اجيب فيرنا جديد والا حرام فيها الفلوس ؟

**hesham fawzy h** · 05-08-2014 10:36 AM

اجيب فيرنا جديد ولا حرام فيها الفلوس .

انا عن نفسى مستحرم ارمى 82 الف فى فيرنا ( مانيوال فول اوبشن استار )

وفى نفس الوقت بقول الجديد مفيش احسن منة (فى حدود السعر الى معايا )

تنصحونى اعمل اية ؟

و فى النهاية عايز اعرف معرض اسعارة كويسة فى العربيات الزيروو.

**تامر.محمد** · 05-08-2014 10:37 AM

في رأيي خسارة فيها المبلغ ده
بالنسبة لي انا لوجان او byd هما اللي عليهم القيمة تحت 100 الف حاليا

**تامر.محمد** · 05-08-2014 11:07 AM

احسن من اللوجان في نسبة قوة الموتور لوزن العربية و بالتالي التسارع بس
و في اعادة البيع , يعني فرق كام الف بعد 5 سنين مثلأ ؟ , و في اسعار و انتشار قطع الغيار
بس في المقابل هاتركب الكام سنة عربية لا وسع ولا ثبات ولا عزل ولا كماليات ولا وسائل امان

اما عن الbyd فانا شايفها ثبتت نفسها كتاكسي وسط اللانوس و الفيرنا و انتشرت اكتر منهم , او على الاقل زيهم , صيني فعلا لكن الفيصل الحقيقي هو مواصفات و اداء العربية , و هي متفوقة على الاتنين خصوصا في الثبات و الفرامل مثلا

انا عموما حددت اللوجان و الbyd عشان انا شايف ان سعرهم فيهم و مافيهمش مشاكل , الفيرنا لو ارخص 10 مثلا هي و اللانوس كنت اعتبرت سعرهم فيهم برده بس سعرهم مبالغ فيه اوي على امكانياتهم الاتنين

**David Micheal** · 05-08-2014 11:54 AM

ياعم 80 الف هاتلاك بيهم حاجة مستعمله فبريكا مش راشه ولا جوه ولا بره احسن ميه مره من الفيرنا ديه اللي بعد ماتجيبها هاتحس ان ماعملتش حاجة جديده و خساره فيها الفلوس

حرام عليك هات ماتريكس مستعمله ولا هات لانسر بووووووووومه اشد ميه مره و 85 تمن الفيرنا جديدو اتوماتيك علي الاقل

**eslam75** · 05-08-2014 12:12 PM

طبعا حرام و كتير جداا طبعا
بالفلوس دي تجيب حاجات كتير إستعمال و هتكون إستعمال نضيف جداا كمان
حرام تدفع المبلغ ده كله في فيرنا
عربيه ورق .....مفيش ثبات ..... متور أكبر م العربيه ..... فرامل ورق .....و صاج ورق
و في حاجات كتبر موجوده في رينج المبلغ ده

**Omar Mahmoud** · 05-08-2014 01:06 PM

لا حرام تدفعهم في فيرنا
شوف حاجة مستعملة بنفس السعر

**drcobra** · 05-08-2014 01:07 PM

افضل اللوجان
عربية فرنساوى
تكنولوجيا بسيطة مش معقدة
اهم نقطة عفشة كويسة وعالية عن الارض

بصراحة احنا كمصريين عربية الركوب بنستعملها فى نقل كل حاجة فمحتاجين عربية دبابة
زمان كنت بحب الهاتش باك دلوقتى اتمنى اغير بعربية عالية قوية مش مهم عندى الجرى المهم التحمل

لاكن الفيرنا مناسبة لشاب بيحب الجرى اسرة صغيرة طرق معقولة

**Anaslbda** · 05-08-2014 02:57 PM

الفيرنا صفقة رابحة بكل المقاييس, اسعار قطع الغيار بتراب الفلوس بمعنى الكلمة, العربية لو لا قدّر الله اتعجّنت في حادثة هترجّعها فبريكة تاني في ساعتين زمن..
الفيرنا مش خسارة فيها الفلوس ابداً.. بتتحمّل الإهانة والجري والحرق على الغيارات, اعرف حدود امكانيتها وعمرها ما هتزعّلك.
اللي يقولّك اركب صيني مع احترامي يعني....................