسس ان العربية كدة افضل والدبة مش موجودة حاليا

5- الدبرياج تم ضبطه لانه كان عالي جداا
6- تم تفعيل ال Auto-lock لاكن ال Re-lock للاسف متفعلش قلولي يومين ونفعلهولك لان جهاز الكمبيوتر خرب منهم
7- للاسف الخبطة الي بجانب السيارة قلولي لازم اروح بيها على العامرية عشان مش موجود بسموحة سمكري ودوكو
تكلفة الصيانة 425 بالصرائب

بالنسبة للاسعار مثل ماغطى اخونا هنا
http://www.nilemotors.net/Nile/434184-2015.html

ضيف اسعار الباب الخلفية 1840 جنيه صاج بس الامامي لسة لم يتوفر سعره

اقتباس:

---

المشاركة الأصلية كتبت بواسطة cato240

ايوة ظبط هوا الكاوتش اصلا فرغت الهواء العادي وبدلته بنيتروجين وضبطه على 35 ودة افضل حاجة

---

خللى بالك رينو بتقولك ان الكاوتش الامامى يبقى 32 لكن الخلفى يكون 29 والاستبن يبقى 32 هوه كمان ... انا غيرت نيتروجين وظبطت على كده والحمد لله العربية تمام معايا

اقتباس:

---

المشاركة الأصلية كتبت بواسطة cato240

[OVERLINE]السلام عليكم ورحمة الله وبركاته شباب المنتدى [/OVERLINE]


لعربية كملت الاسبوعين معايا وبسم الله مشاء العربية روعة انا مختار الفئة الكمفورت من معرض الطارق وكانت بسعر 92 ألف + 3000 جنيه اوفبر برايس واستلمتها بعدها بيوم وورقها الخاص بالافراج الجمركي والمبايعة بعدماستلمت العربية ب يومين وامبارح تمت ال 1000 كيلووحجزت ميعاد لصيانة ال 1000 بمركز خدمة سموحة الاسكندرية حيتم الخميس القادم ان شاء الله وسيتم فيها تغير زيت وفلتر زيت وتربيط على العفشة وسيتكلف ان شاء الله حوالي 387 جنيه + 10% ضريبة


بس امس عملت شيء غريب معي كنت بغسل العربية غسيل خيف كدة بخرطوم المياه وبعد ماخلصت حبيت أدور العربية واطلع ولاكن العربية مادرتش معايا ونورت لمبة سيرفس وجت دورت العربية تاني دارت معايا ومشيت تمام الحمد لله

[OVERLINE]ملاحظاتي خلال فترةال 1000 كيلو
[/OVERLINE]

1- الماتور صوته عالي نسبيا بالاخص عند تشغيل التكييف ( انا بقول يمكن عشان فترة تليين )
2- أحيانا بحس عضة بالفتيس اثناء النقل ودة كان في اول اسبوع لاكن بعد الاسبوع دة اختفت الحمد لله انا قولت ممكن بسبب عدم ضغطي على الدبرياج للاخر
3- في اول ايام العيد كان عندنا بالاسكندرية زحمة فوق ماتتخيلوا نزلت بالعربية( وهنا كانت اول حكة بباب العربية الخلفي باليمين بسبب عامود بالجراج تسببت ببعد الخدوش بالباب وهنا ابتدت العكننة والحمد لله وقدر الله ما شاء فعل ) طبعا العربيات بتتحرك بالزحف بسبب الزحام الشديد طبعا كنت بدوس بنزين مع تريحة دبرياج عشان اخنق الحركة وطبعا دة دام لمدة ساعة على الاقل فشميت ريحة زي ريحةكاوتش محروق فقلقت انها تكون الاسطوانة فبطلت الحركة دي وبقيت امور العربية واستنى السكة تمشي شوية واطلع اول واتحرك
4- العربية مميزة بعلوها وطبعا دة يتناسب مع شوارع المحروسة المدغدغة والمطبات العجيبة ولاكن العلو دة بيجعلك تشعر بكل نقرة بالارض بدوس عليها بتخلي العرية تهتز بشدة
5- عندي الاوتو لوك مش بيقفل لوحده بعد ماعدي ال 10 كيلو فطبعا لازم اضغط على مفتاح اللوك
6- العربية ايضا مفهاش re-lock بمعنى اني لو فتح العربية من كنترول المفتاح ومافتحتش اي باب المفروض العربية تغلق وطبعا دة مابيحصلش
7- لاحظت ان العربية مفهاش مؤشر حرارة ولاكن تظهر بلمبات البيان اذا العربية وصلت لدرجة حرارة اعلى من الطبيعي
8- على مااعتقد ان العربية مفهاش عمود أتزان امامي لاني جربت اخد ملف على سرعة عالية شوية فلاحظت ان العربية عامت مني

أتأكد من النقطة دى عشان خاطرى لأن النقطة دى مهم جدا
ان شاء الله أخلص صيانة ال 1000 كيلوا وابلغكم بالتطوراات واسف مش نافع ابعت صور للعربية اول مايتاح لي انترنت بسرغة محترمة اظبط ان شاء االله

+ محتاج أعمل فرش جلد للعربية بس فمحتاج اسئل هناك بالتوكيل هل فك الكراسي ووضع الفرش غليها يخرج السيارة من الضمان لان زي مانتوا عارفين عشان يكون الفرش كويس لازم يتلبس صح مش مجرد تركيب على القديم وبس فياريت بقى الي يعرف حد كويس بالاسكندرية ياريت يبلغني ويكون صنايعي واسعاره حنينة وياريت لو تدلوني على نوع جلد محترم

---

ان شاء الله على نهايه الاسبوع حروح ارفعها واتاكد لاني برده خدت غرزه على 120 العربيه اطوحت مني لاكن الحمد لله عدت على خير

اقتباس:

---

المشاركة الأصلية كتبت بواسطة mahmoud zaki

خللى بالك رينو بتقولك ان الكاوتش الامامى يبقى 32 لكن الخلفى يكون 29 والاستبن يبقى 32 هوه كمان ... انا غيرت نيتروجين وظبطت على كده والحمد لله العربية تمام معايا

---

العكس بقا يا باشا ..... الأمامي 29 والخلفي 32 وتقبل خالص التحية

على مااعتقد ان العربية مفهاش عمود أتزان امامي لاني جربت اخد ملف على سرعة عالية شوية فلاحظت ان العربية عامت مني
ماهو عمود الاتزان وهل موجود في الموديل القديم ؟والتعويم بيحصل في السرعة الكام وايه ودي خطورته؟
واخيرا ربنا يباركلك فيها

على مااعتقد ان العربية مفهاش عمود أتزان امامي لاني جربت اخد ملف على سرعة عالية شوية فلاحظت ان العربية عامت مني
ماهو عمود الاتزان وهل موجود في الموديل القديم ؟والتعويم بيحصل في السرعة الكام وايه ودي خطورته؟
واخيرا ربنا يباركلك فيها

اقتباس:

---

المشاركة الأصلية كتبت بواسطة ahmed0maged

على مااعتقد ان العربية مفهاش عمود أتزان امامي لاني جربت اخد ملف على سرعة عالية شوية فلاحظت ان العربية عامت مني
ماهو عمود الاتزان وهل موجود في الموديل القديم ؟والتعويم بيحصل في السرعة الكام وايه ودي خطورته؟
واخيرا ربنا يباركلك فيها

---

بص يا عمنا العربية فعلا من غير عمود أتزان على السرعات العالية و في خط مستقيم ما يفرقش خالص لكن لو حتعمل غرز ومناورات على سرعات عالية هنا بفى الكلام العربية ممكن تعوم منك و في بعض الشركات بتحطه أوبشن زى الرينو و النيسان و الميتسوبيشى يعنى مثلا نيسان صنى ex لا يوجد بها عمود أتزان و لا الميتسوبيشى البومه ال 1300 سي سي و لا الرينو اللوجان مانيوال المغربى لكن نيسان صنى سوبر صالون و ميتسوبيشى بومه 1600 و رينو لوجان أوتوماتيك و رينو لوجان الرومانى موجود بها عمود أتزان تمنه بره في صقر قريش حزالى 2000 جنيه مستعمل تمنه في التوكيل حوالى 3000 جنيه أكيد في شركات تانية مابتركبوش بس هي دى العربيات اللى أنا شفتها و أتأكدت أنها ما فيهاش عمود أتزان هما في اللوجان المانيوال المقصات تخينة شوية عن المقصات بتاعة الأزتزماتيك أنا قلت لازم أركبه و روحت التوكيل و في التوكيل قالوا لى لأ مش لازم عربيتك كويسة و طلع معايا واحد من جوه قسم العفشة و قال لى أن عربيتك كويسة فعلا مش محتاجة بس أنا لسه متخوف

ياشباب ممكن اعرف يعنى ايه تكييف هواء تلقاتى او اتوماتك لان عند قرائتى للامكانيات رايت ان التكيف مش متعلم عليه والخانه الي تحنها تكيف هواء تلقائى متعلم عليها فا ايه الفرق

الف مبروك ربنا يبارك لك فيها

الف مبروك

طيب يا جماعة موضوع السحب فى المطالع و الجرى .. مقارنة بماتور الفيرنا ايه النظام
قصدى الماتور كويس ف السحب و التكيف مقارنة بالفيرنا (الفرق مقبول يعنى علما بأن اللوجان 8 فالف 87 حصان) و الاوبشن الى فيها هيغطى ولا ايه؟

اللوجان 90 حصان 8 فالف مش 87

طيب السؤال محتاج جواب .. التجميع و السحب مع التكيف مقارنةً بالفيرنا
الناس كلامها مقلقنى فى موضوع السحب ضعيف ع مطالع الكبارى .. ومضايقنى برضه حوار انها مبتقفلش عداد
اصلى بحب الجرى و كدة .. حد يفيدنى

اللوجان مش بتاعة تقفيل عدادات دى عربيه عائليه و بها مستويات امان عاليه و التكييف مش بأثر على السرعه او سحب العربيه طالما انتا مهتم بصيانتها انا عن نفسى كنت بقارن اللوجان بالنيو صنى و استقريت على اللوجان علشان افضل بكتيير

اقتباس:

---

المشاركة الأصلية كتبت بواسطة sempa1982

ياشباب ممكن اعرف يعنى ايه تكييف هواء تلقاتى او اتوماتك لان عند قرائتى للامكانيات رايت ان التكيف مش متعلم عليه والخانه الي تحنها تكيف هواء تلقائى متعلم عليها فا ايه الفرق

---

يعني تكيفها نظام اوتوماتيك بتظبط الحرارة وعند الوصول اليها بيتم فصل الكومبرويسور
والفئة التانية تكيفها نظام بكر بيتظبط يدوي

اقتباس:

---

المشاركة الأصلية كتبت بواسطة assaf

الف مبروك ربنا يبارك لك فيها

---

اقتباس:

---

المشاركة الأصلية كتبت بواسطة mody112

الف مبروك

---

الله يبارك فيك عقبال ماتجيب

اقتباس:

---

المشاركة الأصلية كتبت بواسطة sarsossa

طيب يا جماعة موضوع السحب فى المطالع و الجرى .. مقارنة بماتور الفيرنا ايه النظام
قصدى الماتور كويس ف السحب و التكيف مقارنة بالفيرنا (الفرق مقبول يعنى علما بأن اللوجان 8 فالف 87 حصان) و الاوبشن الى فيها هيغطى ولا ايه؟

---

اقتباس:

---

المشاركة الأصلية كتبت بواسطة sarsossa

طيب السؤال محتاج جواب .. التجميع و السحب مع التكيف مقارنةً بالفيرنا
الناس كلامها مقلقنى فى موضوع السحب ضعيف ع مطالع الكبارى .. ومضايقنى برضه حوار انها مبتقفلش عداد
اصلى بحب الجرى و كدة .. حد يفيدنى

---

أولا اللوجان 90 حصان بالنسبة لموضوع سحبها فهو متقبل كان باول 1500 كيلو كان ضعيف نسبيا حاليا انا وصلت 3000 ابتدى يتحسن كتير جدا وبالنسبة للطالع مع التكييف الحمدج لله مافهوش اي مشكلة بالنسبة للعداد مع التكيف اخر 175 كيلو لانها عربية عائلية وعالية عن الارض وبالنسبة تاني على الكباري مافيش ادنى مشكلة في طلعتها بتطلعها على سرعتها عادي جدا
ولو بتحب الجري مظنش يعني ان فيه طريق بمصر تقدر تجيب فيه سرعات عاليا ولو بتحب الجري حتدخل فئة تانية خالص ويفضل انها تكون واطية غير مرتفعة عن الارض ونصيحة بلاش الفيرنا لان العربية مافهاش اي امان ولا حتى ثبات انا اللوجان ثبتها معايا وصلت بيها 145 وكانت زي الفل مشاء الله الفيرنا فوق 120 اصبح وزنها خفيف جدااا واحتمالية انها تقلب عالية قووي

شكرا علي التوضيح

ربنا يبارك لحضرتك والف مبروك

ربنا يبارك
ان شاء الله تفضل راضي عن اداء العربية

السلام عليكم ممكن اعرف هل باب التانك بيفتح من جوه ولا لأ و الشنطه كمان هل من جوه ولا لأ وياريت ياشباب كمان اعرف هل الديبرياج ويير ولا كبس زيت

اقتباس:

---

المشاركة الأصلية كتبت بواسطة sempa1982

السلام عليكم ممكن اعرف هل باب التانك بيفتح من جوه ولا لأ و الشنطه كمان هل من جوه ولا لأ وياريت ياشباب كمان اعرف هل الديبرياج ويير ولا كبس زيت

---

التانك للامان ولاجبارك على غلق المحرك بيفتح عن طريق المفتاح فقط
الشنطه مفتوحه طول مالسنتر مفتوح
الديبرياج على واير

انا خلاص قررت اجيب اللوجان بس لحد دلوقتى مش عارف اجيب الفقه الاوله منين مع العلم انى لزم جدا يكون التسليم فورى وانا ها خلصها ان شاء الله كاش فا ياريت تفدونى اجيب الفائه الاوله منين