الموضوع: استفسار عاجل بخصوص رقم الموتور ال tsi

أنا رايح أرخص أنهارده الصبح سيات ليون و مش عارف مكان رقم الموتور فين و متأكد أن الراجل إللي بيرفع البصمة مش هيعرف يوصله.

أعتقد أن ال tsi كله هيبقى زي بعضه مش هتفرق 1.2 من 1.4

حد عنده فكرة الرقم بيبقى محفور فين؟

المشاركة الأصلية كتبت بواسطة muhamed mohsen

اولا الف مبروك على العربيه .. انا عندى فىa7 بنفك قطعه متركبه بالعرض فوق الردياتير اللى هيا مدخل الهوا.. ليها مسمارين واحد يمين والتانى شمال .وبعد كدا بتبص تحت مابين الردياتير والموتور بيكون الرقم موجود على اول الموتور من تحت من الناحية المواجهه للردياتير .. وليا سؤال انت سألت على الفتيس كويس قبل ماتشترى ولا ايه .. هوه معايا زى الفل الحمد لله ومع ناس اعرفها ..هو طبعا فتيس رائع بس انت عارف سمعته هنا فى مصر .. وبيقولوا اتعدل فى الموديلات الجديده ..

تمام يا باشا. طلع عندي في نفس المكان. هو مكان غلس و ضيق جداً بس هو عرف يوصله من غير منفك حاجة. و كان في مشكلة تانية أن الرقم متغطي بشمع فكان لازم يشيلوه الأول.

بالنسبة للفتيس، طبعاً معرفتش أوصل لرد قاطع هل كله بقى تمام ولا لأ. و كل الناس في كل حتى بتفتي و متقدرش تاخد كلام أي حد بثقة.
إللي خلاني أتوكل على الله و أنا بصراحة أيدي على قلبي حاجتين
1- ثقتي أن شركة كبيرة زي فولكس المفروض عارفين هم بيعملوا أيه و مش هيسيبوا أي حاجة غير أما يظبطوها 100%
2- أحساسي أن المواضيع بتاعت المشاكل مبالغ فيها جداً، و الوضع على أرض الواقع مش سيء قوي كده