انة ابو الفتوح يا سادة افشل توكيل في مصر

**Sameh samy** · 05-08-2014 02:30 AM

السادة اللي ناويين يشتروا اي عربية من ابو الفتوح انا احب اشارك معاكم بتجربتي عن توكيل ابو الفتوح
انا اشتريت عربية نوبيرا سنة 2008 عالزيرو واحب اقول ان ضمان ابو الفتوح دة ولا لية 30 لازمة
عربيتي من ساعة ماشتريتها كانت بتشرق وهي بتدور ماعد الصبح وتدخن دخنة سودا واروح التوكيل يقولك مافيهاش حاجة وكل مرة علي كدة يغرموني كل 5 الاف كيلو طقم بوجيهات لان العيب في الرشاشات وهما موش عاوزين يغيروها والنتيجة اني جبت رشاشات فيرنا من برة
اشتكيت من ترشيح زيت علي الموتور ويقولو مافيهاش حاجة ويطلع غطا التاكيهات ناقص مسمار والتاني مقطوم وحتي لما ركبولي مسامير فضلت تعرق زيت واضريت اغير غطا التاكيهات بعد ماغيرت جوان مرتين لان الغطا كان اتعوج او زي مابيقولو قفع
الحاجة اللي هاتموتكم من الضحك اني مرة كنت ركن العربية مايلة والباب وانا بقفلو اترزع شوية لقيت مسمار اكرة الباب اللي جوة خرج من الصاج لانو طويل
اشتكيت ان في بتب نور الازاز موش بينور مرضيوش يصلحوة
اشتكيت من خزنة التكييف اللي كانت بايظة والتكييف موش بيقلب ريسيكل ولا عارف اخلية يجيب هوا فوق من غير رجلين ولا الهوا
مرة كنت قاعد في الصيانة وهما مانعين النزول الورشة ونزلت وطلعت خمس مرات وعربيتي مركونة برة مدخلنش وفوجئت قالولي العربية خلصت
انا من ساعة ماجبت العربية وعلبة البيئة وحشة وصوتها عالي ودي موش شكوتي لوحدي وقالو الشكمان مصري وهايعمل كاربون والصوت هايمنع علي 40 الف وانا عامل النهاردة 120 الف والصوت لسة عالي
انا خرجت من الضمان وانا عامل 20000 بس وكملت مع الميكانيكي وعالجنا عيوب العربية والحمدللة ان النوبيرا قطع غيارها متوافرة واللة يكون في عون الاسبيرانزا والايمجراند واللة بتوع اسبيرانزا كانو بيلطمو وهما خلو سواقين التاكسي بعيد عن بتوع الملاكي من كتر الشتيمة اللي بياخدوها منهم ويستاهلو
انا في خلال 20000 كيلو مغير مساعدين علي حسابي رشاشات فيرنا غطا تاكيهات وجوانين تاكيهات
نسيت اقولكم ان العربية في اول الف اتفك فيها خرطوم الباور علشان مكنش مربوط والزيت نزل علي الارض ولما جيت افك فرش الباب علشان اعمل لمبة الازاز لقيت جوة كيس شيبسي فاضي
العربية لسة معايا ومرتاح فيها وندمان علي فلوس اللي دفتعتها اونطة في التوكيل وهي بعد 20000 الف ومن ساعة ماراحت للميكانيكي بقت احسن من ما كانت علي الزيرو

الحاجة المهمة ان بشهادة الميكانيكية واصحاب النوبيرا اللي قابلتهم في التوكيل انا محظوظ وكدة عربيتي تقفيلها كويس جدا ومنساش اني كنت مخنوق لما استلمت العربية الزوايا بايظة والدركسيون معووج وكان معايا واحد استلم نوبيرا كحلي قابلتو في توكيل ابو رواش تاني يوم بحكيلو إلي الزوايا قالي انت كويس انا جايب العربية متشالة ووراهاني المقص سايب مكانو والعجلة اتعوجت

**mr_sese** · 05-08-2014 02:35 AM

توكيل سئ

**amoor89** · 05-08-2014 02:37 AM

ده العادى من التقفيل المصرى كنا بنخاف الاول من التقفيل الصينى لكن للأسف دلوقتى بقى برقبة المصرى

**aymanshebl** · 05-08-2014 03:17 AM

قلة الضمير و عدم اتقان العمل من اسوء عيوب الصناعة المصرية

**bassemali** · 05-08-2014 03:53 AM

التجميع المصري كله عيوب من دي ...بس أنا بصراحه مرتاح مع توكيل ابو الفتوح مع ان عربيتي كان فيها عيوب تقفيل برضه اول ماجبتها لكن عالجوها مع زيارتين تلاته بس والحمد لله من ساعتها ماشيه تمام .. هيا حاجه تقرف لما تبقى جايب عربيه زيرو وتضطر تروح التوكيل كام مره عشان عيوب تقفيل بتبقى حاجه تضايق لكن بصراحه ع الكلام اللي بتقوله ده يبقى أبو الفتوح أتحسن كتير قوي دلوقت .. وبرضه كتر المنافسه ف السوق عليها عامل كبير زمان أيام الدايو ماكانش في عربيات بتتجمع ف مصر وبالمواصفات والأوبشن والسعر بتاع الدايو غير الهونداي بس ... النهارده بقى عندك شركات كتير بتجمع ف مصر ومنزله عربيات بمواصفات حلوه فبقت المنافسه شرسه وأصبح البقاء لمن يملك السمعه الأفضل ويقدر يقدم خدمه محترمه بعد البيع ..

**أمجد هووز** · 05-08-2014 10:04 PM

لا مواخذه اذا كان اللي بيحكي عاقل والمستمع هو اللي .....
صحيح في عربيه زيرو من الاجنس تطلع فيها كل العيوب دي ؟؟؟
بص يا كابتن العربيه لما اشتريتها كانت عامله كام كيلو؟
انت اشتاريتها من المعرض ولا اشتريتها كسر زيرو ؟؟؟

ومعلش ملحوظه كده علي الماشي انت شاري العربيه سنه 2008
لسه فاكر النهارده تحظرنا من ابو الفتوح ....ياراجل سايبه 7 سنين ينصب علينا
كل اللي اشتروا من ابو الفتوح السنين اللي فاتت عربياتهم ذنبها في رقبتك

معلش اللي ها يريحك لما تعرف ان ابو الفتوح نصب علي دينا الرقاصه ذات نفسها
يعني غلب كيد العوالم