استفتاء مهم ..STEPWAY or COMFORT

ارجو من اهل الخبره الافاده جزاكم الله الف خير
انا رحت معرض رينو بتاع الدقي نادي الصيد عشان احجز لوجان فول اوبشن لاني اتفرجت عليها وعجبتني
ولقيت عنده الcomfort و stepway وده كانت اول مره اشوف فيها الاتنين ولقيت اختلاف قوي
في شكل التابلوه بتاع الكومفرت عن الفول وبصراحه دخلت دماغي جدا
بس الصدمه بقى لما اتفرجت على الستيبواي رهييييييبه . جننتني بس المشكله انها اغلى من الكومفورت ب 10 الاف
فهل ياترى لو ضغط على نفسي جامد وزودت الفلوس تستاهل اني ادفع فيها فعلا 100 الف
ولا شكل بس ؟ واخليني احسن في الكومفورت وانا اولى بفرق ال10 الاف
افيدوني افادكم الله

فرق 10 الاف ازاي ؟؟
الكمفورت استلام فوري حتدفع 95500 الف والعربية بسم الله مشاء الله روعة بالاوبشن الي فيها

ال stepway جميلة جدة بس بالميكانيكا والعفشة هي هي اللوجان بس الجنوط بتاعها 16 + فيها عتب بكامل العربية + فيها حامل خلفي وسعرها المفروض 104 الف بالنافيجيشن وجنوط سبور

فانا رائي خدلك اللوجان حجم الشنطة اكبر وبتهيائلي من جوة اوسع شوية من الستيب واي وفي الاخر دة قرارك

فعلا اللوجان تمتاز عن الاستيب واي بالشنطه والوسع الداخلي والاوبشن وانا من رأي انتا اولي بال 10 الالف دول لان من الاخر مفيش اي اختلاف ما بين الاستيب واي واللوجان غير في الجنوط والعتب

لو الاستيب واي كانت ارخص من اللوجان كنت هقولك هاتها لكن للاسف اغلي مش عارف ليه وتسئل يقولك اصل الجمارك بتحسب الاستيب واي انها 5 باب مش 4 زي اللوجان

اقتباس:

---

المشاركة الأصلية كتبت بواسطة corsair

فعلا اللوجان تمتاز عن الاستيب واي بالشنطه والوسع الداخلي والاوبشن وانا من رأي انتا اولي بال 10 الالف دول لان من الاخر مفيش اي اختلاف ما بين الاستيب واي واللوجان غير في الجنوط والعتب

لو الاستيب واي كانت ارخص من اللوجان كنت هقولك هاتها لكن للاسف اغلي مش عارف ليه وتسئل يقولك اصل الجمارك بتحسب الاستيب واي انها 5 باب مش 4 زي اللوجان

---

أتفق معاك فى الرأى تماماً

الستيب واى كل اللى فيها شوية بارات زيادة و a b s نوع الكاوتش كان أحسن و شوية أستيكرات مكتوب عليها stepway و كانت عبارة عن سانديرو هاف أوبشن ده كان في الشكل القديم أنا راى أن اللوجان نافيجشن أحسن من ال stepway ستين مرة

خليك فاللوجان